ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ب م ۇ-نىڭ «ورگانيزمدەردىڭ الۋان تۇرلىلىگى شارتىن» جاساسۋشى جاقتارىنىڭ 15 ـ رەتكى ٴماجىلىسى اشىلدى

来源:جۇڭگو قازاق راديو تورابى     |责编:阿依娜古丽|     发布日期: 2021-10-12 10:19

 

ٴوز حابارىمىز. ب م ۇ–نىڭ «ورگانيزمدەردىڭ الۋان تۇرلىلىگى شارتىن» جاساسۋشى جاقتارىنىڭ 15–رەتكى ماجىلىسىندە 2020–جىلدان كەيىنگى بۇكىل جەر شارىنداعى ورگانيزمدەردىڭ الۋان تۇرلىلىگى جۇلگەسىن جاسالىپ، الداعى 10 جىلدا بۇكىل جەر شارىنداعى ورگانيزمدەردىڭ الۋان تۇرلىلىگىن قورعاۋ ٴۇشىن نىسانا جانە اتقارۋ بارىستارى تۇراقتاندى.


    10-ايدىڭ 11-كۇنى تۇستەن كەيىن، ەكولوگيالىق ورتا مينيسترى حۋاڭ رۇنچيۋ ەگيپەتتىڭ جۇڭگودا تۇراتىن باس ەلشىسى مۋحان. مۇحاممەد بادەليمەن ٴتوراعا مىندەت اۋىستىرعان سوڭ، حۋاڭ رۇنچيۋ ب م ۇ-نىڭ «ورگانيزمدەردىڭ الۋان تۇرلىلىگى شارتىن» جاساسۋشى جاقتارىنىڭ 15-رەتكى ٴماجىلىسىنىڭ ٴتوراعاسى بولدى.


    سول كۇنگى ماجىلىسكە شامامەن 1500 ادام ادام قاتىناستى، 140 تان استام مەملەكەتتەن 3000 نان استام ۋاكىل جەلىدە ماجىلىسكە قاتىناستى. جينالىستى ۇيىمداستىرۋشى ورىن بولعان يۇننان ولكەسى- ەلىمىزدەگى ەكولوگيالىق جۇيە ٴتۇرى ەڭ مول ولكە. يۇننان ولكەلىك پارتكومنىڭ شۋجيى رۋان چىڭفا ٴماجىلىستىڭ اشىلۋ سالتىندا بىلاي دەدى: يۇننان ولكەسى مەملەكەت بويىنشا «ورگانيزمدەردىڭ الۋان تۇرلىلىگىن قورعاۋ ەرەجەسىن» ەڭ الدىمەن شىعارىپ، جاراتىلىستىق قورىق باسقارۋ ٴتۇزىلىسىن جونگە سالىپ، ورگانيزمدەردىڭ الۋان تۇرلىلىگى جونىندەگى حالىقارالىق سەلبەستىكتى كۇشەيتىپ، ازيا ٴپىلى، يۇننان سابالاق مايمىلى سياقتى تۇقىمى قۇرۋعا تاياعان حايۋاناتتاردىڭ تۇقىمىن ساقتاپ قالۋ، قورعاۋ ارەكەتىن اتقاردى. بۇكىل ولكە بويىنشا شامامەن جەتىدەن ٴبىر ۇلەس جەر اۋدانى ٴتۇرلى جاراتىلىستىق قورىق رايوندارىنا ٴبولىنىپ، شامامەن %90 ماڭىزدى ەكولوگيالىق جۇيە جانە مەملەكەت بويىنشا %90 تەن استام ٴتۇيىندى قورعالاتىن وسىمدىكتەر، %80 مەملەكەتتىك بويىنشا ٴتۇيىندى قورعالاتىن حايۋاناتتار پارمەندى قورعالدى.


    ۇعىسۋعا قاراعاندا، وسى رەتكى ماجىلىستە 2020 ـ جىلدان كەيىنگى بۇكىل جەر شارىندا ورگانيزمدەردىڭ الۋان تۇرلىلىگى جۇلگەسى جاسالىپ، الداعى 10 جىلدا بۇكىل جەر شارىنداعى ورگانيزمدەردىڭ الۋان تۇرلىلىگىن قورعاۋعا نىساناسى جانە اتقارۋ بارىستارى بەلگىلەنەدى. بۇكىل جەر شارىنداعى وڭىرلەردە جانە مەملەكەتتەردە شۇعىل ساياساتتار، ارەكەتتەر ارقىلى ەكونوميكا، قوعام جانە فينانس ۇلگىسىنە بۇرىلىس جاسالىپ، ورگانيزمدەردىڭ الۋان تۇرلىلىگى ازايۋ اۋقىمى 2030-جىلعا دەيىن تەجەلىپ، جاراتىلىستىق ەكولوگيالىق جۇيە سوڭعى 20 جىلدا قالپىنا كەلتىرىلىپ، 2050-جىلعا بارعاندا بۇكىلدەي جاقسارۋ اۋقىمى قالىپتاستىرىلادى.


اۋدارعان: قاناتبەك جۇماباي ۇلى

中央广播电视总台 央广网 版权所有

ب م ۇ-نىڭ «ورگانيزمدەردىڭ الۋان تۇرلىلىگى شارتىن» جاساسۋشى جاقتارىنىڭ 15 ـ رەتكى ٴماجىلىسى اشىلدى

ب م ۇ–نىڭ «ورگانيزمدەردىڭ الۋان تۇرلىلىگى شارتىن» جاساسۋشى جاقتارىنىڭ 15–رەتكى ماجىلىسىندە 2020–جىلدان كەيىنگى بۇكىل جەر شارىنداعى ورگانيزمدەردىڭ الۋان تۇرلىلىگى جۇلگەسىن جاسالىپ، الداعى 10 جىلدا بۇكىل جەر شارىنداعى ورگانيزمدەردىڭ الۋان تۇرلىلىگىن قورعاۋ ٴۇشىن نىسانا جانە اتقارۋ بارىستارى تۇراقتاندى.