ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

بيىل الدىڭعى 4 ايدا ەلىمىزدىڭ ناقتى پايدالانعان شەتەل قارجىسى 397 ميلليارد 70 ميلليون يۋانعا جەتتى

来源:جۇڭگو قازاق راديو تورابى     |责编:阿依娜古丽|     发布日期: 2021-05-14 18:40

 

ٴوز حابارىمىز. ساۋدا ىستەرى مينيسترلىگىنىڭ ساندى مالىمەتىندە كورسەتىلۋىنشە، بيىل الدىڭعى 4 ايدا ەلىمىزدىڭ ناقتى پايدالانعان شەتەل قارجىسى ۇقساس مەزگىلدەگىدەن %38.6 ارتىپ، قىزمەت وتەۋ كاسىبىنە شەتەل قارجىسىنىڭ ەنگىزىلۋ سالىستىرماسى %80 كە تايادى.


    ساۋدا ىستەرى مينيسترلىگىنىڭ ساندى مالىمەتىندە كورسەتىلۋىنشە، بيىل الدىڭعى 4 ايدا بۇكىل ەل بويىنشا شەتەل ساۋداگەرلەرى قارجى قوسقان 14 مىڭ 533 كاسىپورىن جاڭادان قۇرىلىپ ، ۇقساس مەزگىلدەگىدەن %50.2، 2019–جىلدىڭ ۇقساس مەزگىلىندەگىدەن %11.5 ارتقان؛ ناقتى پايدالانىلعان شەتەل قارجىسى 397 ميلليارد 70 ميلليون يۋان بولىپ، ۇقساس مەزگىلدەگىدەن %38.6، 2019–جىلدىڭ ۇقساس مەزگىلىندەگىدەن %30.1 ارتقان. ساۋدا ىستەرى مينيسترلىگى زەرتتەۋ ورنى عىلمي كوميتەتىنىڭ ورىنباسار مەڭگەرۋشىسى جاڭ جيانپيڭ بىلاي دەدى: «شەتەل ساۋداگەرلەرى قارجى قوسۋ زاڭى» اتقارىلعان 1 جىلدان استام ۋاقىتتان بەرى ەلىمىزدە شەتەل قارجىسىنىڭ بازارعا ەنگىزىلۋىنە بارىنشا رۇقسات ەتىلىپ، قارجى قوسۋ قيمىلدارىنا قولايلىلىق جاراتىلدى. بۇدان سىرت، ەركىن ساۋدا سىناق رايونى تۇزىمدە جاڭالىق جاراتۋدىڭ قىرۋار جەتىستىكتەرىن كوشىرىپ جالپىلاستىرىپ، شەتەل ساۋداگەرلەرىنىڭ قارجى قوساتىن «قۇتتى مەكەنىنە» اينالدى.


    جاڭ جيانپيڭ بىلاي دەدى: بۇكىل ەلدەگى 21 ەركىن ساۋدا سىناق رايونى تەكشەسى رۇقسات ەتۋدەن بۇرىن ازاماتتىق مامىلەگە ۇنامسىز ٴتىزىم قوسىپ باسقارۋ ۇلگىسىن اتقاردى، جەر ـ جەر كاسىپورىنداردى تىزىمدەۋ-تىركەۋ سياقتى جاقتاردا قارجى قوسقان ىشكى ـ سىرتقى كاسىپورىندارعا ۇقساس مامىلە جاساپ، شەتەل ساۋداگەرلەرى قارجى قوسقان كاسىپورىنداردىڭ جۇڭگوعا قارجى قوسۋ بەلسەندىلىگىن ارتتىردى.


    رەسەي اقپارات اگەنتتىگىنىڭ تاياۋ مەزگىلدەگى ٴبىر ماقالاسىندا بىلاي دەلىندى: جۇڭگونىڭ شەتەل قارجىسىن باۋراۋ اياق الىسى بارعان سايىن تەزدەپ، رەكورد جاراتۋ قارقىنىمەن ىلگەرىلەۋدە. جۇڭگوعا قارجى قوسۋ قازىر فينانس بازارىنا تەز ەنگىزىلىپ، تەز شىعارىلاتىن اقشا ەمەس ، قايتا ناقتى ۇزاق مەرزىمدىك نىسانعا، ۇزاق ۋاقىتتار بويى وسى ەلدە اينالىمعا سالىناتىن بولاشاق كوزدەلگەن قارجى.


    قوعامدىق عىلىم اكادەمياسى دۇنيە جۇزىلىك ەكونوميكا جانە ساياسي زەرتتەۋ ورنى حالىقارالىق قارجى قوسۋ ىستەرىن زەرتتەۋ كەڭسەسىنىڭ مەڭگەرۋشىسى گاۋ ليڭيۇن بىلاي دەدى: جۇڭگونى ۋاكىل ەتكەن ازياداعى دامۋ ۇستىندەگى ەكونوميكالىق تۇلعالار سوڭعى جىلداردان بەرگى ارتۋ جاعدايىن جالعاستىرىپ، ەۆروپا مەن امەريكادان ۇزدىكسىز اسىپ، دۇنيە جۇزىندەگى حالىقارالىق تىكەلەي قارجى ەنگىزىلەتىن باستى وڭىرگە اينالدى. ىندەت تولىق تىزگىندەلە قويماعان جاعدايدا، دۇنيە ٴجۇزى بويىنشا قارجى قوسۋدىڭ قالپىنا كەلۋى بىركەلكى بولا قويمايدى، ازياداعى دامۋ ۇستىندەگى ەكونوميكالىق تۇلعالار ٴالى دە حالىقارالىق قارجى قوسۋدىڭ ەركىندەنۋى مەن قولايلىلانۋىن جەبەيتىن شەشۋشى كۇش.


اۋدارعان: امانتاي مۇسايىپ ۇلى

中央广播电视总台 央广网 版权所有

بيىل الدىڭعى 4 ايدا ەلىمىزدىڭ ناقتى پايدالانعان شەتەل قارجىسى 397 ميلليارد 70 ميلليون يۋانعا جەتتى

بيىل الدىڭعى 4 ايدا ەلىمىزدىڭ ناقتى پايدالانعان شەتەل قارجىسى ۇقساس مەزگىلدەگىدەن %38.6 ارتىپ، قىزمەت وتەۋ كاسىبىنە شەتەل قارجىسىنىڭ ەنگىزىلۋ سالىستىرماسى %80 كە تايادى.