ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

«كۇرەسكە تولى 100 جىل، تىڭ جورىققا اتتانۋ- 1 ـ شىلدە وردەنىنىڭ يەگەرى» جوۋ يۇڭكاي

来源:جۇڭگو قازاق راديو تورابى     |责编:阿依娜古丽|     发布日期: 2021-07-22 14:43


    ٴوز حابارىمىز. سىچۋان ولكەسى يۋاندا اۋدانى ايماقتىق پارتكومنىڭ ورىنباسار شۋجيى، ٴتارتىپ تەكسەرۋ كوميتەتىنىڭ شۋجيى جوۋ يۇڭكاي پەنسياعا شىققان 30 جىلعا تاياۋ ۋاقىتتان بەرى بۇقارانى باستاپ اعاش ەگىپ، ورمان ٴوسىرىپ، سول جەردە مەملەكەت دارەجەلى جاراتىلىستىق قورىق قۇردى. «كۇرەسكە تولى 100 جىل، تىڭ جورىققا اتتانۋ- 1 ـ شىلدە وردەنىنىڭ يەگەرلەرى» اتىنداعى جەلىلەس حاباردا بۇگىن تاۋ قورۋشى جوۋ يۇڭكاي دەگەن ٴبولىمىن تىڭدايسىزدار.


    بيىل 93 جاستاعى جوۋ يۇڭكاي جاڭا جۇڭگو قۇرىلۋدان بۇرىن توڭكەرىسكە قاتىناسىپ، پارتياعا مۇشە بولعان ساقا پارتيا مۇشەسى. 1992-جىلى پەنسياعا شىققاننان كەيىن، ول دابا تاۋىنىڭ قويناۋىنداعى ۋانيۋان قالاسىنىڭ حۋا ى تاۋلى ورمانى بەتالدى كەسۋ، زاڭسىز اڭ اۋلاۋ سەبەبىنەن ويراندالىپ، ەكولوگياسى اۋىر بۇلىنگەندىگىن كورىپ قاتتى نازالانادى، سودان ول وسى ٴجايتتى وزگەرتۋگە بەل بايلادى.


    ول تاۋداعى ٴشوپ كۇركەگە كوشىپ بارىپ، تاۋ كۇزەتۋ مىندەتىن ۇستىنە الدى. ٴوز قاراجاتىمەن اعاش قالامشالارىن ساتىپ الىپ، ٴوز قولىمەن اعاش ەگۋگە كىرىستى. ونىڭ باستاۋىندا ورمان قورعاۋعا اتسالىسىپ، ورماندى مىندەتتى تۇردە قورعاعانداردىڭ قاتارى مولايدى. 2007 - جىلى حۋا ى تاۋىندا مەملەكەت دارەجەلى جاراتىلىستىق قورىق رايونى قۇرىلدى. قىستاق تۇرعىندارىنىڭ «تاۋعا سۇيەنىپ كۇنەلتۋ» كوزقاراسىن وزگەرتىپ، ولارعا ەندىگارى اعاش كەستىرتپەۋ ٴۇشىن، ول قىستاق تۇرعىندارىن باستاپ ٴدارى ماتەريالى بولعان اقجۇرەك ەگۋ كاسىبىن دامىتتى، مىنە وسىلايشا حۋا ى تاۋىنىڭ تۇنىق سۋ، جاسىل تاۋىن قورعادى.


    جوۋ يۇڭكاي ىلگەرىندى-كەيىندى «مەملەكەتتىك تاڭداۋلى پارتيا مۇشەسى»، «مەملەكەت بويىنشا پەنسياعا شىققان كادرلاردىڭ وزاتى» سياقتى داڭقتى اتاقتارمەن ماراپاتتالدى.

 

 اۋدارعان: امانتاي مۇسايىپ ۇلى

中央广播电视总台 央广网 版权所有

«كۇرەسكە تولى 100 جىل، تىڭ جورىققا اتتانۋ- 1 ـ شىلدە وردەنىنىڭ يەگەرى» جوۋ يۇڭكاي