ٴوز حابارىمىز. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ ياڭ 9-ايدىڭ 27-كۇنى بەيجيڭدە يندونەزيا حالىقتىق كەڭەس ٴماجىلىسىنىڭ ٴتوراعاسى بان باڭمەن بەينە ەكران ارقىلى كەزدەستى. 

    ۋاڭ ياڭ بىلاي دەدى: بىلتىردان بەرى، ٴتوراعا شي جينپيڭ پرەزيدەنتتەرىڭىز زوكومەن 4 رەت سويلەسىپ، جاڭا داۋىردە جۇڭگو مەن يندونەزيانىڭ جالپى بەتتىك ستراتەگيالىق سەرىكتەستىك قاتىناسىن كۇشەيتۋگە جوعارى دەڭگەيلى جوبا جاسادى. جۇڭگو يندونەزيامەن بىرلىكتە ەكى ەل باسشىلارى كەلىسكەن ماڭىزدى ورتاق تانىم بويىنشا، ساياسي سەنىمدىلىكتى ۇزدىكسىز كۇشەيتىپ، ٴوزارا ٴتيىمدى سەلبەستىكتى تەرەڭدەتۋدى؛ «ٴبىر بەلدەۋ، ٴبىر جولدى» ورتاق قۇرۋدى ۇزدىكسىز ىلگەرىلەتۋدى؛ جۇقپالى اۋرۋعا قارسى تۇرۋ سەلبەستىگىن كۇشەيتۋدى؛ ٴوڭىردىڭ بەيبىتشىلىگىنە، ورنىقتىلىعىنا جانە دامۋىنا اناعۇرلىم زور ۇلەس قوسۋدى قالايدى. جۇڭگونىڭ مەملەكەتتىك ساياسي كەڭەسى يندونەزيا حالىقتىق كەڭەس ماجىلىسىمەن ٴار دارەجەلى اۋىس-كۇيىستى ساقتاپ، ەكى ەل قاتىناسىنىڭ ۇزدىكسىز تىڭ ىلگەرىلەۋشىلىكتەرگە قول جەتكىزۋىن جەبەۋدى قالايدى. 

    بانباڭ بىلاي دەدى: جۇڭگونىڭ يندونەزيانىڭ جۇقپالى اۋرۋعا قارسى تۇرۋىنا قولداۋ كورسەتكەنىنە العىس ايتامىن، يندونەزيا حالىقتىق كەڭەس ٴماجىلىسى جۇڭگونىڭ مەملەكەتتىك ساياسي كەڭەسىمەن بارىس-كەلىستى، سەلبەستىكتى كۇشەيتىپ، ەكى ەلدىڭ ٴار سالاداعى ٴوزارا ٴتيىمدى سەلبەستىگىنىڭ اناعۇرلىم زور تابىستارعا قول جەتكىزۋىن جەبەۋدى قالايدى.

  اۋدارعان: قاناتبەك جۇماباي ۇلى