ٴوز حابارىمىز. جۇڭحۋا حالىق رەسپۋبليكاسىنىڭ 14-كەزەكتى سپورت جارىسى 9-ايدىڭ 27-كۇنى كەشتە شي-اندا جابىلدى. كەشكى ساعات 8 دە مەملەكەتتىك 14-كەزەكتى سپورت جارىسىنىڭ جابىلۋ سالتى شي-ان وليمپيك سپورت ورتالىعى دەنە تاربيە سارايىندا وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ جۇڭحۋا حالىق رەسپۋبليكاسى 14-كەزەكتى سپورت جارىسىنىڭ جابىلعاندىعىن جاريالادى.«بولاشاققا بىرگە بەت الايىق» دەگەن مۋزيكا ٴۇنىنىڭ ىشىندە، مەملەكەتتىك 14-كەزەكتى سپورت جارىسىنىڭ تۋى باياۋ ٴتۇسىرىلىپ، 13 كۇن جانعان الاۋ بىرتىندەپ ٴسوندى. 

    سۇن چۇنلان، جاڭ چۇنشيان، شياۋ جيە، گۋ شىڭزۋ، مياۋ حۋا جابىلۋ سالتىنا قاتىناستى. 

    جابىلۋ سالتىندا تاعى «ارماندى جۇزەگە اسىرۋ، ۇدەرە العا تارتۋ» تاقىرىبىنداعى مادەنيەت، دەنە تاربيە بايقاۋى وتكىزىلدى. 

    مەملەكەتتىك 14-كەزەكتى سپورت جارىسى−جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ەلىمىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاعان ماڭىزدى ساتتە وتكىزىلگەن ۋەنيۋرسال سپورت جينالىسى، سونداي-اق ەلىمىز 2035-جىلى دەنە تاربيەدە قۇدىرەتتى ەل قۇرۋ، سالاماتتى جۇڭگو قۇرۋدى العا قويعان سوڭ وتكىزىلگەن ماڭىزدى ۋنيۆەرسال سپورت جينالىسى سانالادى. وسى كەزەكتى مەملەكەتتىك سپورت جارىسىندا حالىقتى وزەك ەتكەن دامۋ يدەياسىنا تاباندىلىق ەتىلىپ، «جالپى حالىقتىق سپورت جارىسى، تىلەكتەس بولىپ بىرلىكتە العا باسۋ» نەگىزگى تاقىرىبى كورنەكتىلەندىرىلدى، سپورت ساڭلاقتارى قايسارلىقپەن كۇرەس جاساۋ تاڭداۋلى ٴداستۇرىن ساۋلەلەندىرىپ، «بورىشتى ارقالايمىن،كۇرسكە مەن دە قاتىناسامىن» دەيتىن كۇشتى جاۋاپكەرشىلىكتى ايگىلەپ، الدىڭعى كەزەكتى مەملەكەتتىك سپورت جارىسىنىڭ رەفورما جاساۋ، جاڭالىق اشۋ تاجىريبەلەرىنەن ۇلگى الىپ، بۇقارالىق جارىس قيمىلدارىن ۇزدىكسىز ورىستەتتى. وتاعاسى شانشي ولكەسى مەن قاتىستى تاراۋلار جۇقپالى اۋرۋدان ساقتانۋ- تىزگىندەۋ شارالارىن قاتاڭ اتقارىپ، دەنە تاربيە ساڭلاقتارىنا ەرلىكپەن العا ۇمتىلاتىن ساحنا ازىرلەپ، بۇكىل ەل حالقىنا قاراپايىم، حاۋىپسىز، تارتىمدى دەنە تاربيە جينالىسىن ۇسىندى. 

    مەملەكەتتىك 14- كەزەكتى سپورت جارىسى 9-ايدىڭ 15-كۇنى شي-اندا باستالدى، 35 جارىس ٴتۇرى مەن 19 بۇقارالىق جارىس قيمىلىنا جيىنى 595 شاعىن ٴتۇر بويىنشا 12 مىڭنان استام سپورتشى جانە 10 مىڭنان استام بۇقارالىق سپورتشى قاتىناستى. 9 ادام ٴبىر كوماندا 12 رەت 12 تۇردەن دۇنيە جۇزىلىك رەكورد جاراتتى، ٴبىر ادام ٴبىر كوماندا 2 رەت ازيا رەكوردىن جاڭالادى، 15 ادام 7 كوماندا 24 رەت مەملەكەتتىك رەكورد جاراتتى. 

    مەملەكەتتىك 15-كەزەكتى سپورت جارىسى 2025-جىلى گۋاڭدۇڭ، شياڭگاڭ، اۋمىندا وتكىزىلەدى. 


            اۋدارعان: كۇلان ىرىسباي قىزى