ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي كىچياڭ جيليندە قىزمەت تەكسەردى

来源:جۇڭگو قازاق راديو تورابى     |责编:阿依娜古丽|     发布日期: 2021-06-17 10:53


    ٴوز حابارىمىز. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 6-ايدىڭ 15-جانە 16-كۇندەرى جيلين ولكەسىنىڭ سۇڭيۋان جانە چاڭچۇن قالاسىندا قىزمەت تەكسەردى. ول مىنالاردى باسا دارىپتەدى: شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم جانە ورنالاستىرۋلارىن دايەكتى تياناقتاندىرىپ، رەفورما جاساۋدى، ەسىك اشۋدى كۇش سالا ىلگەرىلەتىپ، اناعۇرلىم كوپ بازار تۇلعالارىن جەتىلدىرىپ جانە زورايتىپ، ەكونوميكالىق دامۋدىڭ قوزعاۋشى كۇشىن نىعايتۋ كەرەك.


    لي كىچياڭ استىق وندىرىسىنە ەرەكشە كوڭىل ءبولدى. سۇڭيۋان قالاسىندا، ول ەگىس اتىزدارىنا بارىپ، جۇگەرىنىڭ ٴوسۋ جاعدايىن كوزدەن كەشىرىپ، ديقانداردىڭ اڭىس ەتكەن بيىلعى استىقتان مول ٴونىم الۋدان ٴۇمىت بار بولعان، الايدا تىڭايتقىش، سالەركا سياقتىلاردىڭ باعاسى زور مولشەردە قىمباتتاعانىن، تاياۋدا جۇگەرى باعاسىنىڭ تومەندەۋى دە ديقانداردى الاڭداتىپ وتىرعانىن ۇعىستى. لي كىچياڭ وزىمەن بىرگە جۇرگەن قاتىستى جاۋاپتى جولداستارعا ۇتىمدى شارالار قولدانىپ، اۋىل شارۋاشىلىق ٴوندىرىس قۇرال-جابدىقتارىنىڭ باعاسىن ورنىقتىرۋدى تاپسىردى. ول بىلاي دەدى: استىق ٴبول بولسا بۇكىل الەم تىنىش بولادى. ۇيلەسىمدى استىق باعاسى دەڭگەيىن ساقتاپ، اۋىل شارۋاشىلىق ٴوندىرىس قۇرال-جابدىقتارى باعاسىنىڭ جوعارىلاۋىن تەجەپ، استىق ەگەتىن شارۋالاردىڭ بەلسەندىلىگىن ويداعىداي قورعاۋ كەرەك. قاسيەتتى ەگىستىك جەر بولعان قۇنارلى قارا توپىراقتى ويداعىداي قورعاپ، اناعۇرلىم كوپ تاڭداۋلى سورتتى تۇقىم جەتىلدىرىپ، شىعىس سولتۇستىك سىندى ۇلكەن استىق قامباسىن اناعۇرلىم بەكەمدەۋىمىز كەرەك.


    لي كىچياڭ چاگان كولىنە بارىپ، ەكولوگيالىق ورتانى قورعاۋ جاعدايىن تەكسەردى. ول بىلاي دەدى: بۇل ۇلكەن كول توڭىرەكتەگى ەكولوگيانى جاقسارتۋدا ماڭىزدى رول اتقارادى. سۋ ورتاسىن قورعاۋدى ۇزدىكسىز مىقتى يگەرىپ، ەكولوگيا ارقىلى بالىق شارۋاشىلىعى سياقتى كاسىپتەردىڭ دامۋىن جەبەپ، چاگان كولىنىڭ ايگىلى ماركاسىن الەمگە ايگىلەۋ كەرەك.


    شىعىس بولەكتەگى كاسىپورىندار قارجى قوسىپ قۇرعان جيلين پان-پان ازىق-تۇلىك سەرىكتىگىندە لي كىچياڭ باجىنى كەمەيتۋ، اقىنى تومەندەتۋ جاعدايىن ۇعىستى ٴارى جۇمىسشىلارمەن پىكىر اۋىستىردى. ول بىلاي دەدى: ازىق ـ تۇلىك كاسىبى _ _ ماڭگى تەبىندەپ كەلە جاتقان شارۋاشىلىق، مۇندا بازاردى جىنتىكتەي ٴبولۋ كەڭىستىگى كەڭ، سىزدەردەن قاجەتكە ۇيلەسەتىن ٴتىپتى دە كوپ ازىق-تۇلىك ونىمدەرىن جاراتۋلارڭىزدى ٴۇمىت ەتەمىن. كاسىپورىنداردىڭ وسى ارادا قارجى قوسۋدى كەڭەيتپەكشى بولعان تىلەكتەرىن ەستىگەننەن كەيىن لي كىچياڭ بىلاي دەدى: شىعىس سولتۇستىك ٴوڭىر _ _ كاسىپتى گۇلدەندىرىپ، دامىتىپ جانە تاماشا تۇرمىس كەشىرەتىن قۇتتى مەكەن، ساۋدا ورتاسى جاقساراتىن بولسا، ٴتىپتى دە كوپ قارجى قوسۋشىلار وسى اراعا كەلەتىن بولادى. رەفورمانى تەرەڭدەتىپ، ساۋدا ورتاسىن ساپالىلاندىرۋعا، بازار تۇلعالارىن جەتىلدىرۋگە كۇش سالىپ، ەل ٴىشى-سىرتىنداعى كاسىپورىنداردىڭ شىعىس سولتۇستىككە قارجى قوسۋ سەنىمىن اناعۇرلىم ارتتىرىپ، شىعىس سولتۇستىك وڭىرىنىڭ دامۋداعى نۇرلى بولاشاعىن الەمگە ويداعىداي ايگىلەۋگە مۇمكىندىك جاساۋ كەرەك.


