گۋاڭجوۋ ەرىكتىلەرى جۇقپالى اۋرۋدان ساقتانۋ جانە ونى تىزگىندەۋدىڭ بەرىك قالتقىسىن قۇردى
ٴوز حابارىمىز. 6- ايدىڭ 14- كۇنى تاڭ سارىدە گۋاڭجوۋ قالاسى ۇقتىرۋ شىعارىپ، جۇقپالى اۋرۋدان ساقتانۋ جانە ونى تىزگىندەۋدى اناعۇرلىم دالمە ـ ٴدال، عىلمي جۇرگىزۋ ٴۇشىن، ساقتانۋ ـ تىزگىندەۋ قىزمەتىنىڭ اياق الىسىنا ساي، گۋاڭجوۋ قالاسى تۇرگە، توپقا ٴبولۋ پرينسيپى بويىنشا، تۇيىقتالعان، ەركىن جۇرىس- تۇرىسقا تيىم سالىنعان وڭىرلەردى ٴتارتىپتى تۇردە اشا باستادى.
قازىر گۋاڭجوۋ قالاسىنىڭ جۇقپالى اۋرۋدان ساقتانۋ جانە ونى تىزگىندەۋى شەشۋشى كەزەڭدە تۇر، ٴتۇيىندى وڭىرلەر، ٴمالى باسقارمالارى جالپى قىزمەتكەرلەردىڭ نۋكلەين قىشقىلىن تەكسەرۋدى تاعى ٴبىر رەت ورىستەتتى. ۇلگى جيناۋدان سىرت، ٴبىر رەتكى نۋكلەين قىشقىلىن تەكسەرۋدە ينفورماتسيا ەنگىزۋ، ٴتارتىپتى قورعاۋ سياقتى كوپ جۇمىس ٴتارتىبى قاجەت بولىپ، ەرىكتىلەر قوسىنى كەم بولسا بولمايتىن جالىندى كۇشكە اينالدى.
6- ايدىڭ باس شەنىندە گۋاڭجوۋدا شىجىعان ىستىقتان سىرتتىڭ تەمپەراتۋراسى 35 سەلتسي گرادۋسقا تايادى. الايدا، ۇنەمى كەنەت جاۋعان قالىڭ جاڭبىر بۇرىنعى تىمىرسىق ىستىق ورتانى ۇلكەن بۋ قاپاسقا اينالدىردى.
چىن سىلۇڭ كيگەن شيپاگەرلىكتە پايدالانىلاتىن كوك ٴتۇستى قورعانۋ كيىمى، N95 ماسكى، قورعانۋ جابدىقتارىنان «گۋاڭجوۋ جاس ەرىكتىلەرىنىڭ» بەلگىسى ەرەكشە كوز تارتادى.
قول كوتەرىپ ەمەۋرىن ٴبىلدىرۋ، ەكىلىك سيفردى جايمالاپ تىزىمگە الدىرۋ، قولدى كوتەرىپ جەتەكشىلىك ەتۋ سىندى ىسىلعان ارەكەتتەن جۇرت چىن سىلۇڭنىڭ ەرىكتى قىزمەت وتەۋمەن شۇعىلدانعانىنا نە بارى 5 كۇن بولعان تولىق ورتانىڭ 3 - جىلدىعىنان وقۋ تاۋىسقان وقۋشى ەكەنىن اڭعارا المايدى.
جوعارى مەكتەپ ەمتيحانىن ەندى عانا تاپسىرعان ول ٴاسىلى ساياحاتتاپ كەلۋدى ويلاسقان بولاتىن. ول بىلاي دەدى: گۋاڭجوۋدا ىندەت تۋىلعاندىقتان، ساياحات جوسپارىن كۇشىنەن قالدىرىپ، ەرىكتى بولۋعا بەكىندىم. سونشاما كوپ ادام مەن شيپاگەرلەر قورىقپاعاندا، مەن نەگە قورقامىن. مەن وسى ارانىڭ تۇلەگىمىن،مەكەنىم گۋاڭجوۋداعى ىندەت جاعدايىنىڭ تەزىرەك جاقسارۋىن ٴۇمىت ەتەمىن.
ال تاعى ٴبىر ىندەتپەن كۇرەس مايدانىندا قوسىننان شەگىنگەن اسكەر ياڭ شيانۋي سان رەت قايتالانعان سوزدەردى اترەت مۇشەلەرىنە جالىقپاي جەتكىزۋدە. پارتيا مۇشەسى رەتىندە، بيىل 3 ـ ايدا ياڭ شيانۋي ٴوزى تۇرعان كوشەدە «حايجۋ رايونى رۇيباۋ كوشەسىندەگى ياڭ بانجاڭ ەرىكتى قىزمەت كورسەتۋ قىزمەت كەڭسەسىن» قۇردى، ول اترەت مۇشەلەرىمەن بىرگە الەۋمەتتىك اۋماقتىڭ تۇرلى جۇمىستارىنا بەلسەندى ات سالىستى. ول بىلاي دەدى: باستىسى، الەۋمەتتىك اۋماقتاعى جالعىز تۇراتىن قارتتارعا، ۇلكەندەرگە جانە ٴجۇرىس ـ تۇرىسى قولايسىز مۇگەدەكتەرگە قىزمەت كورسەتەمىز. مەنىڭشە، بۇل كەزدە استە شەگىنبەۋىمىز، ٴسوزسىز الدا ٴجۇرۋىمىز كەرەك. تەك قاجەت بولسا بولعانى، قاي كەزدە تەلەفون بەرسە، ٴدال ۋاعىندا جەتىپ بارامىن!
قازىرگە دەيىن گۋاڭدۇڭ ولكەسىنىڭ جۇقپالى اۋرۋدان ساقتانۋ جانە ونى ەمدەۋگە ەرىكتى قىزمەت وتەۋگە تىزىمدەلگەن ەرىكتىلەرى 210 مىڭ ادام (رەتكە) جەتىپ، جۇقپالى اۋرۋدان ساقتانۋ جانە ونى تىزگىندەۋ ٴۇشىن بەرىك قالتقى ورناتتى.
اۋدارعان: سەرىك راقىم ۇلى
