ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي كىچياڭ 2021-جىلعى «جۇڭگو گرەتسيا مادەنيەت جانە ساياحات جىلىنىڭ» اشىلۋ سالتىندا ءسوز سويلەدى

来源:جۇڭگو قازاق راديو تورابى     |责编:阿依娜古丽|     发布日期: 2021-09-18 10:04

 

ٴوز حابارىمىز. مەملەكەتتىك كەڭەستىڭ زۇڭليى لي كىچياڭ 9- ايدىڭ 16- كۇنى بەينە- ەكران فورماسىمەن 2021-جىلعى «جۇڭگو گرەتسيا مادەنيەت جانە ساياحات جىلىنىڭ » اشىلۋ سالتىنا قاتىناستى ٴارى ٴسوز سويلەدى.


    لي كىچياڭ بىلاي دەدى: ۇزاق تاريح كەرۋەنى جۇڭگو مەن گرەتسيانىڭ جايناعان مايەكتى مادەنيەت قورىن مولايتتى، سونداي – اق ەكى جاقتىڭ گۋمانيتارلىق اۋىس-كۇيىستى كۇشەيتىپ، حالىقتار دوستىعىن نىعايتۋىنا قۇنارلى ورتا جاراتتى. ەكى ەل حالقىنىڭ ٴوزارا ٴتۇسىنىسۋى، تاتۋ-ٴتاتتى ٴوتۋى _ _ ەكى جاقتىڭ ٴار سالاداعى دوستىق، ٴوزارا ٴتيىمدى سەلبەستىگىنىڭ سارقىلماس قوزعاۋشى كۇشى. 2019 – جىلى ءتوراعا شي جينپيڭ گرەتسيادا مەملەكەتتىك ساپاردا بولىپ، ەكى ەل قاتىناسىنىڭ دامۋىن پارمەندى ىلگەرىلەتتى. جۇڭگو مەن گرەتسيا سەلبەستىگى سۇبەلى تابىستارعا قول جەتكىزىپ، ەكى ەلگە جانە ەكى ەل حالقىنا يگىلىك جەتكىزدى. جاڭا تيپتى ايدارشا ۋيرۆس وكپە قابىنۋ ىندەتى تارالعانىنان بەرى، ەكى جاق ءبىر-بىرىنە قارايلاسىپ، قيىنشىلىقتاردى جەڭىپ، جۇڭگو-گرەتسيا دوستىعىنىڭ تىڭ داستانىن جازدى.


    لي كىچياڭ بىلاي دەپ اتاپ كورسەتتى: كەلەر جىلى ەكى ەلدىڭ ديپلوماتيالىق قاتىناس ورناتقاندىعىنىڭ 50 جىلدىعىن قارسى الامىز، جۇڭگو مەن گرەتسيانىڭ مادەنيەت، ساياحات جىلى وسى ماڭىزدى ساتتە وتكىزىلىپ، ەرەكشە ٴمانى اناعۇرلىم ايگىلەنەدى. وركەنيەت ٴوزارا ۇلگى الۋ ارقىلى الۋانٴتۇسكە بولەنەدى، حالىق تىلەگى اۋىس ـ كۇيىس ارقىلى توعىسادى. وسى رەتكى قيمىلدىڭ جۇڭگو مەن گرەتسيانىڭ ٴوزارا ٴتۇسىنىسۋدى كۇشەيتۋدەگى، ٴداستۇرلى دوستىقتى تەرەڭدەتۋدەگى، ناقتى سەلبەستىكتى ىلگەرىلەتۋدەگى جاڭا جارقىن تۇيىنگە اينالاتىندىعىنا سەنەمىن.


    لي كىچياڭ بىلاي دەپ باسا دارىپتەدى: قازىر حالىقارالىق جاعدايدا كۇردەلى دە تەرەڭ وزگەرىستەر تۋىلۋدا، ٴتۇرلى سىن ـ سايىستارعا توتەپ بەرۋدە، ٴتۇرلى قيىن ماسەلەلەردى شەشۋدە، وركەنيەتتەردىڭ اۋىس ـ كۇيىسىن، ٴوزارا ۇلگى الۋىن ىلگەرىلەتۋگە تۋرا كەلەدى، بۇل ٴبىزدىڭ اقىل ـ پاراساتىمىز بەن كۇش ـ قۋاتىمىزدى ساۋلەلەندىرۋىمىزدىڭ ٴتۇبىرلى جولى. جۇڭگو مەن گرەتسيا ادامزات تاريحىنىڭ دامۋى مەن وركەنيەتىنىڭ العا باسۋىن ىلگەرىلەتۋ جاۋاپكەرشىلىگىن ارقالاپ، قول ۇستاسا قۇلشىنىپ،حالىق تىلەگىنىڭ ەتەنە بولۋىن، وركەنيەتتىڭ توعىسۋىن جەبەپ اناعۇرلىم شۇعىلا شاشتىرۋى كەرەك.


    گرەتسيانىڭ زۇڭليى ميتسوتاكيس بەينە- ەكران ارقىلى ٴسوز سويلەدى.

اۋدارعان: سەرىك راقىم ۇلى

中央广播电视总台 央广网 版权所有

لي كىچياڭ 2021-جىلعى «جۇڭگو گرەتسيا مادەنيەت جانە ساياحات جىلىنىڭ» اشىلۋ سالتىندا ءسوز سويلەدى

مەملەكەتتىك كەڭەستىڭ زۇڭليى لي كىچياڭ 9- ايدىڭ 16- كۇنى بەينە- ەكران فورماسىمەن 2021-جىلعى «جۇڭگو گرەتسيا مادەنيەت جانە ساياحات جىلىنىڭ » اشىلۋ سالتىنا قاتىناستى ٴارى ٴسوز سويلەدى.