ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

حىنان ولكەسىنىڭ تاسقىننان ساقتانۋ، شۇعىل جاعدايعا توتەپ بەرۋ اقپارات جاريالاۋ ماجىلىسىندە حىناندا قالىڭ جاڭبىردا 25 ادام قازا بولىپ، 7 ادام دەرەكسىز كەتكەندىگى حابارلاندىرىلدى

来源:جۇڭگو قازاق راديو تورابى     |责编:阿依娜古丽|     发布日期: 2021-07-22 14:17


    ٴوز حابارىمىز. 7-ايدىڭ 21-كۇنى تۇستەن كەيىن وتكىزىلگەن حىنان ولكەسىنىڭ اقپارات جاريالاۋ ماجىلىسىنەن ٴتىلشى مىنانى ۇعىستى: تولىقسىز ساناققا قاراعاندا، حىنان ولكەسىندە قالىڭ جاڭبىردا 25 ادام ٴولىپ، 7 ادام دەرەكسىز كەتكەن. اپاتتان قۇتقارۋ قىزمەتى جالپى بەتتىك ورىستەتىلۋدە.


    7-ايدىڭ 17-كۇنىنەن بەرى حىناندا قالىڭ جاڭبىر جاۋدى، جىڭجوۋدىڭ كوپ جەرىندە جاۋىن ـ شاشىن مولشەرى تاريحتاعى ەڭ جوعارى دەڭگەيگە جەتتى. حىنان ولكەسى بويىنشا ورتاشا جاۋىن - شاشىن مولشەرى 150.5 ميلليمەتر، ايماق، قالالاردىڭ ورتاشا جاۋىن - شاشىن مولشەرى ەڭ كوپ بولعاندا جىڭجوۋدا 461.7 ميلليمەتر، جاۋىن - شاشىن كۇشتى بولعان شينمي قالاسىنىڭ بايجاي قالاشىعىندا 931.5 ميلليمەترگە جەتتى. 7-ايدىڭ 20 - كۇنى ساعات 16 دان 17 گە دەيىن جىڭجوۋدا ٴبىر ساعاتتىق جاۋىن - شاشىن مولشەرى 201.9 ميلليمەترگە جەتتى. حىنان ولكەلىك شۇعىل جاعدايعا توتەپ بەرۋدى باسقارۋ مەڭگەرمەسى پارتكومىنىڭ مۇشەسى، تاسقىننان ساقتانىپ، قۋاڭشىلىققا قارسى اتتانۋ قولباسشىلىق شتابى كەڭسەسىنىڭ مەڭگەرۋشىسى شۇي جۇڭ بىلاي دەدى: تاسقىننان ساقتانۋ كەزىندە تاۋارمەن قامداۋ قاينارى جەتكىلىكتى بولدى، زات اينالىمى قامتاماسىز ەتىلدى.


    اۋا رايى تاراۋلارىنىڭ مەجەسىنە نەگىزدەلگەندە، 7-ايدىڭ 22 ـ كۇنى ساعات 14 تە حىناننىڭ باسىم كوپ بولەگىندە ٴالى دە قالىڭ جاڭبىر جاۋادى، جۇيەدەن حىناننىڭ ورتا بولەگىندە جانە سولتۇستىك بولەگىندە قالىڭ جاڭبىر، قاتتى نوسەر جاۋادى، حىناننىڭ باتىس سولتۇستىك بولەگىندە ەرەكشە قالىڭ نوسەر جاۋادى. جىڭجوۋدا نوسەر جاۋادى، ٴىشىنارا جەرلەردە دە نوسەر جاۋادى.


