ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي جانشۋ باحرەيىن حالىقتىق پارلامەنتىنىڭ باستىعى، قاۋىم پالاتاسىنىڭ باستىعىمەن كەڭەس وتكىزدى

来源:جۇڭگو قازاق راديو تورابى     |责编:阿依娜古丽|     发布日期: 2021-09-17 10:59

 

ٴوز حابارىمىز. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 9-ايدىڭ 15-كۇنى بەيجيڭدەگى حالىق سارايىندا باحرەيىن حالىقتىق پارلامەنتىنىڭ باستىعى، قاۋىم پالاتاسىنىڭ باستىعى زاينالمەن بەينە ەكران فورماسىندا كەڭەس وتكىزدى.


    لي جانشۋ مىنالاردى اتاپ كورسەتتى: جۇڭگو ـ باحرەين قاتىناسىنىڭ ۇزاق ۋاقىت ورنىقتى دامۋى ەكى ەل حالقىنىڭ ٴتۇبىرلى مۇددەسىنە ۇيلەسەدى. تاراپتار ساياسي جاقتا ٴوزارا قولداۋدى ۇزدىكسىز كۇشەيتۋى كەرەك. جۇڭگو باحرەيننىڭ مەملەكەتتىڭ يەلىك ۇقىعىن، تاۋەلسىزدىگىن، حاۋىپسىزدىگىن قورعاۋىن باتىل قولدايدى، باحرەيننىڭ تايۋانعا، شينجياڭعا، شياڭگاڭعا، ادامدىق ۇقىقا ساياتىن جۇڭگونىڭ وزەكتى مۇددەسى مەن نازار اۋدارىپ وتىرعان كەلەلى ماسەلەلەرىندە ۇزاق ۋاقىت قىمباتتى قولداۋ كورسەتكەندىگىن القايدى. باحرەيىن دۇنيە ٴجۇزى بويىنشا تۇڭعىش توپتاعى جۇڭگو ۆاكسيناسىن شۇعىل پايدالانۋدى جانە تىركەپ بازارعا سالۋدى بەكىتكەن مەملەكەت، جۇڭگو باحرەيننىڭ ىندەتكە قارسى تۇرۋ قۇلشىنىسىن ۇزدىكسىز قولداپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى بىرگە ىلگەرىلەتەدى. ٴار سالاداعى ناقتى سەلبەستىكتى جوعارى ساپامەن جەبەپ، «ٴبىر بەلدەۋ، ٴبىر جول دارىپتەمەسى» مەن باحرەيننىڭ 2030 ـ جىلعا دەيىنگى ەكونوميكالىق دامۋ جوسپارىمەن ۇشتاسۋىن ىلگەرىلەتىپ، گۋمانيتارلىق اۋىس ـ كۇيىستى جيىلەتىپ، ەكى ەل دوستىعىنىڭ حالىق رايى نەگىزىن بەكەمدەۋ كەرەك. لي جانشۋ جۇڭگونىڭ جاڭا ٴتيپتى ايدارشا ۆيرۋسىنىڭ قاينارىن قۋزاستىرۋ ماسەلەسىندەگى پرينسيپتىك مايدانىن تانىستىردى.

 
    زاينال بىلاي دەدى: باحرەيىن جۇڭگومەن سەرىكتەستىك قاتىناستى قاستەرلەيدى. جۇڭگونىڭ ىندەتكە قارسى تۇرۋ بارىسىندا باحرەينگە ماڭىزدى قولداۋ كورسەتكەنىنە العىس ايتامىز. باحرەين پارلامەنتى جۇڭگو مەملەكەتتىك حالىق قۇرىلتايىمەن اۋىس ـ كۇيىستى تەرەڭدەتۋ، زاڭ شىعارۋ سەلبەستىگىن كۇشەيتۋ، ەكونوميكا ـ ساۋدا بارىس ـ كەلىسىن جەبەۋ، حالىق دوستىعىن كۇشەيتۋ سياقتى جاقتاردا زاڭ شىعارۋ قۇرىلىمدارىنىڭ ماڭىزدى رولىن ساۋلەلەندىرۋدى قالايدى.

اۋدارعان: شالقار قازەز ۇلى

中央广播电视总台 央广网 版权所有

لي جانشۋ باحرەيىن حالىقتىق پارلامەنتىنىڭ باستىعى، قاۋىم پالاتاسىنىڭ باستىعىمەن كەڭەس وتكىزدى

مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 9-ايدىڭ 15-كۇنى بەيجيڭدەگى حالىق سارايىندا باحرەيىن حالىقتىق پارلامەنتىنىڭ باستىعى، قاۋىم پالاتاسىنىڭ باستىعى زاينالمەن بەينە ەكران فورماسىندا كەڭەس وتكىزدى.