ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

عاسىرلىق كۇرەس- جاڭا جورىق: ارداگەرلەردى ەسكە الۋ- شياڭ جيڭيۇي، ياڭ كايحۇي

来源:جۇڭگو قازاق راديو تورابى     |责编:阿依娜古丽|     发布日期: 2021-05-14 18:27

 

«عاسىرلىق كۇرەس- جاڭا جورىق: ارداگەرلەردى ەسكە الۋ» اتتى جەلىلەس باعدارلامامىزدىڭ بۇگىنگى كەزەگىندە سىزدەرگە كوممۋنيزم جاۋىنگەرى، ۇلگىلى ايەل توڭكەرىسشىلەر ساڭلاعى جانە كوسەمى شياڭ جيڭيۇي جانە «حۋناندىق ايەل ارداگەر» ياڭ كايحۇيدى تانىستىرامىز.


    شياڭ جيڭيۇيدىڭ اسىلگى اتى-شياڭ جۇنشيان، 1895 ـ جىلى تۋىلعان، جۇڭگو كوممۋنيستىك پارتياسى قۇرىلعان كەزدەگى ماڭىزدى باسشىلاردىڭ ٴبىرى، ۇزدىك كوممۋنيزم جاۋىنگەرى، ادال پرولەتاريات توڭكەرىسشىسى، جۇڭگو ايەلدەر قوزعالىسىنىڭ ساڭلاعى جانە كوسەمى. بالا كەزىنەن باستاپ جاڭاشا تاربيە العان ول ٴوزىنىڭ اتىن شياڭ جيڭيۇي دەپ وزگەرتىپ، قاي ـ قاشان دا وزىنە ساقتىق دابىلىن قاعىپ، ٴبىلىم الىپ، وتاندى قۇتقارۋدى ۇمىتپاۋعا ەسكەرتۋ بەرىپ وتىرۋدى كوزدەدى.


    1922 – جىلى شياڭ جيڭيۇي جۇڭگو كوممۋنيستىك پارتياسىنا مۇشە بولدى. وسى جىلى 7-ايدا جۇڭگو كوممۋنيستىك پارتياسىنىڭ مەملەكەتتىك 2 - قۇرىلتايىنا قاتىناسىپ، ورتالىق كوميتەتتىڭ مۇشەلىگىنە سايلانىپ، ورتالىق ايەلدەر مينيسترلىگىنىڭ تۇڭعىش مينيسترى بولدى. 1927 - جىلى 7-ايدا ۋاڭ جيڭۋىي توڭكەرىسكە وپاسىزدىق جاساپ، ۇلى توڭكەرىس جەڭىلىسكە ۇشىرادى، ٴبىراق شياڭ جيڭيۇي سوندا دا اق ٴتۇستى تەررورلىققا تولى ۋحاندا قالىپ، جاسىرىن كۇرەستى جالعاستى ورىستەتتى.


    1928 - جىلى 3-ايدىڭ 20 - كۇنى ساتقىنداردىڭ ساتۋىمەن شياڭ جيڭيۇي باقىتقا قارسى تۇتقىن بولىپ جاۋ قولىنا ٴتۇستى. ول تۇرمەدە بولعان كەزدە جاۋ بارلىق تاسىلدەردى قولدانىپ كورسە دە ونىڭ اۋزىنان پارتيانىڭ ەشقانداي قۇپيالىعىنا يە بولا المادى. سول جىلى 5-ايدىڭ 1 - كۇنى شتاڭ جيڭيۇي ەرلىكپەن قۇربان بولدى.


    ياڭ كايحۇي، 1901 - جىلى تۋىلعان، 1913 - جىلى اكەسىمەن بىرگە چاڭشاعا كوشىپ بارعان، سونداي - اق ماۋ زىدۇڭمەن تانىسقان. 1920 - جىلى ول ماۋ زىدۇڭمەن نەكەلەنىپ، توڭكەرىستىك جۇباي بولدى.


    1922 ـ جىلى ياڭ كايحۇي جۇڭگو كوممۋنيستىك پارتياسىنا مۇشە بولدى. 1923 - جىلى 4-ايدا ماۋ زىدۇڭ شاڭحاي پارتيا ورتالىق كوميتەتىنە بارىپ قىزمەت ىستەدى. ياڭ كايحۇي بالالارى ماۋ انيىڭ مەن ماۋ انچيڭدى ەرتىپ شاڭحايعا كەلىپ، ماۋ زىدۇڭنىڭ قىزمەتتەردى ورىستەتۋىنە كومەكتەستى ٴارى شياڭ جيڭيۇيمەن بىرگە ايەل جۇمىسشىلار كەشكى مەكتەبىن ۇيىمداستىردى.


    ۇلى توڭكەرىس جەڭىلىسكە ۇشىراعاننان كەيىن، ماۋ زىدۇڭ پارتيانىڭ 7 - تامىز ٴماجىلىسىنىڭ نۇسقاۋى بويىنشا حۋنان-جياڭشي شەكاراسىنداعى كۇزگى جيىن - تەرىن كوتەرىلىسىنە باسشىلىق ەتتى، ياڭ كايحۇي 3 بالاسىن ەرتىپ چاڭشانىڭ بانساڭ دەگەن جەرىنە بارىپ جاسىرىن كۇرەستى جالعاستى جۇرگىزدى.


    1930 - جىلى 10-ايدا ياڭ كايحۇي تۇتقىن بولىپ جاۋ قولىنا ٴتۇستى.


    1930 - جىلى11-ايدىڭ 14 - كۇنى ياڭ كايحۇي چاڭشاداعى ليۋياڭمىن قالاشىعىنىڭ شىزىليڭ دەگەن جەرىندە 29 جاسىندا ادىلەت جولىندا قاھارماندىقپەن قۇربان بولدى.


اۋدارعان: قاناتبەك جۇماباي ۇلى

中央广播电视总台 央广网 版权所有

عاسىرلىق كۇرەس- جاڭا جورىق: ارداگەرلەردى ەسكە الۋ- شياڭ جيڭيۇي، ياڭ كايحۇي

«عاسىرلىق كۇرەس- جاڭا جورىق: ارداگەرلەردى ەسكە الۋ» اتتى جەلىلەس باعدارلامامىزدىڭ بۇگىنگى كەزەگىندە سىزدەرگە كوممۋنيزم جاۋىنگەرى، ۇلگىلى ايەل توڭكەرىسشىلەر ساڭلاعى جانە كوسەمى شياڭ جيڭيۇي جانە «حۋناندىق ايەل ارداگەر» ياڭ كايحۇيدى تانىستىرامىز.