ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي كىچياڭ 2021 - جىلعى ەمدەۋ، ٴدارى - دارمەك، دەنساۋلىق ساقتاۋ رەفورماسى جايلى مەملەكەتتىك تەلەۆيزور - تەلەفون ماجىلىسىندە ماڭىزدى بەكىتۋ جاسادى

来源:جۇڭگو قازاق راديو تورابى     |责编:阿依娜古丽|     发布日期: 2021-07-21 10:10

 
    ٴوز حابارىمىز. 2021-جىلعى ەمدەۋ، ٴدارى - دارمەك، دەنساۋلىق ساقتاۋ رەفورماسى جايلى مەملەكەتتىك تەلەۆيزور - تەلەفون ٴماجىلىسى 7-ايدىڭ 20-كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماڭىزدى بەكىتۋ جاسادى. بەكىتۋدە مىنالار اتاپ كورسەتىلدى: ەمدەۋ، دەنساۋلىق ساقتاۋ-حالىقتى اجالدان اراشالاپ، دەنساۋلىعىن قورعايتىن بەرىك قالقان. جاڭا كەزەكتى ەمدەۋ رەفورماسىنان بەرى، نەگىزدى قامتاماسىزداندىرۋعا كۇش سالۋ، مەحانيزم ورناتۋ، نەگىزگى ساتىنى كۇشەيتۋ ارقىلى ەلىمىزدىڭ نەگىزگى ەمدەلۋدى قامتاماسىزداندىرۋ جانە ەمدەۋ، دەنساۋلىق ساقتاۋعا قىزمەت وتەۋ ورەسى ۇزدىكسىز جوعارىلادى. اسىرەسە، جاڭا تيپتى ايدارشا ۆيرۋسپەن جۇعىمدالعان وكپە قابىنۋىنا توتەپ بەرۋ بارىسىندا ەمدەۋ، ٴدارى ـ دارمەك، دەنساۋلىق ساقتاۋ جۇيەسى كەلەلى ۇلەس قوستى. قالىڭ ەمدەۋ قىزمەتكەرلەرىنە جانە ەمدەۋ، ٴدارى ـ دارمەك، دەنساۋلىق ساقتاۋ رەفورماسىنا اتسالىسقان قىزمەتكەرلەرگە شىنايى سالەم جولدايمىن! شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم-ورنالاستىرۋلارىن مۇقيات دايەكتىلەندىرىپ، حالىقتى بارىنەن جوعارى قويۋعا، ٴومىردى قاستەرلەۋگە تاباندى بولىپ، نازاردى قالىڭ قاۋىمنىڭ كۇتكەن تىلەگىنە، اڭساعان ارمانىنا شوعىرلاندىرىپ، ەمدەۋ، ٴدارى ـ دارمەك، دەنساۋلىق ساقتاۋ رەفورماسىن ۇزدىكسىز ىلگەرىلەتۋ كەرەك. ساقتانۋدى نەگىز ەتۋگە جانە ەمدەۋ مەن ساقتانۋدى سايكەستىرۋگە اناعۇرلىم ٴمان بەرىپ، اۋرۋدان ساقتانۋ-تىزگىندەۋ جۇيەسىن جەدەل كەمەلدەندىرۋ كەرەك. ەمدەلۋدىڭ قيىن-قىمبات بولۋ ماسەلەسىن شەشە ٴتۇسۋدى كوزدەپ، ەمدەۋ، ەمدەۋ قامسىزداندىرۋى جانە ٴدارى ـ دارمەك ۇشتاستىرىلعان رەفورمانى ىشكەرىلەي جەبەپ، دياگنوز قويعىزۋعا الدىن الا كەلىسۋ، دياگنوز- تەكسەرۋ ناتيجەلەرىن ٴوزارا مويىنداۋ، امبۋلاتوريا اقىسىن ولكە اتتاپ تىكەلەي ەسەپ جابۋ سياقتى حالىققا قولايلى شارالاردى كۇش سالا ىلگەرىلەتىپ، بۇقارا شۇعىل قاجەت ەتكەن تاپشى ٴدارى ـ دارمەكتەرمەن قامداۋ، باعاسىن ورنىقتىرۋ قىزمەتىن ۇزدىكسىز ويداعىداي يگەرىپ، وسى ٴدارى-دارمەكتەردى شوعىرلى ٴارى ورتاشا مولشەردە ساتىپ الۋ ارقىلى بۇقارانى ٴدارى ـ دارمەك باعاسى ارزانداۋ تيىمدىلىگىنەن بارىنشا يگىلىكتەندىرۋ كەرەك. وڭىرلىك ەمدەۋ ورتالىعى مەن اۋدانداردىڭ ەمدەۋ ورتاق تۇلعاسى قۇرىلىسىن جەدەلدەتىپ، جۇڭگوشا شيپاگەرلىك پەن جۇڭگوشا ٴدارى ـ دارمەك كاسىبىن گۇلدەندىرۋ، دامىتۋ، اۋىل ـ قىستاق شيپاگەرلەر قوسىنى قۇرىلىسى، ينتەرنەتتى ەمدەۋ، سالاماتتىق ىستەرىمەن ۇشتاستىرۋ سياقتى ٴتۇيىندى قىزمەتتەردى ويداعىداي ىستەپ، قوعامدا شيپاحانالاردىڭ قۇرىلۋىن قولداپ جانە ارناعا تۇسىرە دامىتىپ، بۇقارانى اناعۇرلىم قولايلى، بارىنشا ساپالى ەمدەۋ قىزمەت وتەۋىنەن يگىلىكتەندىرىپ، حالىقتىڭ ٴومىرى مەن دەنساۋلىعىن بارىنشا ويداعىداي قامتاماسىزداندىرۋ كەرەك.

اۋدارعان: امانتاي مۇسايىپ ۇلى

中央广播电视总台 央广网 版权所有

لي كىچياڭ 2021 - جىلعى ەمدەۋ، ٴدارى - دارمەك، دەنساۋلىق ساقتاۋ رەفورماسى جايلى مەملەكەتتىك تەلەۆيزور - تەلەفون ماجىلىسىندە ماڭىزدى بەكىتۋ جاسادى

2021-جىلعى ەمدەۋ، ٴدارى - دارمەك، دەنساۋلىق ساقتاۋ رەفورماسى جايلى مەملەكەتتىك تەلەۆيزور - تەلەفون ٴماجىلىسى 7-ايدىڭ 20-كۇنى بەيجيڭدە اشىلدى