ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

100 جىلدىق كۇرەس، جاڭا ساپار، ۇلت ارداگەرلەرى فان جينشى، جاڭ فۋچيڭنىڭ ىزگى ىستەرىن باياندايمىز

来源:جۇڭگو قازاق راديو تورابى     |责编:阿依娜古丽|     发布日期: 2021-06-16 09:40


    ٴوز حابارىمىز. «100 جىلدىق كۇرەس جاڭا ساپار، ۇلت ارداگەلەرى» اتتى ارناۋلى حابارىمىزدىڭ بۇگىنگى بەرلىمىندە فان جينشى مەن جاڭ فۋچيڭنىڭ ىزگى ىستەرى تانىستىرىلادى.


    فان جينشى 1962-جىلى وقۋ تاۋىسىپ ەڭبەك جولىن دۇنحۋاڭ قالاسىنان باستاعان. 1963-جىلى ۋنيۆەرسيتەتتى بىتىرگەننەن كەيىن، ول جارتى عاسىردان استام ۋاقىت موگاۋ ۇڭگىرىن زەرتتەدى.


    سول كەزدەگى موگاۋ ۇڭگىرى دۇنيەدەن وقشاۋ بولاتىن، ويتكەنى وسى زامانعى قاتىناس قۇرالى بولماعاندىقتان، موگاۋ ۇڭگىرىنەن دۇنحۋاڭ اۋدان قالاشىعىنا بارىپ كەلۋگە جارىم كۇن كەتەتىن. زەرتتەۋشىلەر موگاۋ ۇڭگىرىندە قابىرعا سۋرەتتەردى سىزۋ، قورعاۋ، قالپىنا كەلتىرۋ، قۇجاتتاردى زەرتتەۋ سياقتى جۇمىستارمەن اينالىستى. ول كەزدە شارت-جاعدايى توتەنشە جاپالى بولاتىن.


    فان جينشى مەن قىزمەتتەستەرىنىڭ قۇلشىنۋىندا موگاۋ ۇڭگىرى 1987-جىلى جۇڭگونىڭ تۇڭعىش توپتاعى دۇنيە جۇزىلىك مادەني مۇرالار تىزىمدىگىنە ەنگىزىلدى ٴارى بىرتىندەپ دۇنيە جۇزىلىك مادەني مۇرالاردى قورعاۋدىڭ جانە پايدالانۋدىڭ بۇكىل جەر شارىندىق ۇلگىسىنە اينالدى.


    جينشى كەزىندە: موگاۋ ۇڭگىرىن قورعاۋ ٴومىر بويى ۇلەس قوسۋعا تاتيتىن وسكەلەڭ ٴىس، ول، ٴسوز جوق، ٴومىر بويى ۇلەس قوساتىن جاپالى ٴىس، سونداي-اق ۇرپاقتان-ۇرپاققا ۇلەس قوسۋدى قاجەت ەتەتىن ماڭگىلىك ٴىس-دەگەن بولاتىن . ونىڭ وسىنداي «ٴبىر ٴىستى تاڭداپ، ٴومىر بويى ونىمەن شۇعىلدانۋ» رۋحى نەشە ۇرپاق وقىمىستىلاردى ۇزدىكسىز جىگەرلەندىرىپ كەلەدى.


    جاڭ فۋچيڭ 1924 ـ جىلى 12 ـ ايدا شانشي ولكەسى حانجۇڭ قالاسى ياڭ شيان اۋدانىندا دۇنيەگە كەلگەن، باتىس سولتۇستىك ازاتتىق سوعىسىندا جاڭ فۋچيڭ ەلەۋلى ەڭبەك ٴسىڭىرىپ، ىلگەرىندى ـ كەيىندى ٴبىر رەت ەرەكشە ەڭبەك، 3 رەت 1 ـ دارەجەلى ەڭبەك، ٴبىر رەت 2 ـ دارەجەلى ەڭبەك، 2 رەت ” سوعىس قاھارمانى “ اتاعىن العان.


    1955-جىلى قوسىننان شەگىنىپ كاسىپ اۋىستىرعاننان كەيىن، جاڭ فۋچيڭ سوعىستاعى سىڭىرگەن ەڭبەگىن ساندىقتىڭ تۇبىنە قۇلىپتاپ، جۇرەك تۇكپىرىنە ساقتاپ كەلەدى.ونىڭ بۇل ەڭبەگىن جۇبايى مەن ۇل - قىزدارى دا بىلمەيتىن. 2018 ـ جىلدىڭ سوڭىنا دەيىن مەملەكەت قوسىننان شەگىنگەن اسكەريلەر ينفورماتسياسىن تىركەۋدى ورىستەتكەندە عانا، جاڭ فۋچيڭنىڭ سوعىس قاھارمانى سالاۋاتى سوندابارىپ، جۇرتقا جاريا بولادى.


    1948 ـ جىلى 8 ـ ايدا سوعىس مايدانىندا پارتياعا كىرگەن وسى ساقا پارتيا مۇشەسى: «مەن ٴومىر بويى پارتيانىڭ سوزىنە باتىل قۇلاق اسامىن، پارتيا قاي جەرگە جۇمساسا، سول جەرگە بارامىن، پارتيا ماعان نە تاپسىرسا، مەن سونى ىستەيمىن»،ـ دەدى.


    جاڭ فۋچيڭ «مەملەكەتتىك تاڭداۋلى پارتيا مۇشەسى»، «ەڭ سۇيىكتى كۇرەسكەر»، «ٴداۋىر ۇلگىسى» سياقتى داڭقتى اتاقتارعا يە بولدى ٴارى «رەسپۋبليكا وردەنىمەن» ماراپاتتالدى. كوپتەگەن اتاق- داڭىق الدىندا دا ول اۋەلگى ماقساتتان اينىماي، كوممۋنيستەردىڭ اسىل قاسيەتىن ساقتاپ كەلەدى.


اۋدارعان: سەرىك راقىم ۇلى

中央广播电视总台 央广网 版权所有

100 جىلدىق كۇرەس، جاڭا ساپار، ۇلت ارداگەرلەرى فان جينشى، جاڭ فۋچيڭنىڭ ىزگى ىستەرىن باياندايمىز

«100 جىلدىق كۇرەس جاڭا ساپار، ۇلت ارداگەلەرى» اتتى ارناۋلى حابارىمىزدىڭ بۇگىنگى بەرلىمىندە فان جينشى مەن جاڭ فۋچيڭنىڭ ىزگى ىستەرى تانىستىرىلادى.