    قازىر اپاتتان قۇتقارۋ قىزمەتى جالپى بەتتىك ورىستەۋدە. قازىنا مينيسترلىگى 7-ايدىڭ 21 ـ كۇنى اپاتتان قۇتقارۋعا 100 ميلليون يۋان كومەك قارجى بوساتىپ، حىنان ولكەسىنىڭ تاسقىننان ساقتانۋ، اپاتتان قۇتقارۋ قىزمەتىن ويداعىداي ىستەۋىنە قولداۋ كورسەتتى. مۇنىڭ ىشىندە ورتالىقتىڭ جاراتىلىستىق اپاتتان قۇتقارۋ قارجىسى 60 ميلليون يۋان بولىپ، اپات تۋىلعان رايوننىڭ شۇعىل جاعدايعا توتەپ بەرۋ، قۇتقارۋ جانە اپاتقا ۇشىراعان بۇقارانى قۇتقارۋ قىزمەتىن ورىستەتۋىنە قولداۋ كورسەتۋگە جۇمسالدى؛ ورتالىق قازىنا بوساتىلعان اۋىل شارۋاشىلىق ٴوندىرىسى مەن سۋ يگىلىگى، اپاتتان قۇتقارۋ قارجىسى 40 ميلليون يۋان بولىپ، اپات تۋىلعان رايوننىڭ اپاتتان كەيىنگى اۋىل شارۋاشىلىق ٴوندىرىسىن قالپىنا كەلتىرۋ جانە بۇلىنگەن سۋ قۇرىلىسى قۇرىلعىلارىن قالپىنا كەلتىرۋ سياقتى قىزمەتتەرىنە قولداۋ كورسەتىلدى.


    ٴتىلشى جۇڭگو تەمىر جولى جىڭجوۋ مەكەمەسى توبى شەكتى سەرىكتىگىنەن مىنالاردى ۇعىستى: 7-ايدىڭ 21 ـ كۇنى ساعات 18 گە دەيىن، جىڭجوۋ قالالىق تەمىر جول مەكەمەسىنىڭ باسقارۋىنداعى 35 كەزەكشى پويەز تاسىمالدان ۋاقىتشا توقتاتىلدى. قازىر تەمىر جول سالاسىنداعى كادرلار مەن جۇمىسشى ـ قىزمەتكەرلەر بوگەلگەن جولاۋشىلاردى اس ـ سۋمەن قامداۋدى بار كۇشپەن قامتاماسىزداندىرۋدا. ايتالىق، لانجوۋ-ليانيۇنگاڭ تەمىر جولىنىڭ مۋگۋ پويەز بەكەتىندە K 31 كەزەكتى پويەز جاڭبىر سەبەپتى بوگەلىپ قالعاندا، جەرلىك ۇكىمەت پەن تەمىر جول تاراۋلارىنىڭ ورتاق قۇلشىنۋىندا، بوگەلىپ قالعان جولاۋشىلار 7-ايدىڭ 21 - كۇنى ساعات 16 دا ۇلكەن اۆتوبۋزبەن تاسۋ ارقىلى وسى بەكەتتەن شىعارىلىپ بولدى، لەنيانى جوندەۋ جۇمىسى جەدەل جۇرگىزىلۋدە.


    ونەركاسىپ جانە ينفورماتسيالاندىرۋ مينيسترلىگى نەگىزدىك تەلەگراف كاسىپورىندارىن شۇعىل جاعدايعا توتەپ بەرۋ، حابارلاسۋدى قامتاماسىزداندىرۋ قىزمەتىن ورىستەتۋگە ۇيىمداستىردى. 7-ايدىڭ 21 ـ كۇنى ساعات 10 عا دەيىن حابارلاسۋ كاسىبىندەگى 6300 نەگىزگى پۋنكت، 170 وپتيكالىق كابەل 275 كيلومەتر لەنيا جوندەلدى. حابارلاسۋ، شۇعىل جوندەۋ، قالپىنا كەلتىرۋ قىزمەتى ٴالى دە قاربالاس جۇرگىزىلۋدە.


اۋدارعان: قاناتبەك جۇماباي ۇلى

中央广播电视总台 央广网 版权所有

حىنان ولكەسىنىڭ تاسقىننان ساقتانۋ، شۇعىل جاعدايعا توتەپ بەرۋ اقپارات جاريالاۋ ماجىلىسىندە حىناندا قالىڭ جاڭبىردا 25 ادام قازا بولىپ، 7 ادام دەرەكسىز كەتكەندىگى حابارلاندىرىلدى

7-ايدىڭ 21-كۇنى تۇستەن كەيىن وتكىزىلگەن حىنان ولكەسىنىڭ اقپارات جاريالاۋ ماجىلىسىنەن ٴتىلشى مىنانى ۇعىستى: تولىقسىز ساناققا قاراعاندا، حىنان ولكەسىندە قالىڭ جاڭبىردا 25 ادام ٴولىپ، 7 ادام دەرەكسىز كەتكەن. اپاتتان قۇتقارۋ قىزمەتى جالپى بەتتىك ورىستەتىلۋدە.