ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

الدىڭعى جارتى جىلدا ەكونوميكالىق دامۋدا ورنىقتىلىق بارىسىندا بەكەمدەۋ ، ورنىقتىلىق بارىسىندا جاقسارۋ جاعدايى جارىققا شىقتى، نەگىزگى ماكرولىق كورسەتكىشتەر ۇيلەسىمدى ارالىقتا بولدى

来源:جۇڭگو قازاق راديو تورابى     |责编:阿依娜古丽|     发布日期: 2021-07-20 10:18

 

ٴوز حابارىمىز. مەملەكەتتىك دامۋ جانە رەفورما كوميتەتى 7-ايدىڭ 19-كۇنى اقپارات جاريالاۋ ٴماجىلىسىن اشتى، قاتىستى جاۋاپتى بىلاي دەدى: الدىڭعى جارتى جىلدا حالىق شارۋاشىلىعى ٴۇرتىس ورنىقتى قالپىنا كەلىپ، نەگىزگى ماكرولىق كورسەتكىشتەر ۇيلەسىمدى ارالىقتى ساقتاپ، ەكونوميكانىڭ دامۋىندا ورنىقتىلىق بارىسىندا بەكەمدەۋ، ورنىقتىلىق بارىسىندا جاقسارۋ جاعدايى جارىققا شىقتى.


    مەملەكەتتىك دامۋ جانە رەفورما كوميتەتى ۋنيۆەرسال قىزمەت مەڭگەرمەسىنىڭ باستىعى يۋان دا بىلاي دەدى: بيىل الدىڭعى جارتى جىلدا ەلىمىز ەكونوميكاسىنىڭ قالپىنا كەلۋ نەگىزى ۇزدىكسىز بەكەمدەلىپ، ىشكى ارتۋدىڭ قوزعاۋشى كۇشى ورنىقتى ارتىپ، دامۋ ساپاسى مەن ونىمدىلىگى ۇزدىكسىز جاقسارىپ، بازار سەنىمى مەن مەجەسى ورنىقتى جاقسارىپ، حالىقتىڭ تۇرمىس ورەسى ۇزدىكسىز جوعارىلادى. ناقتى زات مولشەرى كورسەتكىشىنەن قاراعاندا، الدىڭعى جارتى جىلدا تۇتاس قوعامنىڭ ەلەكتر تۇتىنۋ مولشەرى، جۇك تاسىمال مولشەرى وتكەن جىلدىڭ ۇقساس مەزگىلىندەگىدەن جەكە–جەكە %16.2 جانە %24.6 ارتتى، ەكى جىلدا ورتا ەسەپپەن %7.6 جانە %7.2 ارتتى، ەكونوميكانىڭ ارتۋىمەن سايكەسىمدىلىگى ءبىرشاما جاقسى بولدى. كاسىپتەنۋ جانە زات باعاسى اۋقىمى جالپى جاقتان ورنىقتى بولدى، قالا-قالاشىقتاردا 6 ميلليون 980 مىڭ ادام تىڭنان كاسىپتەندى، تۇرعىنداردىڭ تۇتىنۋ باعا كورسەتكىشى وتكەن جىلدىڭ ۇقساس مەزگىلىندەگىدەن %0.5 جوعارىلادى. الدىڭعى جارتى جىلدا تۇراقتى مۇلىككە قوسىلعان قارجىنىڭ، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى سايكەس مەزگىلدەگىدەن جەكە-جەكە %12.6، %23 ارتىپ، 2 جىلداعى ورتاشا ارتۋ قارقىنى تۇگەلدەي %4.4 بولىپ، 1-توقسانداعىدان جەكە ـ جەكە 1.5 ، 0.2 پايىز جوعارىلادى.


    يۋان دا مىنالاردى اتاپ كورسەتتى: كەلەسى قادامدا بيىلعى سوڭعى جارتى جىلداعى جانە كەلەر جىلعى ەكونوميكالىق اينالىمدى ٴبىر تۇتاس جوسپارلاپ، ماكرولىق تىزگىندەۋدى عىلمي، دالمە-ٴدال اتقارىپ، ماكرولىق ساياساتتىڭ ۇلاسپالىلىعىن، ورنىقتىلىعىن، باياندىلىعىن ساقتاپ، قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتۋگە كۇش سالىنادى. ٴتۇرلى ساياساتتاردىڭ ناقتى، ەگجەي ـ تەگجەيلى تياناقتاندىرىلۋىنا، ونىمدىلىكتىڭ ونان ارى كورنەكتىلەنۋىنە بايلانىستى، تۇتاس جىلدىق ەكونوميكالىق، قوعامدىق دامۋدىڭ نىسانا ـ مىندەتتەرىن جۇزەگە اسىرۋعا سەنىمىمىز كامىل، قابىلەتىمىز دە، شارت ـ جاعدايىمىز دا جەتەدى.

اۋدارعان: شالقار قازەز ۇلى

中央广播电视总台 央广网 版权所有

الدىڭعى جارتى جىلدا ەكونوميكالىق دامۋدا ورنىقتىلىق بارىسىندا بەكەمدەۋ ، ورنىقتىلىق بارىسىندا جاقسارۋ جاعدايى جارىققا شىقتى، نەگىزگى ماكرولىق كورسەتكىشتەر ۇيلەسىمدى ارالىقتا بولدى

الدىڭعى جارتى جىلدا حالىق شارۋاشىلىعى ٴۇرتىس ورنىقتى قالپىنا كەلىپ، نەگىزگى ماكرولىق كورسەتكىشتەر ۇيلەسىمدى ارالىقتى ساقتاپ، ەكونوميكانىڭ دامۋىندا ورنىقتىلىق بارىسىندا بەكەمدەۋ، ورنىقتىلىق بارىسىندا جاقسارۋ جاعدايى جارىققا شىقتى.