ماجىلىستە مىنالار انىق ايتىلدى: جۋىردا ەلىمىزدىڭ كوپتەگەن جەرلەرىندە نوسەر جاۋدى، كەشە حىناننىڭ ٴىشىنارا جەرلەرىندە نوسەر جاۋىپ، اۋىر تاسقىن اپاتى تۋىلدى، اسىرەسە، قالالاردا سيرەك كەزدەسەتىن سەل اپاتى جارىققا شىعىپ، اۋىر ٴولىم ـ ٴجىتىم جانە مال ـ مۇلىك شىعىنى تۋىلدى. كەزەكتە ەلىمىزدىڭ نەگىزگى تاسقىن جاعدايى قاتاڭداستى، الدىن الا مالىمەتكە قاراعاندا، تاياۋ مەزگىلدە ٴىشىنارا جەرلەردە ٴالى دە قالىڭ جاڭبىر جاۋادى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتەندىرىپ، حالىقتىڭ ٴومىرى مەن مال ـ مۇلكىنىڭ حاۋىپسىزدىگىن قامتاماسىز ەتۋدى ماڭداي الدى ورىنعا قويۋ؛ جاۋاپكەرشىلىك ٴتۇزىمىن كۇشەيتۋ؛ ٴتۇرلى بۋىندارداعى جاۋاپكەرشىلىكتى تياناقتاندىرۋ كەرەك. ٴبىرىنشى، كاسىپتىك كۇشتەردى ۇيىمداستىرىپ، قارجى جانە زاتتىق ماتەريالداردى توپتاپ، حىنانداعى قاتەردەن اراشالاپ، اپاتتان قۇتقارۋعا قولداۋ كورسەتۋ جانە كومەكتەسۋ؛ قاتەرگە ۇشىراعان ادامداردى ىزدەۋ ـ قۇتقارۋ، جارالىلاردى قۇتقارۋ ـ ەمدەۋ، اپاتقا ۇشىراعان بۇقارانى كوشىرىپ ورنالاستىرۋ سياقتى قىزمەتتەردى ويداعىداي ىستەۋ كەرەك. ەكىنشى، ٴتۇيىندى رايونداردىڭ تاسقىننان ساقتانىپ، اپاتقا قارسى تۇرۋىن قولداۋدى كۇشەيتۋ؛ ۇلكەن وزەن-ٴداريا، شاعىن تۇرپاتتى قاتەرلى سۋ قويمالارى سياقتى سۋ يگىلىگى ينجەنەريا توسپالارىن قاتاڭ شارلاپ تەكسەرۋ جانە حاۋىپتەن ارىلتۋ كەرەك. قاتىناس قۇرىلعىلارىنداعى شۇعىل توتەپ بەرۋ جوباسىن ويداعىداي ىستەۋ كەرەك. قالالاردا تاسقىن جانە لاي تاسقىنى سياقتى قوسالقى اپاتتاردان ساقتانۋ كەرەك. ٴۇشىنشى، اۋا رايىن باقىلاۋ ـ تەكسەرۋدى، ساقتاندىرۋدى كۇشەيتۋ؛ قالىپسىز اۋا رايى اپات تۋدىرۋى مۇمكىن بولعان جاعدايلارعا باعىتتاي ٴتۇرلى دايىندىقتاردى تولىق ىستەۋ؛ حاۋىپ ـ قاتەردەن ساقتانۋعا تيىستىلەرىن حاۋىپتەن اراشالاچ، شەگىندىرۋگە تيىستىلەرىن شەگىندىرچ، بۇقارانىڭ حاۋىپسىزدىگىن قامتاماسىزداندىرىپ، اپات زيانىن ازايتىپ، تاسقىننان امان ـ ەسەن وتۋگە كەپىلدىك ەتۋ كەرەك.

    ماجىلىستە مىنالار انىق ايتىلدى: سوڭعى جىلداردان بەرى ەلىمىزدىڭ فينانس كاسىبىندە سىرتقا ەسىك اشۋدا بەلسەندى ىلگەرىلەۋشىلىككە قول جەتتى. فينانستىڭ ناقتى ەكونوميكاعا قىزمەت وتەۋ قابىلەتىن كۇشەيتۋدى توڭىرەكتەپ، فينانس سالاسىنداعى رەفورما جاساۋ، ەسىك اشۋدى تەرەڭدەتۋ؛ جۇڭگونى باستان ـ اياق شەتەل قارجىسىن باۋرايتىن قۇتتى مەكەنگە اينالدىرۋ كەرەك. ٴبىرىنشى، فينانس كاسىبىندە سىرتقا ەسىك اشۋ ۋادەسىنىڭ تياناقتانۋىن ۇزدىكسىز ويداعىداي يگەرۋ؛ ولشەمدى اشىق ۇستاۋ دەڭگەيى ٴبىرشاما جوعارى حالىقارالىق ولشەمگە تۋرالانۋ؛ ۇنامسىز ەمپورت-ەكسپورتتا شەكتەمە قويىلاتىن ونىمدەر تىزىمدىگىن نەگىز ەتكەن اناعۇرلىم جوعارى دەڭگەيدەگى فينانستىق ەسىك اشۋدىڭ قالىپتاسۋىن ىلگەرىلەتۋ كەرەك. ەكىنشى، شەتەل قارجىلاندىرعان بانكە، قامسىزداندىرۋ سياقتى فينانس قۇرىلىمدارىنىڭ بازارعا كىرۋىنە رۇقسات ەتۋ تالابىن ساپالاندىرۋ؛ فينانس قۇرىلىمدارىنىڭ باس سەرىكتىك جانە قوسىمشا سەرىكتىكتەرىنىڭ شەكارا اتتاعان بارىس ـ كەلىس ەرەجەسىن كەمەلدەندىرۋ كەرەك. شەتەل قارجىسىنىڭ شەكارا ىشىندەگى فينانس بازارىنا قاتىناسۋ ارناسى مەن ٴتاسىلىن ساپالاندىرۋ كەرەك. حالىق اقشاسى سىندىرىلىمىنىڭ ۇيلەسىمدى، تەپە - تەڭ ورەدەگى نەگىزگى ورنىقتىلىعىن ساقتاۋ كەرەك. ٴۇشىنشى، ماكرولىق بايىپتى ساياسات جۇلگەسىن كەمەلدەندىرۋ؛ جۇيەلىك فينانس حاۋىپ ـ قاتەرىن باقىلاۋ ـ تەكسەرۋ، باعالاۋ جانە ساقتاندىرۋ مەحانيزمىن ورناتۋ؛ فينانس بازارىنىڭ ورنىقتى اينالىمىن ساقتاۋ كەرەك.

    ماجىلىستە مىنالاردى انىق ايتىلدى: كەلەسى قادامدا، اسىرەسە، سوڭعى جارتى جىلداعى حالىقارالىق جاعداي مەن ورتانىڭ وزگەرىسىنە باعىتتاي، شەكارا وتكەلىندە جۇقپالى اۋرۋدان ساقتانۋ-تىزگىندەۋدى ويداعىداي ىستەۋمەن بىرگە، كەدەننەن ٴوتۋدىڭ قولايلىلانۋىن ٴبىر تۇتاس ىلگەرىلەتۋ، يمپورت ـ ەكسپورتتىڭ ورنىقتى ارتۋىن ساقتاۋ كەرەك.

اۋدارعان: قاناتبەك جۇماباي ۇلى