ٴوز حابارىمىز. حايكوۋ قالاسىنىڭ لۇڭچياۋ جول تورابىنان حايناننىڭ ارال اينالاتىن جوعارى قارقىندى تاس جولىنا تۇسسەڭىز، جول بويى تاۋ-وزەن، تەڭىز-مۇحيتتىڭ اسەم تابيعاتىنا كوز تاستاپ، ىستىق بەلدەۋدىڭ وزگەشە سالت-ساناسىنا كۋا بولاسىز. 

    جالپى ۇزىندىعى 613 كيلومەتر كەلەتىن بۇل جوعارى قارقىندى تاسجول حاينان ارالىنىڭ تەڭىز جاعالاۋىنداعى قالا، اۋدانداردى اينالىپ، تۇيىق ساقينالى فورمادا ارالدى اينالاتىن اقىسىز جوعارى قارقىندى تاسجول قالىپتاستىرادى. بۇل جوعارى قارقىندى تاسجول ارالداعى تۇرعىنداردىڭ ٴجۇرىس-تۇرىسىنا قولايلىلىق تۋدىرىپ، ٴوز كولىگىمەن ساياحاتتاۋشىلاردى باۋراۋمەن بىرگە، حايناننىڭ باتىلدىقپەن قامال الىپ، باتىلدىقپەن سىناق جۇرگىزۋ، باتىلدىقپەن الدا ٴجۇرۋ سىندى رەفورما رۋحىن ونان ارى ايگىلەدى. 

    حاينان ولكەلىك قاتىناس-تاسىمال مەڭگەرمەسى جوبالاۋ باسقارماسىنىڭ ورىنباسار باستىعى جاڭ حايجيان بىلاي دەدى: بۇل تاسجول حاينان رەفورماسىنىڭ كلاسسيكالىق ۇلگىسى رەتىندە، جوعارى قارقىندى تاسجول قاتىناسىنا قولايلىلىق اكەلىپ، تەڭىز جاعالاۋىنداعى حالىقتى يگىلىككە كەنەلتتى. 

    1988-جىلى حايناننىڭ ارالدى اينالاتىن جوعارى قارقىندى تاسجولى سالىنعاننان باستاپ، حايناننىڭ جول تورابىنداعى ەڭ قاربالاس قاتىناس نەگىزگى كۇرە تامىرىنا اينالدى. 

    بو-اۋ ازيا تالقى مىنبەرىنىڭ 2021-جىلعى جىلدىق ٴماجىلىسى اشىلۋ الدىندا تۇر، بۇرىنعى شاعىن بالىقشىلىق قىستاعى قازىر دۇنيە ٴجۇزىنىڭ ساياسي قايراتكەرلەرى، كاسىپورىن ساڭلاقتارى، مامان-وقىمىستىلارى جينالىپ، ورتاق تانىم ۇيىستىراتىن ماڭىزدى تۇعىرعا اينالدى. 

    بو-اۋ لىچىڭ حالىقارالىق ەمدەۋ-ساياحات رايونىندا مىڭعا جۋىق حالىقارالىق جاڭاشا دارىگەرلىك جابدىقتارى شوعىرلى كورسەتىلۋدە، حالىقارالىق ٴدارى-دارمەك-جابدىقتارىمەن اينالىساتىن كاسپورىندار وسى تۇعىر ارقىلى جۇڭگو بازارىنا كىرۋدى ٴۇمىت ەتەدى. 

    ٴمالىم شەتەل قارجىسىندىق ەمدەۋ جابدىقتارى شەكتى سەرىكتىگىنىڭ سىرتقى ىستەر جانە بازارعا كىرۋگە رۇقسات ەتۋ نىسانىنىڭ جاۋاپتىسى ۋاڭ جينحى بىلاي دەدى: جاڭا ونىمدەردىڭ، جاڭا تەحنيكانىڭ تياناقتانۋى وسى جاڭا تەحنيكالار مەن ونىمدەردىڭ جۇڭگودا ەڭ تەز قارقىنمەن بەكىتىلىپ، بازارعا شىعارىلۋىنا مۇمكىندىك جاسايدى ياعني بۇل ونىمدەر حاينان ارقىلى بۇكىل ەلگە بەت الادى. 

