ٴوز حابارىمىز. جاپونيا ۇكىمەتى 4-ايدىڭ 18-كۇنى فۋكۋسيما ارالىنداعى قاتىستى قايراتكەرلەرگە ۇكىمەتتىك تۇسىنىك بەرۋ ٴماجىلىسىن اشتى. بۇل جاپونيا ۇكىمەتىنىڭ «يادرولىق لاس سۋدى تەڭىزگە ىعىستىرۋدى» ۇيعارعاننان كەيىن، تۇڭعىش رەت جەرگىلىكتى قايراتكەرلەرگە تۇسىنىك بەرۋ ٴماجىلىسىن اشپاق بولۋى، ال جەرلىك تۇرعىندار ۇكىمەتتىڭ مۇنى قاتاڭ سىندادى. 

    جاپونيا مەديالارىنىڭ حابارىنا قاراعاندا، 4-ايدىڭ 18-كۇنگى تۇسىنىك بەرۋ ٴماجىلىسى فۋكۋسيما ارالىنداعى پان قالاسىندا وتكىزىلدى، فۋكۋسيما ارالىنداعى جەرگىلىكتى قايراتكەرلەردەن 50 دەي ادام قاتىناستى، ٴارقايسى قالا-قالاشىق-قىستاق جاۋاپتىلارى، ونەركاسىپ-ساۋدا قوعامى، اۋىل شارۋاشىلىعى، ساياحات كاسىبى، بالىق شارۋاشىلىعى ۋاكىلدەرى قاتارلىلاردى قامتيدى. جاپونيا ەكونوميكا-ونەركاسىپ مينيسترلىگىنىڭ ورىنباسار ٴۋازىرى جياڭ داۋجيە تۇسىنىك بەرۋ ماجىلىسىندە بىلاي دەدى: جەرگىلىكتى ورىننىڭ گۇلدەنۋ قىزمەتىنە استە نەمقۇرايدى قاراۋعا بولمايدى. ول ۇكىمەتتىڭ قاتىستى تەرىس باعالاردى بارىنشا الاستايتىندىعىن باسا دارىپتەدى. 

    تۇسىنىك بەرۋ ماجىلىسىنە قاتىناسقان جەرگىلىكتى قايراتكەرلەر ارت-ارتىنان ٴسوز سويلەپ، ۇكىمەتتەن تەرىس باعالاردى جويۋدىڭ ناقتى جوباسىن تەزىرەك الىپ شىعۋدى تالاپ ەتتى ٴارى ۇكىمەتتىڭ يادرولىق جاراقسىز سۋدى ٴبىرجاقتىلى ەتكەننەن كەيىن تەڭىزگە ىعىستىرۋ جونىندەگى قاۋلىسىنا قاتاڭ سىن ايتتى.


اۋدارعان: امانتاي مۇسايىپ ۇلى