” جۇڭگو -شاڭحاي سەلبەستىك ۇيىم مەديالار اقپارات اۋىستىرۋ تەكشەسى“ ىسكە قوسىلىپ، شاڭحاي سەلبەستىك ۇيىمىنىڭ مەملەكەتتىك مەديالار سەلبەستىگىنە دەم بەردى
ٴوز حابارىمىز. شاڭحاي سەلبەستىك ۇيىمى قۇرىلعاندىعىنىڭ 20 جىلدىعى بايلانىسىمەن، ورتالىق راديو-تەلەۆيزيا باس ستانسياسىنىڭ CGTN دارىپتەمەسى ورتاعا قويعان «جۇڭگو-شاڭحاي سەلبەستىك ۇيىمى مەديالار اقپارات اۋىستىرۋ تەكشەسى»9-ايدىڭ 16-كۇنى رەسمي ىسكە قوسىلدى.
جۇڭگو ورتالىق راديو ـ تەلەۆيزيا باس ستانسياسىنىڭ باستىعى، باس رەداكتور شىن حايشيۇڭ، شاڭحاي سەلبەستىك ۇيىمىنىڭ باس حاتشىسى ۆلاديمير نوروۆ، سونداي ـ اق رەسەي، قازاقستان، قىرعىزستان، تاجىكستان، وزبەكستان، پاكيستان جانە ينديا قاتارلى شاڭحاي سەلبەستىك ۇيىمىنا مۇشە ەلدەردىڭ نەگىزگى مەديالارىنىڭ جاۋاپتىلارى بۇلتتىق ينتەرنەتتە جەلىگە شىعۋ سالتىنا قاتىناستى ٴارى ٴسوز سويلەدى.
” جۇڭگو -شاڭحاي سەلبەستىك ۇيىمنىڭ مەديالار اقپارات اۋىستىرۋ تەكشەسى “باس ستانسيا CGTN جۇمىس جۇرگىزەتىن « ەۆروپا ـ ازيا ٴوڭىرىنىڭ ورىس تىلىندەگى حابارلاردان ورتاق يگىلىكتەنۋ، اۋىستىرۋ تەكشەسىنىڭ» جاڭالانۋى نەگىزىندە قالىپتاسىپ، شاڭحاي سەلبەستىك ۇيىمىنىڭ ماڭىزدى ينفورماتسيالارىنان ورتاق يگىلىكتەنۋگە، جاريالاۋعا كۇش سالىپ، شاڭحاي سەلبەستىك ۇيىمىنا مۇشە ەلدەردىڭ، باقىلاۋشى ەلدەردىڭ، سۇقپات سەرىكتەرىنىڭ نەگىزگى مەديالار اراسىنداعى جالپىلىق اقپارات تاراتۋ بايلىعىنان ورتاق يگىلىكتەنۋدى، اقپاراتتىق تاپسىرىس بويىنشا سەلبەستىك جاساۋدى، سونداي ـ اق ٴتۇرلى اقپارات مەديالارىنىڭ اۋىس ـ كۇيىس قيمىلدارىن وتكىزۋدى ىلگەرىلەتەدى.
اۋدارعان: كۇلان ىرىسباي قىزى