    تاسجولدىڭ شىعىس جول جەلىسىنىڭ سوڭعى بەكەتى بولعان سانيا قالاسىنا بارساڭىز، ساياحاتتىڭ سايابىر مەزگىلىنىڭ وزىندە، سانيا حايتاڭ شىعاناعى كەدەن باجىسى كەشىرىم ەتىلگەن ونىمدەر بازارى ادامعا لىق تولى بولىپ تۇرادى. باجى كەشىرىم ەتۋ جاڭا ساياساتى اتقارىلعاننان بەرى، ٴار كۇنگى باجى كەشىرىم ەتۋ سوماسى 130 ميلليون يۋاننان استى. 

    ارالدى اينالىپ وتەتىن جوعارى قارقىندى تاسجولدىڭ باتىس لەنياسى دا وزگەشە، مۇندا ياڭپۋ ەكونوميكالىق اشۋ رايونى ورنالاسقان. بۇل ارا بولاشاقتا حاينان ەركىن ساۋدا پورتى قۇرىلىسىنىڭ ۇلگى رايونىنا اينالماق. تاياۋدا، حاينان ەركىن ساۋدا پورتىنداعى شەتەل ساۋداگەرلەرى دەربەس قارجى قوسقان تۇڭعىش تەڭىز تاسىمالى كاسىپورنى رۇقسات الىپ، وسى ارادا بۇكىل الەمدىك قىزمەت وتەۋ كاسىبىن جۇرگىزە باستادى. 

    ياڭپۋ ەكونوميكالىق اشۋ رايونى قىزمەت كوميتەتىنىڭ شۋجيى جوۋ جۇنپيڭ بىلاي دەدى: كوپتەگەن كاسىپورىندار ەركىن ساۋدا پورتىنىڭ ساياساتى مەن بولاشاعىنا نازار اۋدارۋدا. كوپتەگەن بازار تۇلعالارى حاينان ەركىن ساۋدا پورتىن جۇڭگو بازارىنا كىرۋدەگى نەمەسە دۇنيە جۇزىنە بەت الۋداعى ماڭىزدى تەكشە دەپ قارايدى.

    ەكونوميكالىق دامۋ مەن جوعارى قارقىندى قۇرىلىس ٴبىرىن-ٴبىرى تولىقتايدى، ەركىن ساۋدا پورتى قۇرىلىسىنىڭ ۇزدىكسىز ىلگەرىلەۋىنە بايلانىستى، حايناننىڭ ارال اينالاتىن جوعارى قارقىندى تاس جولىنىڭ كوتەرىمدىلىك قۋاتى جونىندە دە اناعۇرلىم جوعارى تالاپتار قويىلدى، حايناننىڭ ارالدى اينالۋ جوعارى قارقىندى تاسجولىنىڭ ساپاسى ٴتىپتى دە كۇشەيتىلەدى. حاينان ولكەلىك قاتىناس- تاسىمال مەڭگەرمەسى جوبالاۋ باسقارماسىنىڭ ورىنباسار باستىعى جاڭ حايجيان بىلاي دەدى: 14-بەسجىلدىق مەزگىلىندە، حايچىڭ ۋىنديڭ جانە 大三亚داسانيا سىياقتى وڭتۇستىك پەن سولتۇستىكتەگى ەكى ۇيەكتى جول بولەكتەرىندە ٴتۇيىندى تۇردە ساپالاندىرۋ قۇرىلىسى جۇرىلەدى. حايكوۋدان فيجوۋعا، حايكوۋدان بو-اۋعا دەيىنگى كەيبىر ٴتۇيىندى جول بولەكتەرى دە ساپالاندىرىلادى.

   اۋدارعان: شالقار قازەز ۇلى