ٴوز حابارىمىز. جاپونيا ۇكىمەتىنىڭ جۋىردا فۋكۋسيما ارالى 1-يادرو ەلەكتر ستانسياسىنداعى يادرولىق جاراقسىز سۋدى تەڭىزگە ىعىستىرۋدى ۇيعارۋى جۇرت نازارىن اۋداردى. جۇڭگو يادرو ەنەرگياسى كاسىپتىك قوعامى ماماندار كوميتەتىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى جاۋ چىڭكۇن بىلاي دەپ قارادى :جاپونيانىڭ فۋكۋسيما ارالىنان ىعىستىراتىن يادرولىق بىلعانعان سۋى مەن ٴار ەل يادرو ەلەكتر ستانسيالارىنىڭ قالىپتى جۇمىس جۇرگىزۋ بارىسىندا ىعىستىرعان سۇيىق كۇيدەگى زاتتاردىڭ ماندىك پارقى بار.جاپونيا ٴوز ەلى مەن حالىقارالىق قوعامعا جاۋاپتى بولۋ پوزيتسياسىندا بولا وتىرىپ، بايىپتى شارا قولدانىپ، مۇددەلى قاتىستى جاقتاردىڭ قاتىناسۋى مەن باقىلاۋىندا ەڭ تاماشا ٴتاسىل قاراستىرىپ ٴبىرجاقتى ەتۋى كەرەك. 

    كەيبىرەۋلەر جاپونيانىڭ فۋكۋسيما ارالىنداعى يادرو شىرعالاڭىن ٴبىر جاقتى ەتكەننەن كەيىنگى جاراقسىز سۋدى ٴار ەل يادرو ەلەكتر ستانسيالارىنىڭ قالىپتى جۇمىس جۇرگىزۋ بارىسىندا ىعىستىرعان سۇيىق كۇيدەگى زاتتارىمەن سالىستىردى. جاۋ چىڭكۇن: بۇل ەكەۋىن سالىستىرۋعا كەلمەيدى، قاراماققا ىعىستىرىلعاننىڭ بارلىعى جاراقسىز سۋ بولعانىمەن، جاراقسىز سۋدىڭ قاينارىندا ماندىك پارىق بار،-دەپ قارادى. 

    جاۋ چىڭكۇن بىلاي دەدى :بۇل جاراقسىز سۋلاردىڭ كەلۋ قاينارى ۇقسامايدى.جاپونيانىڭ فۋكۋسيما ارالىنداعى يادرو شىرعالاڭى ەڭ جوعارى 7-دارەجەدەگى شىرعالاڭ، يادرو شىرعالاڭىندا رەاكسيا قازانىنىڭ وزەگى بالقىپ، راديواكتيۆتىك زاتتار كوپتەپ شىعارىلدى. فۋداۋ ەلەكتر ستانسياسىنداعى جاراقسىز سۋلار شىرعالاڭنان كەيىنگى ۇيمە وزەگىن ەرىتەتىن سۋىتۋ سۋىن، سونداي-اق رەاكسيا كوپتەپ سىڭگەن جەر استى سۋى مەن جاڭبىر سۋىن قامتيدى، مولشەرى وتە كوپ، راديواكتيۆتىك دەڭگەيى دە اسا جوعارى. يادرو ەلەكتر ستانسياسىنىڭ قالىپتى اينالىمىنان پايدا بولعان جاراقسىز سۋ نەگىزىنەن تەحنولوگيالىق سۋ ىعىستىرۋ، حيميالىق سۋ ىعىستىرۋ، جەر بەتى سۋىن ىعىستىرۋ سياقتىلاردان كەلەدى، راديواكتيۆتىك دەڭگەيى وتە تومەن، ونىڭ ۇستىنە ٴبىر جاقتى ەتىلگەن، ىعىستىرۋ بارىسندا مەملەكەتتە، حالىقارادا ٴبىرتۇتاس قولدانىلاتىن ولشەمگە قاتاڭ بويسۇنعان. 

    جاۋ چىڭكۇن ىشكەرىلەي ٴتۇسىندىرىپ بىلاي دەدى: جاپونيانىڭ فۋكۋسيما ارالىنداعى يادرو شىرعالاڭىن ٴبىر جاقتى ەتكەننەن كەيىن، جاراقسىز سۋ ەرىتۋ، ٴۇيۋ وزەگىندە ساقتالعان ٴتۇرلى راديواكتيۆتىك نۋكلەيندى ٴبىر جاقتى ەتۋى قيىنعا سوعادى.

 
    جاپونيا قازىر فۋكۋسيما ارالىنداعى يادرولىق شىرعالاڭداعى جاراقسىز سۋدى نەگىزىنەن-2012جىلى اشىلعان كوپ يادروستى ٴبىر جاقتىلى ەتۋ جۇيەسى ( ALPS ) ارقىلى تريتيننەن باسقا يادرولىق زاتتاردى ٴسۇزىپ الادى.جاۋ چىڭكۇن بىلاي دەدى :جاپونيانىڭ فۋكۋسيما ارالىنداعى يادرو شىرعالاڭىنداعى جاراقسىز سۋدى ٴبىر جاقتى ەتۋدى زەرتتەۋگە جاۋاپتى گرۋپپاسى جاريالاعان دوكلات بولسىن، الدە جاپونيانىڭ فۋكۋسيما ارالىنداعى يادرو شىرعالاڭىنداعى جاراقسىز سۋدى ٴبىر جاقتى ەتۋدى اتقارۋ نەگىزگى تۇلعاسى توكيو ەلەكتر سەرىكتىگىنىڭ اشىق ساندى مالىمەتىندە بولسىن، ٴبىر جاقتى ەتۋ ونىمدىلىگى مەجەگە جەتە قويماعان، سۇزىلگەننەن كەيىن لاس سۋداعى يود 129 قاتارلى يادرو قۇرامىنىڭ اكتيۆ قويۋلىعى ولشەمنەن اسىپ كەتكەن جاعداي كوپ رەت جارىققا شىققان. 

    جاۋ چىڭكۇن بىلاي دەدى: لاس زاتتاردى شىعارۋ فۋكۋسيما ارالىنداعى يادرولىق شىرعالاڭداعى جاراقسىز سۋدى ءٴبىر جاقتى ەتۋ ءٴادىسىنىڭ ءبىرى، الايدا جاپونيا قازىر دۇنيە ٴجۇزىن تولىق سەندىرە الماي وتىر، جاپونيانىڭ بۇل ٴىستى ٴبىر جاقتى ەتۋدەگى بەينەسى توماعا-تۇيىق، جاريا ەمەس.



اۋدارعان:گۇلنۇر قابىلقاق قىزى
جۇڭگو قازاق راديو تورابى