ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي كىچياڭ مەملەكەتتىك جاراتىلىستىق عىلىم قورى كوميتەتىنە بارىپ قىزمەت تەكسەردى ٴارى اڭگىمە ٴماجىلىسىن باسقارىپ اشتى

来源:جۇڭگو قازاق راديو تورابى     |责编:阿依娜古丽|     发布日期: 2021-07-21 10:10


    ٴوز حابارىمىز. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 7-ايدىڭ 19-كۇنى مەملەكەتتىك جاراتىلىستىق عىلىم قورى كوميتەتىنە بارىپ قىزمەت تەكسەردى ٴارى اڭگىمە ٴماجىلىسىن باسقارىپ اشتى.


    بيىل وسى قور كوميتەتى قۇرىلعاندىعىنىڭ 35 جىلدىعى. لي كىچياڭ قور كوميتەتىنىڭ رەفورما ارقىلى عىلمي زەرتتەۋ قىزمەتكەرلەرىنىڭ نىسانداردى مالىمدەۋ اۋىرتپالىعىن جەڭىلدەتۋ، ٴتۇيىندى سالالارداعى قولداۋدى كۇشەيتۋ سياقتى مالىمەتتەرىن تىڭداعانسوڭ بىلاي دەدى: قور كوميتەتىنىڭ قۇرىلۋى عىلىم - تەحنيكا بايلىعىن ورنالاستىرۋدىڭ جوسپارلى بولىستەن باسەكەدە ۇزدىكتەرىن تاڭداۋعا بۇرىلىس جاساعاندىعىنان دەرەك بەرەدى. عىلىم ـ تەحنيكادا جاڭالىق اشۋ جوسپارلاۋمەن عانا تىنبايدى، رەفورمانى ىلگەرىلەتىپ، نىسانداردى قاراۋ ـ تەكسەرۋ مەحانيزمى مەن باعالاۋ جۇيەسىن كەمەلدەندىرىپ، عىلمي زەرتتەۋ قىزمەتكەرلەرىن نەگىزدىك زەرتتەۋگە باتىلدىقپەن، سابىرلىلىقپەن ات سالىسۋعا ىنتالاندىرىپ، ايقاسپالى عىلمي دامۋدى ىلگەرىلەتىپ، قور كوميتەتىنىڭ ماڭىزدى رولىن ساۋلەلەندىرىپ، قىمباتتى قارجىنىڭ عىلمي زەرتتەۋگە اناعۇرلىم ٴونىمدى قولداۋ كورسەتۋىنە مۇمكىندىك جاساۋ كەرەك.


    قور كوميتەتىنىڭ جاۋاپتىسى ماجىلىستە دوكلاد جاسادى، حۋاڭ رۋ، حۇڭ يۇڭمياۋ، فىڭ شۋە قاتارلى 9 مامان ٴسوز سويلەدى. لي كىچياڭ بىلاي دەدى : شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قاتىستى جاقتار پارتيا ورتالىق كوميتەتىنىڭ، مەملەكەتتىك كەڭەستىڭ شەشىم- ورنالاستىرۋلارىن دايەكتىلەندىرىپ، قالىڭ عىلىم ـ تەحنيكا قىزمەتكەرلەرى قۇلشىنا كۇرەس جۇرگىزىپ، ەلىمىزدىڭ عىلىم ـ تەحنيكادا جاڭالىق اشۋىن ىلگەرىلەتۋدە ۇزدىكسىز تىڭ تابىستارعا قول جەتكىزدى. شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا دامۋ كەزەڭىن تياناق ەتۋ، جاڭا دامۋ تانىمىن دايەكتىلەندىرۋ، جاڭا دامۋ جاعدايىن جاراتۋ، جوعارى ساپالى دامۋدى ىلگەرىلەتۋ تالاپتارىن تياناقتاندىرىپ، جاڭالىق اشۋدىڭ ەلىمىزدىڭ وسىزامانداندىرۋ قۇرىلىسىنىڭ جالپى جاعدايىنداعى وزەكتى ورنىنا تاباندى بولىپ، رەفورمانى تەرەڭدەتۋ ارقىلى تۇتاس قوعامنىڭ جاڭالىق اشۋ، جاسامپازدىق بەلسەندىلىگىن بارىنشا تاسقىنداتىپ، عىلىم ـ تەحنيكادا كوپتەپ ناتيجە جاراتىپ، مەملەكەتتىڭ دامۋى مەن حالىق تۇرمىسىنىڭ جاقسارۋىنا پارمەندى تىرەك ازىرلەۋ كەرەك.

اۋدارعان: امانتاي مۇسايىپ ۇلى

中央广播电视总台 央广网 版权所有

لي كىچياڭ مەملەكەتتىك جاراتىلىستىق عىلىم قورى كوميتەتىنە بارىپ قىزمەت تەكسەردى ٴارى اڭگىمە ٴماجىلىسىن باسقارىپ اشتى

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 7-ايدىڭ 19-كۇنى مەملەكەتتىك جاراتىلىستىق عىلىم قورى كوميتەتىنە بارىپ قىزمەت تەكسەردى ٴارى اڭگىمە ٴماجىلىسىن باسقارىپ اشتى.