ٴوز حابارىمىز. بۇكىل ەل بويىنشا كومىرتەگىن شىعارۋ ۇقىعى ساۋدا بازارى مەجەمەن بيىل 6-ايدىڭ اياق شەنىندە ىسكە قوسىلادى، قازىر تۇڭعىش توپتاعى 2000 نان استام ەلەكتر كاسىپورنى بۇكىل ەل بويىنشا كومىرتەگىن شىعارۋ ۇقىعىن تىزىمگە الۋ جۇيەسىندە تىزىمگە الىنىپ،ەسەباتىن اشقان، كومىرتەگى بازارى بولاشاقتا كومىرتەگىن شىعارۋدى جۇزەگە اسىرۋداعى ماڭىزدى بازار مەحانيزمىنە اينالادى. 

    جۇڭگو حالىق بانكەسىنىڭ باستىعى ي گاڭ بىلاي دەدى: مەجەمەن 2030-جىلدان بۇرىن،جۇڭگونىڭ كومىرتەگىن شىعارۋدى ازايتۋىنا جىلىنا 2 تريلليون 200 ميلليارد يۋان قارجى جۇمسالادى. قازىر قاتىستى تاراۋلار باسقارۋ ەرەجەسى جونىندە پىكىر الۋدا، فينانس باسقارۋ تاراۋلارى قاتىستى تاراۋلاردىڭ كومىرتەگى بازارىن باسقارۋىنا سايكەسەدى. ەكولوگيالىق ورتا مينيسترى حۋاڭ رۇنچيۋ : بۇكىل ەل بويىنشا كومىرتەگى بازارى الدىمەن ەلەكتر شىعارۋ سالاسىندا باستالادى دەدى. 

    ۇعىسۋعا قاراعاندا، العاشقى توپتاعى 2225 ەلەكتر جابدىقتارى كاسىپورنى قازىر بۇكىل ەل بويىنشا كومىرتەگىن شىعارۋ ۇقىعىن تىزىمگە الۋ جۇيەسىندە ەسەپ اشۋ ماتەريالدارىن تەكسەرۋ قىزمەتىن ورىنداعان. كاسىپتىك قايراتكەرلەردىڭ مەجەلەۋىنشە، 2021-جىلى ەلىمىزدىڭ كومىرتەگى ساۋدا بازارىنىڭ ساۋدا مولشەرى 250 ميلليون تونناعا جەتىپ، 2020-جىلى سىناق ٴتۇيىنى ەتىلگەن ساۋدا ورىندارى ساۋداسىنىڭ جالپى مولشەرىنىڭ 3 ەسەسىندەي بولىپ، ساۋدا سوماسى 6 ميلليارد يۋانعا جەتەدى.

بازار جۇيەسىن بىرلىككە كەلتىرىپ، كومىرتەگى قوس توتىعىنىڭ شىعارىلۋىن بىرتىندەپ ازايتۋ نساناسىن قايتكەندە تەزدەتۋگە بولادى؟وسى ماسەلە جونىندە چيڭحۋا ۋنيۆەرسيتەتى ەنەرگيا، ورتا، ەكونوميكانى زەرتتەۋ ورنىنىڭ باستىعى، مەملەكەتتىك كومىرتەگى بازارىن جالپى تۇلعالىق جوبالاۋ ماماندار گرۋپپاسىنىڭ جاۋاپتىسى جاڭ شيلياڭ بىلاي دەپ قارادى : كومىرتەگى بازارى كاسىبىنىڭ قامتۋىن تەز ارادا كەڭەيتىپ، كومىرتەگى باعاسىنىڭ شابىتتاندىرۋ، تەجەۋ رولىن بارىنشا ساۋلەلەندىرۋ كەرەك.


اۋدارعان: كۇلان ىرىسباي قىزى