7 تاراۋ 18 ٴتۇرلى شارا قولدانىپ، جۇڭگوشا شيپاگەرلىك، ٴدارى ـ دارمەك جونىنەن قىزمەت وتەۋ، ەكسپورت ەتۋ بازاسىنىڭ جوعارى ساپالى دامۋىن قولدادى
ٴوز حابارىمىز. ساۋدا ىستەر مينيسترلىگى، مەملەكەتتىك جۇڭگوشا شيپاگەرلىك، ٴدارى–دارمەك باسقارۋ مەكەمەسى قاتارلى 7 تاراۋ تاياۋدا «مەملەكەتتىڭ جۇڭگوشا شيپاگەرلىك، ٴدارى – دارمەك جونىنەن قىزمەت وتەۋ، ەكسپورت ەتۋ بازالارىنىڭ جوعارى ساپالى دامۋىنا قولداۋ كورسەتۋ جونىندەگى ٴبىرقانشا شاراسى جايلى ۇقتىرۋىن» باسىپ تاراتىپ، 18 ناقتى ساياساتتىق شارانى ورتاعا قويىپ، مەملەكەتتىڭ جۇڭگوشا شيپاگەرلىك، ٴدارى – دارمەك جونىنەن قىزمەت وتەۋ، ەكسپورت ەتۋ بازاسىنىڭ جۇڭگوشا شيپاگەرلىك، ٴدارى – دارمەك جونىنەن قىزمەت وتەۋ ساۋداسىن زور كۇشپەن دامىتۋىنا قولداۋ كورسەتىپ، جۇڭگوشا شيپاگەرلىك، ٴدارى – دارمەك قىزمەت وتەۋىنىڭ دۇنيە جۇزىنە بەت الۋىن ىلگەرىلەتتى.
ۇقتىرۋدا مىنالار اتاپ كورسەتىلدى: شارت – جاعدايى بار ۇكىمەت باسقارۋىنداعى قۇرىلىم بازالارىن الدىمەن سىناق رەتىندە حالىقارالىق ەمدەۋ ٴبولىمىن قۇرۋعا شابىتتاندىرىپ، شەتەلدىكتەرگە قاراتا جۇڭگوشا شيپاگەرلىككە قىزمەت وتەۋدىڭ ەرەكشە قاجەتتى ەمدەۋ قىزمەت وتەۋىن اتقارۋ؛ ۇكىمەت باسقارۋىنداعى قۇرىلىم بازالارىن ەرەكشە رۇقسات ەتىلگەن تيجارات سياقتى تاسىلدەر ارقىلى ايگىلى ماركا، تەحنيكا، دارىندى، باسقارۋ سياقتى ابزالدىقتار ارقىلى قوعامدىق كاپيتالمەن سەلبەستىك جاساۋعا شابىتتاندىرىپ، ەمدەۋ مەن كۇتىمدەۋدى ۇشتاستىرۋ قۇرىلىمىن تىڭنان قۇرىپ، باسقارىپ جانە سەلبەسىپ قۇرىپ، شەكارا سىرتىنداعى تۇتىنۋشىلارعا كوپ ساتىلى، كوپ نەگىزدى جۇڭگوشا شيپاگەرلىك، ٴدارى ـ دارمەك، دەنساۋلىق ساقتاۋ جاعىنان قىزمەت وتەۋ كەرەك.
ساۋدا ىستەر مينيسترلىگىنىڭ اقپارات مالىمدەمەشىسى گاۋ فىڭ بىلاي دەدى: 2019 ـ جىلى ساۋدا ىستەر مينيسترلىگى مەن مەملەكەتتىك جۇڭگوشا شيپاگەرلىك، ٴدارى ـ دارمەك باسقارۋ مەكەمەسى جۇڭگوشا شيپاگەرلىك عىلىم اكادەمياسىنا قاراستى گۋاڭ ـ انمىن شيپاحاناسى سياقتى 17 ەمدەۋ، ٴدارى ـ دارمەك جونىنەن قىزمەت وتەۋ، ەكسپورت ەتۋ بازاسىن تۇراقتاندىردى. ەكى جىلعا جۋىق قۇرىلىس جۇرگىزۋ ارقىلى مەملەكەتتىڭ جۇڭگوشا شيپاگەرلىك، ٴدارى ـ دارمەك جونىنەن قىزمەت وتەۋ، ەكسپورت بازاسى جۇڭگوشا شيپاگەرلىك، ٴدارى ـ دارمەك جونىنەن قىزمەت وتەۋ ساۋداسىن دامىتىپ، جۇڭگوشا شيپاگەرلىك پەن ٴدارى ـ دارمەكتى شەتەلگە باعىتتاي دامىتۋدى ىلگەرىلەتۋدىڭ ماڭىزدى تۇعىرىنا اينالدى.
گاۋ فىڭ بىلاي دەدى: وسى رەتكى 18 ٴتۇرلى ساياساتتىق شارا ٴتۇزىلىس مەحانيزمى جاعىندا بازانىڭ دامۋ ومىرشەڭدىك كۇشىن ارتتىرىپ، قولداۋ ساياساتى جاعىندا رەتتەۋ جۇرگىزۋدەن سىرت، قولايلىلاندىرۋ جاعىندا اناعۇرلىم ساپالانىپ، تاماشا حالىقارالىق ورتا جاراتادى ٴارى دارىندىلار جاعىندا تاربيەلەۋدى جانە شابىتتاندىرۋدى كۇشەيتەدى.
اۋدارعان: شالقار قازەز ۇلى
