ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

4-كەزەكتى يمپورت كورمەسىنە 200 كۇن قالدى

来源:جۇڭگو قازاق راديو تورابى     |责编:古丽美热|     发布日期: 2021-04-19 11:15

 

ٴوز حابارىمىز. 4-كەزەكتى يمپورت كورمەسىنىڭ اشىلۋ ۋاقىتىن شەگەرىپ ەسەپتەۋگە 200 كۇن قالۋ بايلانىسىمەن 4-ايدىڭ 18-كۇنى تۇستەن كەيىن ارناۋلى تاقىرىپتىق ۇگىت قيمىلىن وتكىزىلدى، قازىر كورمەنىڭ ٴتۇرلى دايىندىق قىزمەتتەرى ورنىقتى ىلگەرىلەپ، كورمەگە قاتىناسقان ساۋداگەرلەردىڭ توقتامعا قول قويۋ كولەمى جوبا كولەمىنىڭ 70 % ىنەن استى.

 جۇڭگو حالىقارالىق يمپورت كورمەسى مەكەمەسىنىڭ ورىنباسار باستىعى سۇن چىڭحاي بىلاي دەپ تانىستىردى: الدىڭعى 3 كەزەكتى يمپورت كورمەسىندە توقتامعا قول قويىلعان جالپى ساۋدا سوماسى 200 ميلليارد دوللاردان استى، قازىر 4-كەزەكتى يمپورت كورمەسىنىڭ دايىندىق قىزمەتى ورنىقتى ىلگەرىلەپ، كورمەگە قاتىناسقان ساۋداگەرلەردىڭ توقتامعا قول قويۋ كولەمى 360 مىڭ شارشى مەتردەن استى. 4-كەزەكتى يمپورت كورمەسىندە ماماندانۋ دەڭگەيىن جوعارىلاتۋعا اناعۇرلىم ٴمان بەرىلەدى، قازىر 13 ارناۋلى كوميتەت قۇرىلىپ، كورمەگە قاتىناسقان 2 توپتاعى 320 كاسىپورىننىڭ ەسىمدىگى جاريالانىپ، ساتىپ الۋشى ساۋداگەرلەر مەن كورمەگە قاتىناسقان ساۋداگەرلەردىڭ ەرتەرەك توعىسۋىن ونان ارى ىلگەرىلەتىپ، ىشكەرىلەي اۋىس-كۇيىس جاساپ، سەلبەستىك ورىستەتىلدى. سۇن چىڭحاي بىلاي دەدى: ٴبىز بۇكىل جەر شارىن بەتكە العان ساتىپ الۋ-ساتۋ، تيىمدىلىك جاساۋ ۇستانىمىنا ۇزدىكسىز تاباندى بولىپ، حالىقارالىق ساتىپ الۋ تەكشەسىن ويداعىداي قۇرىپ، كاسىپتىڭ تيپىن وزگەرتۋ مەن تۇتىنۋدىڭ دارەجەسىن جوعارىلاتۋعا دەم بەرەمىز.

3-كەزەكتى يمپورت كورمەسىندە دۇنيە جۇزىندەگى 500 ەگەي كاسىپورىن مەن كاسىپ سالاسىنداعى باستاماشى كاسىپورىنداردان 280 نەن استامى كورمەگە قاتىناستى، 400 دەن استام جاڭا ٴونىم، جاڭا تەحنيكا، جاڭا قىزمەت وتەۋ تۇڭعىش رەت كورمەگە قويىلدى. سۇن چىڭحاي بىلاي دەدى: 4-كەزەكتى يمپورت كورمەسى اناعۇرلىم كوپ جوعارى ساپالى، جاڭا ەرەكشە ونىمدەردى، قىزمەت وتەۋدى جانە تەحنيكانى ۇزدىكسىز ەنگىزىپ، كورمەگە قاتىناسۋ بايلىعىنان تولىق پايدالانىپ، يمپورت كورمەسىنىڭ جەتەكتەۋ رولىن بارىنشا كورنەكتىلەندىرىپ، قارجى قوسۋ، جەبەۋ تەرەزەلىك رولىن ساۋلەلەندىرەدى. ٴبىز كورمەگە قاتىناسقان ساۋداگەرلەردىڭ قارجى قوسۋ قاجەتىن اناعۇرلىم ويداعىداي قاناعاتتاندىرىپ، جەرگىلىكتى ۇكىمەتتەردىڭ ساۋداگەر شاقىرىپ، قارجى ەنگىزۋ قاجەتىنەن باستاپ كىرىسىپ، قىزمەت وتەۋدى اشالاپ، كورمە بۇيىمدارىنىڭ تاۋارعا اينالۋىن جەبەۋمەن بىرگە، كورمە ساۋداگەرلەرىنىڭ قارجى قوسۋشى ساۋداگەرلەرگە اينالۋىن كۇش سالا جەبەيمىز.


اۋدارعان: سەرىك راقىم ۇلى 


中央广播电视总台 央广网 版权所有

4-كەزەكتى يمپورت كورمەسىنە 200 كۇن قالدى

كورمە بۇيىمدارىنىڭ تاۋارعا اينالۋىن جەبەۋمەن بىرگە، كورمە ساۋداگەرلەرىنىڭ قارجى قوسۋشى ساۋداگەرلەرگە اينالۋىن كۇش سالا جەبەيمىز