ورتالىق ۇگىت ٴبولىمى ايەل پارتيا مۇشەلەرىنىڭ ۋاكىلدەرىن ۇسىنىس ەتىپ، «جەلەكتىلەردىڭ كوڭىل تورىندەگى پارتيانىڭ 100 جىلدىق جاڭا جورىعىن» ارقاۋ ەتىپ، جۇڭگولىق، شەتەلدىك تىلشىلەرمەن كەزدەستىردى جانە پىكىر اۋىستىردى
ٴوز حابارىمىز. ج ك پ ورتالىق كوميتەتىنىڭ ۇگىت ٴبولىمى 6- ايدىڭ 15- كۇنى جۇڭگولىق، شەتەلدىك تىلشىلەرمەن كەزدەسۋ ٴماجىلىسىن اشىپ، ايەل پارتيا مۇشەلەرى ۋاكىلدەرىن ۇسىنىس ەتىپ، «جەلەكتىلەردىڭ كوڭىل تورىندەگى پارتيانىڭ 100 جىلدىق جاڭا جورىعى» تاقىرىبىن ارقاۋ ەتىپ، ولاردىڭ ٴوز قىزمەت ورىندارىنداعى قاجىرلى قۇلشىنىسى مەن تولقىن جارا العا ۇمتىلاتىن، العان بەتىنەن قايتپايتىن كۇرەس حيكايالارىمەن ٴبولىستى.
شانشي ولكەسى يۇيلين قالاسىنىڭ جياشيان اۋدانى حۋاڭحى وزەنىنىڭ جاعاسىنداعى شاعىن تاستاقتى وڭىرگە ورنالاسقان. وتكەن عاسىردىڭ 60-، 70-جىلدارىندا بۇل ارانىڭ تۇرمىس شارت-جاعدايى مەن ەمدەۋ شارت-جاعدايى وتە ناشار بولاتىن. 1968-جىلى لۋ شىڭمەي مەديتسينا شۋەيۋانىنان وقۋ تاۋىسىپ، وسى اراعا قىزمەتكە بولىنەدى. امبۋلاتوريادان وپەراتسيا تەكشەسىنە دەيىن، شاۋحۋادان بايتوۋعا دەيىن، شانشي ولكەسى يۇيلين قالاسى جياشيان اۋداندىق حالىق شيپاحاناسىنىڭ بۇرىنعى ورىنباسار باستىعى، بالالار ٴبولىمىنىڭ اعا شيپاگەرى لۋ شىڭمەي شيپاگەرلىك ونەرى ارقىلى اۋرۋدى ەمدەپ، ادامدى قۇتقارىپ، ٴتىپتى دە كوپ وتباسىنىڭ باقىتى مەن دەنساۋلىعىن قورعاپ قالدى.
اۋىل شارۋاشىلىعى، اۋىل-قىستاق مينيسترلىگى جوبالاۋ،جوسپارلاۋ زەرتتەۋ ورنى اۋىل-قىستاق ەنەرگيا جانە ورتانى قورعاۋدى زەرتتەۋ ورنىنىڭ باستىعى شىن يۇيجۇن اۋىل-قىستاق ەنەرگياسى مەن ورتانى قورعاۋعا قاتىستى عىلمي زەرتتەۋ قىزمەتىمەن شۇعىلدانىپ، جىل بويى ەگىس داقىلدارىنىڭ سابانىمەن، مال، قۇس ساڭعىرىعىن زەرتتەۋمەن ابىگەر بولدى. زەرتتەۋ ورنى قۇرىلعاننان بەرى، ايەلدەردىڭ جارىمىنان استامى مەكەمە باستىعى بولىپ، عىلمي زەرتتەۋ شارت-جاعدايى جاپالى، عىلمي زەرتتەۋ قاراجاتى جەتكىلىكتى بولماعان جاعدايدا كوپشىلىكتى باستاپ قامال الىپ، قيىنشىلىقتاردى جەڭىپ، عىلمي زەرتتەۋ قىزمەتىن تاباندىلىقپەن جالعاستىردى. ول بىلاي دەپ قارادى: وسى بارىستاردان كوپشىلىكتىڭ عىلىم ـ تەحنيكا ارقىلى وتان ٴۇمىتىن اقتاۋعا باستان ـ اياق تاباندى بولاتىن سەنىمى مەن قاينشىلىققا مويىمايتىن قايسارلىعىن اڭعارا الامىز.
اۋدارعان: سەرىك راقىم ۇلى
