شىيان قالاسى باستىعىنىڭ ورىنباسارى ۋاڭ شياۋ بىلاي دەپ تانىستىردى :6-ايدىڭ 13 ـ كۇنى ساعات 14 كە دەيىن، شىيان قالاسى 2000 نان استام قۇتقارۋ ـ كومەك بەرۋ كۇشتەرىن جۇمىلدىرىپ، ناق مايداندا ىزدەۋ ـ قۇتقارۋ، ٴبىر جاقتى ەتۋ قىزمەتىن ورىستەتتى. شىيان قالالىق دەنساۋلىق ساقتاۋ-سالاماتتىق كوميتەت مەڭگەرۋشىسىىنىڭ ورىنباسارى يان بين بىلاي دەدى : شىرعالاڭ تۋىلعاننان كەيىن، شىيان قالاسى قالا رايونىنداعى ەمدەۋ، قۇتقارۋ كۇشتەرىن دەرەۋ شوعىرلاندىرىپ، ناق مايدانعا بارىپ، شۇعىل مەديتسينالىق قۇتقارۋ قىزمەتىن بار كۇشپەن ورىستەتتى. ىلگەرىندى-كەيىندى 9 ەمدەۋ قۇرىلىمى، 35 قۇتقارۋ اۆتوموبيلى ناق مايداندا قۇتقارۋعا تىكەلەي قاتىناستى. اسىرەسە، قاتەرلى، سالماقتى ناۋقاستاردى قۇتقارۋدى كوزدە ۇستاي وتىرىپ، جارالىلاردىڭ ٴومىرىن قۇتقارۋعا بارىنشا كۇش سالىنۋدا.

    شىيان قالالىق شۇعىل جاعدايعا توتەپ بەرۋدى باسقارۋ مەكەمەسى پارتكومىنىڭ مۇشەسى، مەكەمە باستىعىنىڭ ورىنباسارى فۋ زۋبين بىلاي دەدى : شىيان ٴورت ٴسوندىرۋ، ورتتەن ساقتانۋ قۇتقارۋ ـ كومەكتەسۋ بولىمشە اترەتى 6 ٴورت ٴسوندىرۋ، ورتتەن ساقتانۋ پۋنكتىن جانە 3 ارناۋلى اترەتتى اتتانىسقا كەلتىردى، حۋبەي ولكەلىك ٴورت ٴسوندىرۋ، ورتتەن ساقتانۋ قۇتقارۋ ـ كومەكتەسۋ باس اترەتى سونىمەن بىرگە شياڭياڭ، سۇيجوۋ قالالىق ٴورت ٴسوندىرۋ، ورتتەن ساقتانۋ قۇتقارۋ ـ كومەكتەسۋ بولىمشە اترەتىنەن 19 ماشينا 95 ادامدى كومەككە جىبەردى. قۇتقارۋ كۇشتەرى ناق مايداندا قۇتقارۋ قولباسشىلىق شتابىنىڭ تالابىنا ساي، گاز پارتلاۋدى بارلاۋ، تەكسەرۋ، تالداۋ جاساۋ، ناق مايداندى باقىلاۋ، الدىن الۋ، قۇتقارۋ اسپاپتارىمەن بارلاۋ، بولەكتەرگە ٴبولىپ الما - كەزەك ىزدەۋ، قۇرىلىس جانە بوگەتتەردى شاعۋ، قۇتقارۋ سياقتى شارالاردى قولدانىپ، ىزدەۋ، قۇتقارۋ قىزمەتىن جەدەل ورىستەتتى.

    شىيان قالاسى شۇعىل قۇتقارۋ، بۇقارانىڭ ٴوزىن قۇتقارۋ قيمىلىن جەدەل ورىستەتتى ٴارى سوڭعى جۇمىستاردى ىڭعايلاستىرۋ جانە بۇقاراعا قىزمەت وتەۋ قىزمەتىن ۇيلەسىمدى ٴبىر جاقتى ەتتى. شىيان قالاسى جاڭۋان رايونى باستىعىنىڭ ورىنباسارى شياۋ شۇي بىلاي دەپ تانىستىردى : ەڭ الدىمەن 913 وتباسىنى بىتىراتىپ كوشىردىك. سونىمەن بىرگە قوناق ٴۇيدى شۇعىل پايدالانۋعا الىپ، 8 قوناق ۇيگە 853 ادام ورنالاستىرىلدى.

اۋدارعان: قاناتبەك جۇماباي ۇلى