ٴوز حابارىمىز. 9-ايدىڭ 26-كۇنى باسپادان شىققان «حالىق گازەتىندە» «جۇڭگونىڭ العا باسۋ قادامىن ەشقانداي كۇش بوگەي المايدى» دەگەن تاقىرىپتا شولۋشى ماقالاسى جاريالاندى. 

    ماقالادا بىلاي دەلىندى: جۇڭگو ازاماتى مىڭ ۋانجوۋ جۇڭگو ۇكىمەتىنىڭ ايروپلانىمەن وتانعا قايتتى. بۇل پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، جۇڭگو ۇكىمەتىنىڭ قاجىماي-تالماي قۇلشىنۋىنىڭ ناتيجەسى، بۇكىل جۇڭگو حالقىنىڭ كۇش سالا قولداۋىنىڭ ناتيجەسى، جۇڭگو حالقىنىڭ كەلەلى جەڭىسى. 

    ماقالادا مىنالار اتاپ كورسەتىلدى: اماليات مىڭ ۋانجوۋ وقيعاسىنىڭ جۇڭگو ازاماتتارىنا باعىتتالعان، جۇڭگونىڭ جوعارى تەحنيكالى كاسىپورىندارىن تۇنشىقتىرۋدى ماقسات ەتكەن ساياسي قىسپاققا الۋ وقيعاسى ەكەندىگىن الدەقاشان دالەلدەدى. مىڭ ۋانجوۋ وقيعاسىندا جۇڭگو ۇكىمەتىنىڭ مايدانى دايەكتى، ايقىن. جۇڭگو ۇكىمەتى بارلىق قاجەتتى شارالاردى قولدانىپ، ٴوز ەلىنىڭ ازاماتتارى مەن كاسىپورىندارىنىڭ ورىندى، زاڭدى ۇقىق-مۇددەسىن باتىل قورعايدى. مىڭ ۋانجوۋدىڭ وتانعا امان-ەسەن ورالۋى جۇڭگو كوممۋنيستىك پارتياسىنىڭ، ٴبىر ميلليارد 400 ميلليوننان استام جۇڭگو حالقىنىڭ، ۇلى جۇڭحۋا حالىق رەسپۋبليكاسىنىڭ جۇڭگو ازاماتتارىنىڭ ماڭگى بەرىك تىرەگى ەكەندىگىن تولىق ٴتۇسىندىردى. 

    ماقالادا مىنالار باسا دارىپتەلدى: بۇگىنگى تاڭدا جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى بۇرۋعا كەلمەيتىن تاريحي كەزەڭگە ٴوتتى. ٴبىز ۇلتتىڭ گۇلدەنۋىنە جاقىنداعان سايىن ٴساتتى بولا قويمايتىنىن، حاۋىپ-قاتەر مەن سىن-سايىسقا تولى بولاتىندىعىن، ٴتىپتى، اساۋ تولقىندار كەزىگەتىندىگىن ابدەن بىلەمىز. ٴبىز باستان-اياق تاريحتىڭ دۇرىس باعىتىندا، باستان-اياق ادامزاتتىڭ العا باسۋ جاعىندا تۇرىپ، بوران-شاشىننان قورىقپاي، سىن-سايىستارعا توتەپ بەرىپ، قيىن-قىستاۋ ساتتەردە بوگەلمەي العا ىلگەرىلەگەندە عانا، ەشقانداي كۇشتىڭ ۇلى وتانىمىزدىڭ ورنىن شايقالتا المايتىندىعىنا، ەشقانداي كۇشتىڭ جۇڭگونىڭ العا باسۋ قادامىن بوگەي المايتىندىعىنا كامىل سەنەمىز!

اۋدارعان: گۇلنۇر قابىلقاق قىزى