ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

حان جىڭ «ورگانيزمدەردىڭ الۋان تۇرلىلىگى شارتىن» جاساسۋشى جاقتار 15-رەتكى ٴماجىلىسىنىڭ اشىلۋ سالتىنا قاتىناستى ٴارى ٴسوز سويلەدى

来源:جۇڭگو قازاق راديو تورابى     |责编:阿依娜古丽|     发布日期: 2021-10-12 10:14

 

ٴوز حابارىمىز. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ 10-ايدىڭ 11-كۇنى يۇنناننىڭ كۇنميڭ قالاسىندا «ورگانيزمدەردىڭ الۋان تۇرلىلىگى شارتىن» جاساسۋشى جاقتار 15-رەتكى ٴماجىلىسىنىڭ اشىلۋ سالتىنا قاتىناستى ٴارى ٴسوز سويلەدى. بۇل رەتكى جينالىستا «ەكولوگيالىق وركەنيەت: جەر شارىنىڭ تىرشىلىك ورتاق تۇلعاسىن بىرگە قۇرۋ» نەگىزگى تاقىرىپ بولدى.

حان جىڭ بىلاي دەدى: شي جينپيڭنىڭ ەكولوگيالىق وركەنيەت يدەياسىنىڭ جەتەكشىلىگىندە، جۇڭگو ەكولوگيانى الدىمەن ەسكەرۋگە، جاسىل دامۋعا تاباندى بولىپ، ورگانيزمدەردىڭ الۋان تۇرلىلىگىن قورعاۋدى ىلگەرىلەتۋدە كورنەكتى ونىمدىلىككە قول جەتكىزدى. جۇڭگو بولاشاقتا اناعۇرلىم زور تەبىنمەن، اناعۇرلىم ناقتى شارالارمەن ورگانيزمدەردىڭ الۋان تۇرلىلىگىن قورعاۋدى ىلگەرىلەتەدى. ٴبىز جاڭا داۋىردەگى مەملەكەتتىڭ ورگانيزمدەردىڭ الۋان تۇرلىلىگىن قورعاۋ ستراتەگياسى مەن ارەكەت جوسپارىن جاساپ، ورگانيزمدەردىڭ الۋان تۇرلىلىگىن قورعاۋ مەن ەكونوميكانىڭ، قوعامنىڭ ىشكەرىلەي توعىسۋىن، سايكەستى دامۋىن ىلگەرىلەتەمىز. ورگانيزمدەردىڭ الۋان تۇرلىلىگىن قورعاۋ كەلەلى ينجەنەريالارىن ۇزدىكسىز ىلگەرىلەتىپ، ماڭىزدى ەكولوگيالىق جۇيەنى، بيولوگيالىق تۇرلەردى جانە بيولوگيالىق تۇقىم قۋالاۋ بايلىعىن جاپپاي قورعايمىز. ورگانيزمدەردىڭ الۋان تۇرلىلىگىن قورعاۋ جونىندەگى ۇگىت-تاربيەنى جانە بىلىمدەردى جالپىلاستىرۋدى كۇشەيتىپ، قالىڭ بۇقارانى ورگانيزمدەردىڭ الۋان تۇرلىلىگىن قورعاۋعا بەلسەنە ات سالىسۋعا جەتەكتەيمىز جانە جۇمىلدىرامىز.


    حان جىڭ بىلاي دەدى: جۇڭگو ٴار جاقپەن سەلبەستىكتى جانە اۋىس-كۇيىستى كۇشەيتىپ، وسى رەتكى جينالىستاعى داياشى ەل بورىشىن شىنايى ويداعىداي وتەپ، ٴتوراعا ەلدىك رولىن ويداعىداي ساۋلەلەندىرىپ، جاپپاي تەپە-تەڭ، سەرپىندى، اتقارۋعا بولاتىن ورتاق تانىم مەن ارەكەت جۇلگەسىنە قول جەتكىزۋدى ىلگەرىلەتىپ، دۇنيە جۇزىندەگى ورگانيزمدەردىڭ الۋان تۇرلىلىگىن جونگە سالۋدى تىڭ ساتىعا كوتەرۋدى قالايدى. حان جىڭ ماجىلىسكە قاتىناسقاندارعا مىناداي ٴۇش ٴتۇرلى دارىپتەمەنى ورتاعا قويدى: ٴبىرىنشى، ورتاق تانىمدى ۇيىستىرىپ، ۇلى ماقساتقا ۇمتىلۋ. كوپ جاقتىلىققا تاباندى بولىپ، ساياسي ىلگەرىلەتۋ مەن تىلدەسۋدى، اۋىس-كۇيىستى كۇشەيتىپ، ۇلى ماقسات پەن ناقتى ىستەردى قاتار جۇرگىزۋ جولىمەن ٴجۇرىپ، 2020-جىلدان كەيىنگى ارەكەت نىساناسىن عىلمي جولمەن جاساۋ. ەكىنشى، قارجى قوسۋدى ارتتىرىپ، بايلىقتى توپتاۋ. ٴتۇرلى قارجى قوسۋ ارنالارىن كەڭەيتىپ، ورگانيزمدەردىڭ الۋان تۇرلىلىگىن قورعاۋعا جانە باياندى پايدالانۋعا اناعۇرلىم زور قولداۋ كورسەتۋ. ٴۇشىنشى، رەفورمانى جەدەلدەتىپ، سەلبەسىپ، ونىمدىلىكتى ارتتىرۋ. ورگانيزمدەردىڭ الۋان تۇرلىلىگىن قورعاۋدى كورنەكتى ورىنعا قويىپ، ۇتىمدى شارالار قولدانىپ، دامۋدىڭ تيپىن وزگەرتۋدى ىلگەرىلەتۋ. جاراتىلىستىق، ەكولوگيالىق جۇيەنى قورعاۋ جانە قالپىنا كەلتىرۋ تەبىنىن ارتتىرىپ، كليمات وزگەرىسى، ورگانيزمدەردىڭ الۋان تۇرلىلىگىنىڭ جويىلۋى، استىق حاۋىپسىزدىگى سياقتى الەمدىك قورشاعان ورتانىڭ سىن-سايىسىنا سايكەسە توتەپ بەرۋ.


اۋدارعان: گۇلنۇر قابىلقاق قىزى

中央广播电视总台 央广网 版权所有

حان جىڭ «ورگانيزمدەردىڭ الۋان تۇرلىلىگى شارتىن» جاساسۋشى جاقتار 15-رەتكى ٴماجىلىسىنىڭ اشىلۋ سالتىنا قاتىناستى ٴارى ٴسوز سويلەدى

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ 10-ايدىڭ 11-كۇنى يۇنناننىڭ كۇنميڭ قالاسىندا «ورگانيزمدەردىڭ الۋان تۇرلىلىگى شارتىن» جاساسۋشى جاقتار 15-رەتكى ٴماجىلىسىنىڭ اشىلۋ سالتىنا قاتىناستى ٴارى ٴسوز سويلەدى.