    لي كىچياڭ جيلين ولكەسىنىڭ گۇلدەنۋ، دامۋ جانە ەسىك اشۋ، سەلبەسۋ جاعدايى جونىندەگى مالىمەتتى تىڭدادى. ول جۇڭگو - حانگو چاڭچۇن حالىقارالىق سەلبەستىك ۇلگى رايونىنا بارىپ قىزمەت تەكسەرىپ، كاسىپورىنداردىڭ ساۋدا ورتاسىنان العان اسەرلەرىن، قوياتىن ۇسىنىس پىكىرلەرىن تىڭدادى. ول بىلاي دەدى: ٴىرى كاسىپورىنداردىڭ قارجى قوسىپ، شارۋاشىلىقتى گۇلدەندىرۋىن قارسى الامىز، سونداي-اق ورتا، شاعىن كاسىپورىنداردىڭ سەلبەسىپ دامۋىن دا قولدايمىز. كوپتەگەن ورتا، شاعىن كاسىپورىنداردا ارنايىلاندىرىلعان، كەمەلدەندىرىلگەن، ەرەكشەلەندىرىلگەن جاڭا تەحنيكالار بار، سوندىقتان ولاردى دارالىققا، تۇرگە ايىرىلعان قىزمەت وتەۋمەن قامداپ، ورتا، شاعىن، ۇساق كاسىپورىنداردىڭ سانىن كوبەيتىپ، ٴىرى كاسىپورىنداردىڭ ەڭسە كوتەرۋىنە تىرەك بولۋعا باستاۋ قاجەت. شىعىس سولتۇستىكتە شەكارا بويىنداعى تەڭىز جاعالاۋىنىڭ باسىمدىعى بار، ەسىك اشۋدى كەڭەيتۋ، اسىرەسە، شىعىس سولتۇستىك ازياعا ەسىك اشۋ، وڭىرلىك جالپى بەتتىك ەكونوميكا سەرىكتەستىك قاتىناس كەلىسىمى ورايىن مىقتى يگەرىپ، وڭىرلىك سەلبەستىكتى كۇشەيتىپ، شىعىس سولتۇستىك رايوندى دامىتۋدىڭ تاماشا جاعدايىن قالىپتاستىرۋ كەرەك. حالىق باسقارۋىنداعى كاسىپورىندار قۇرعان باي-دۋ جاڭالىق اشۋ جۇمىس ورنىندا لي كىچياڭ كاسىپكەرلەرمەن اڭگىمەلەسىپ، ولاردىڭ جاڭالىق اشۋ جەتىستىكتەرىن كوردى. ول بىلاي دەدى: ٴبىز «قوس جاسامپازدىقتى» ىلگەرىلەتۋدە قوعامدىق جاسامپازدىقتىڭ ومىرشەڭدىك كۇشىن اناعۇرلىم تاسقىنداتۋىمىز كەرەك. كوپشىلىك ٴبىر نيەت-ٴبىر تىلەكتە بولىپ، ٴوز ابزالدىلىقتارىن ساۋلەلەندىرۋمەن بىرگە، تار جول، تايعاق كەشۋلەردەن بىرگە ٴوتىپ، قيىن وتكەلدەردى بۇزىپ، جاڭالىق اشۋدىڭ جويقىن كەمەسىن تابىستى جولعا قاراي باستاۋ كەرەك. لي كىچياڭ جيليننىڭ ەكونوميكالىق، قوعامدىق دامۋدا قول جەتكىزگەن تابىستارىن تولىق تۇراقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ٴورىس اشا جاڭالىق جاراتىپ، تىڭعىلىقتى ىستەپ، شىعىس سولتۇستىكتىڭ جاپپاي گۇلدەنۋىن، جوعارى ساپالى دامۋىن ىلگەرىلەتۋ بارىسىندا تىڭ ۇلەس قوسۋدى ٴۇمىت ەتتى.


اۋدارعان: نازار ٴارىپ ۇلى

中央广播电视总台 央广网 版权所有

لي كىچياڭ جيليندە قىزمەت تەكسەردى

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 6-ايدىڭ 15-جانە 16-كۇندەرى جيلين ولكەسىنىڭ سۇڭيۋان جانە چاڭچۇن قالاسىندا قىزمەت تەكسەردى.