ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي جانشۋ تايلاند پارلامەنتىنىڭ ٴتوراعاسى، تومەنگى پالاتاسىنىڭ باستىعى چۋان. ليپايمەن كەڭەستى

来源:جۇڭگو قازاق راديو تورابى     |责编:阿依娜古丽|     发布日期: 2021-07-21 10:12


 
    ٴوز حابارىمىز. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 7-ايدىڭ 20-كۇنى بەيجيڭدەگى حالىق سارايىندا تايلاند پارلامەنتىنىڭ ٴتوراعاسى، تومەنگى پالاتاسىنىڭ باستىعى چۋان. ليپايمەن بەينە ەكران ٴتاسىلى ارقىلى كەڭەستى.


    لي جانشۋ بىلاي دەدى : جۇڭگو مەن تايلاند جاقىن باۋىرلاستار. ٴتوراعا شي جينپيڭ مەن ەلدەرىڭىز باسشىلارىنىڭ ستراتەگيالىق جەتەكشىلىگىندە، ەكى ەل قاتىناسى جوعارى دەڭگەيدەگى قالپىن ساقتاپ كەلەدى. ەكى جاق ساياسيدا ٴوزارا قولداۋدى ۇزدىكسىز كۇشەيتىپ، جوعارى جىكتەگىلەردىڭ بارىس ـ كەلىسىن قويۋلاتىپ، ٴبىر ـ ٴبىرىنىڭ وزەكتى مۇددەسىنە جانە ٴجىتى قاداعالاپ وتىرعان كەلەلى ىستەرىنە ساياتىن ماسەلەلەردە ٴبىرىن ـ ٴبىرى باتىل قولداۋى؛ ىندەتكە قارسى تۇرۋ سەلبەستىگىن ۇزدىكسىز ورىستەتىپ، «ٴبىر بەلدەۋ، ٴبىر جول» باستاماسىن «تايلاندتىڭ 4.0» اتىنداعى دارىپتەمەسىمەن جانە شىعىس بولەك ەكونوميكالىق ٴدالىزى سياقتى دامۋ ستراتەگيالارىمەن پارمەندى ۇشتاستىرىپ، گۋمانيتارلىق اۋىس ـ كۇيىستى ىشكەرىلەي ىلگەرىلەتىپ، سان سالالى سەلبەستىكتى جەبەۋى؛ كوپ جاقتى سايكەسۋدى كۇشەيتىپ، كوپ جاقتىلىققا تاباندى بولىپ، ازيا ـ تىنىق مۇحيت تاعدىرلاس ورتاق تۇلعاسىن قۇرۋدى ىلگەرىلەتۋى كەرەك.

لي جانشۋ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ احۋالىن تانىستىردى.


    چۋان. ليپاي بىلاي دەدى: تايلاند جۇڭگومەن تەرەڭ ٴداستۇرلى دوستىقتى قاستەرلەيدى، ٴبىر جۇڭگو پرينسيبىن باتىل اتقارادى. تايلاند جۇڭگونىڭ قول جەتكىزگەن تابىستارىنا نازار اۋداردى جانە وعان ٴسۇيىندى، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتايدى. تايلاند پارلامەنتى جۇڭگونىڭ مەملەكەتتىك حالىق قۇرىلتايىمەن دوستىق بارىس-كەلىستى كۇشەيتۋدى قالايدى.

اۋدارعان: امانتاي مۇسايىپ ۇلى

中央广播电视总台 央广网 版权所有

لي جانشۋ تايلاند پارلامەنتىنىڭ ٴتوراعاسى، تومەنگى پالاتاسىنىڭ باستىعى چۋان. ليپايمەن كەڭەستى

مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 7-ايدىڭ 20-كۇنى بەيجيڭدەگى حالىق سارايىندا تايلاند پارلامەنتىنىڭ ٴتوراعاسى، تومەنگى پالاتاسىنىڭ باستىعى چۋان. ليپايمەن بەينە ەكران ٴتاسىلى ارقىلى كەڭەستى.