«جوسپاردا» مىنالار انىق ايتىلدى: شي جينپيڭنىڭ زاڭمەن باسقارۋ يدەياسى ارقىلى جالپى حالىقتىق زاڭ جالپىلاستىرۋ قىزمەتىنە جەتەكشىلىك ەتتىرۋ كەرەك. باستى نىسانا: 2025 - جىلعا بارعاندا ازاماتتاردىڭ زاڭمەن باسقارۋ ساپاسى مەن قوعامدىق باسقارۋدى زاڭمەن باسقارۋ ورەسى كورنەكتى جوعارىلاتىلادى. جالپى حالىقتىق زاڭ جالپىلاستىرۋ قىزمەت جۇيەسى اناعۇرلىم كەمەلدەنىرىلەدى؛ ازاماتتاردىڭ زاڭ- ەرەجەلەردى ٴبىلۋ دارەجەسى، زاڭمەن باسقارۋ رۋحىن مويىنسالدىق دارەجەسى، زاڭمەن باسقارۋ امالياتىنا قاتىناسۋ مولشەرى كورنەكتى جوعارىلاتىلادى. تۇتاس قوعامنىڭ زاڭعا قۇرمەت ەتۋ، زاڭدى ۇيرەنۋ، زاڭعا بويسۇنۋ، زاڭدى قولدانۋ سانالىلىعى مەن ىرىقتىلىعى كورنەكتى كۇشەيتىلەدى؛ كوپ ساتىلى، كوپ سالالى زاڭمەن باسقارۋلار ىشكەرىلەي جۇرگىزىلەدى. تۇتاس قوعامدا ٴىستى زاڭ بويىنشا ىستەۋ، ىسكە جولىققاندا زاڭدى ىزدەۋ، ماسەلەنى شەشۋدە زاڭنان پايدالانۋ، قايشىلىقتاردى شەشۋدە زاڭعا سۇيەنۋ سىندى زاڭمەن باسقارۋ ورتاسى كورنەكتى جاقسارتىلادى؛ جالپى حالىقتىق زاڭ جالپىلاستىرۋ ٴتۇزىمى كەمەلدى، اتقارىلۋى دالمە - ٴدال، باعالاۋى عىلمي، جاۋاپكەرشىلىگى تياناقتى بولعان قىزمەت جۇيەسى نەگىزىنەن قالىپتاستىرىلادى.

    
    «جوسپاردا» مىنالار ايقىن بەلگىلەندى: پارتيانىڭ جالپى بەتتىك باسشىلىعىنا تاباندى بولۋدى، حالىقتى وزەك ەتۋگە تاباندى بولۋدى، جالپى جاعدايعا قىزمەت وتەۋگە تاباندى بولۋدى، زاڭمەن باسقارۋ امالياتىمەن ىشكەرىلەي توعىسۋعا تاباندى بولۋدى قىزمەت پرينسيبى ەتۋ؛ شي جينپيڭنىڭ زاڭمەن باسقارۋ يدەياسىن ۇيرەنۋدى، ۇگىتتەۋدى، نەگىزگى زاڭدى ۇگىتتەۋدى، ازاماتتىق ىستەر زاڭناماسىن ۇگىتتەۋدى كورنەكتىلەندىرۋ؛ جوعارى ساپالى دامۋدى ىلگەرىلەتۋمەن تىعىز قاتىستى زاڭ-ەرەجەلەردى، قوعامدىق باسقارۋدى وسىزامانداندىرۋمەن تىعىز قاتىستى زاڭ ـ ەرەجەلەردى ىشكەرىلەي ۇگىتتەۋ؛ پارتيا ىشىندەگى زاڭ-ەرەجەلەردى ىشكەرىلەي ۇگىتتەۋ كەرەك.

    «جوسپاردا» بۇلاردان تىس تاعى ازاماتتاردىڭ زاڭمەن باسقارۋ ساپاسىن ۇزدىكسىز جوعارىلاتۋ ؛ سوتسياليستىك زاڭمەن باسقارۋ مادەنيەت قۇرىلىسىن كۇشەيتۋ؛ زاڭ جالپىلاستىرۋ مەن زاڭ بويىنشا باسقارۋدىڭ ورگانيكالى توعىسۋىن ىلگەرىلەتۋ؛ زاڭ جالپىلاستىرۋدىڭ باعىتتامالىلىعىن، ونىمدىلىگىن كۇش سالا جوعارىلاتۋ جونىندە ناقتى ورنالاستىرۋ جاسالدى.

    «جوسپاردا» مىنالار تالاپ ەتىلدى: ٴار دارەجەلى پارتكومدار مەن ۇكىمەتتەر جۇيەلى كوزقاراسقا، زاڭمەن باسقارۋ وي جەلىسىنە اناعۇرلىم ٴمان بەرۋ؛ جالپى حالىقتىق زاڭ جالپىلاستىرۋ جانە زاڭعا بويسۇنۋ قىزمەتىن ىلگەرىلەتۋدى ماڭىزدى قىزمەت كۇن تارتىبىنە قويۋ؛ ٴوز رايوندارىنىڭ، ٴوز جۇيەسىنىڭ 5 جىلدىق جوباسىن عىلمي جاساۋ؛ ٴتۇزىم قۇرىلىسىن كۇشەيتۋ؛ زاڭ جالپىلاستىرۋ جاۋاپكەرشىلىك ٴتۇزىمىن جالپى بەتتىك تياناقتاندىرۋ؛ نەگىزگى ساتىنىڭ نەگىزدىك قىزمەتىن كۇشەيتۋ؛ باعالاۋدى، تەكسەرۋدى قاتايتۋ؛ زاڭ جالپىلاستىرۋ قىزمەتىنىڭ دابىرالى، پارمەندى، ٴونىمدى ورىستەتىلۋىنە كەپىلدىك ەتۋ كەرەك.

اۋدارعان: قاناتبەك جۇماباي ۇلى