فاڭ جىمين 1899 ـ جىلى تۋىلعان، 1924 ـ جىلى 3-ايدا جۇڭگو كوممۋنيستىك پارتياسىنا مۇشە بولعان. زور توڭكەرىس جەڭىلىسكە ۇشىراعاننان كەيىنگى 1928 - جىلى 1-ايدا فاڭ جىمين شاۋ شىپيڭ، حۋاڭداۋ قاتارلى باسشىلارمەن بىرلىكتە كوتەرىلىس جاساپ، جياڭشي شىعىس سولتۇستىك توڭكەرىستىك بازاسىن قۇرىپ، جۇڭگو جۇمىسشى - ديقان قىزىل ارمياسىنىڭ 10 - كورپۋسىن سومداۋعا باسشىلىق ەتتى. فاڭ جىمين ماركسيزمنىڭ جالپىعا بىردەي اقيقاتىن جياڭشيدىڭ شىعىس سولتۇستىگىنىڭ ٴىس جۇزىندىگىمەن ۇشتاستىرىپ، پارتيا قۇرۋ، ارميا سومداۋ جانە قىزىل اكىميات ورناتۋ تاجىريبەلەرىن جاراتتى.

    1934-جىلى 11-ايدىڭ باس شەنىندە فاڭ جىمين قىزىل ارميانىڭ 10-كورپۋس ۇيىرمەسىن باستاپ سولتۇستىككە بارىپ جاپون شاپقىنشىلارىنا قارسى تۇرىپ، وزىنەن 7 ەسە كوپ جاۋ ارمياسى جاعىنان حۋاييۇي تاۋلى رايونىندا قات-قابات قورشاۋدا قالىپ، باقىتقا قارسى تۇتقىندالادى. قاراڭعى تۇرمەدە ول قالام بەربەپ «توڭكەرىستىك كۇرەسكە قاتىناسۋ بارىسىم»، « سۇيىكتى جۇڭگو»، «كەدەيلىكتەن ارىلتۋ»، تۇرمەدە كورگەن-بىلگەندەرىم» سياقتى ماڭىزدى تۋىندىلارىن جاراتتى. ول تۋىندىلارىنىڭ ٴبىر جەرىندە بىلاي دەپ جازعان: ” ٴبىز جۇڭگودا، ٴسوز جوق، القاۋعا تاتيتىن جارقىن بولاشاق جاراتىلاتىندىعىنا سەنەمىز “. 1935 ـ جىلى 8 ـ ايدىڭ 6 ـ كۇنى تۇندە 36 جاستاعى فاڭ جىمين ەرلىكپەن قۇربان بولدى. 

    ۋي باچۇن، 1894 ـ جىلى تۋىلعان، 1929 ـ جىلى 8 ـ ايدا جۇڭگو كوممۋنيستىك پارتياسىنا مۇشە بولعان، 1929 ـ جىلى 12 ـ ايدا بايسى كوتەرىلىسىنە قاتىناسىپ جانە باسشىلىق ەتىپ، يوۋجياڭ سوۆەت ۇكىمەتىنىڭ مۇشەسى، جۇڭگو جۇمىسشى ـ ديقان قىزىل ارمياسى 7 ـ كورپۋسى 3 ـ كولدەنەڭ اترەتىنىڭ قولباسشىسى بولعان. 1930 - جىلى 10-ايدىڭ باس شەنىندە، قىزىل ارميا 7 - كورپۋسىنىڭ نەگىزگى كۇشى بۇيرىق بويىنشا سولتۇستىككە اتتاندى، اتتاناردان بۇرىن ۋي باچۇن ٴوزىنىڭ 3 - كورپۋسىنداعى 1000 نان استام كوماندير - جاۋىنگەرلەردىڭ اراسىنداعى ٴالسىز، اۋرۋشاڭ 80 دەي ادامدى الىپ قالعاننان سىرت، قالعاندارىن تۇگەلدەي نەگىزگى كۇش قوسىنىنا قوسىپ سولتۇستىككە جىبەردى، مىنە بۇل كوممۋنيستەردىڭ جالپى توڭكەرىستىك مۇددەنى ماڭىزدى ورىنعا قويعان وسكەلەڭ قاسيەتىن تولىق ايگىلەدى.

    1932 - جىلى 10-ايدىڭ 19-كۇنى تاڭ سارىدە ۋي باچۇن ساتقىندار جاعىنان 38 جاسىندا ٴولتىرىلدى. توڭكەرىس ىستەرى ٴۇشىن ۋي باچۇننىڭ تۋىس ـ تۋعاندارىنان 17 ادام قۇربان بولدى. ول « توڭكەرىسكە قاتىناسقاننان باسقا ٴمان-ماعىنالى ٴىس جوق » دەگەن ايبىندى سەرتىن ىستىق قانىن توگىپ، قىمباتتى ٴومىرىن قيىپ ايگىلەدى.

اۋدارعان: امانتاي مۇسايىپ ۇلى