ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

«ىزدەنىس جولى» كەدەيلىكتەن قۇتىلدىرۋدان قامال الۋ رۋحى: كەدەيلىكتەن قۇتىلدىرۋدان قامال الۋ جولىندا جوعارىدان تومەنگە دەيىن ٴبىر نيەت ٴبىر تىلەكپەن جۇدىرىقتاي جۇمىلدى

来源:جۇڭگو قازاق راديو تورابى     |责编:阿依娜古丽|     发布日期: 2021-10-12 10:50

 

ٴوز حابارىمىز. «ىزدەنىس جولى» دەگەن حابارىمىزدىڭ بۇگىنگى كەزەگىندە «كەدەيلىكتەن قۇتىلدىرۋدان قامال الۋ جولىندا جوعارىدان تومەنگە دەيىن ٴبىر نيەت، ٴبىر تىلەكپەن جۇدىرىقتاي جۇمىلدى» دەگەن مازمۇنعا توقتالامىز. مۇندا جوعارىدان تومەنگە دەيىن ٴبىر نيەتپەن اتتانسقا كەلۋ، شايقاسقا بار كۇشپەن جۇدىقتاي جۇمىلۋ، دالمە ـ ٴدال شارا قولدانىپ، ناقتى ٴىس ىستەۋ، ٴورىس اشا جاڭالىق اشۋ، قامال الىپ، قيىنشىلىقتاردى جەڭۋ، حالىقتىڭ ٴۇمىتىن اقتاۋ » سىندى كەدەيلىكتەن قۇتىلدىرۋدان قامال الۋ رۋحى ٴتۇسىندىرىلەدى.


    وتكەن عاسىردىڭ 80 ـ جىلدارىندا گۇيجوۋ ولكەسى بيجيە قالاسى حىجاڭ اۋدانى حىجىن اۋىلى حايچۋە قىستاعىندا سۋ تاپشى بولىپ، ەلەكترمەن قامداۋ جەتىسپەي، ەكولوگياسى ناشارلاپ، قۇمدى بوران سوعىپ، قىستاق تۇرعىندارى جەل سوقسا سولقىلدايتىن توزىعى جەتكەن اعاش ۇيدە وتىرىپ، كيىم ـ كەشەك، ازىق ـ تۇلىكتەن تارىقتى. حايچۋە قىستاعىن قامىتىعان بيجيە قالاسىن تاقىر كەدەيلىك جايلاپ، پارتيا ورتالىق كوميتەتىنىڭ، مەملەكەتتىك كەڭەستىڭ نازارىن ايرىقشا اۋداردى. سول كەزدە ج ك پ ورتالىق كوميتەتى ساياسي بيۋروسىنىڭ مۇشەسى، شۋجيچۋىنىڭ شۋجيى مىندەتىن وتەيتىن شي جۇڭشۇن جولداس بەكىتۋ جازىپ بىلاي دەدى: «ولكەلىك پارتكومىنان وسى تەكتەس رايوندارعا ۋاقىت شەگىن بەلگىلەپ، ۇتىمدى شارالار قولدانىپ، قىزمەتتى جوسپارلى، ساتىلى تۇردە تىڭعىلىقتى ىستەپ، وسىنداي سۇرەڭسىز جايتتى وزگەرتۋدى ٴۇمىت ەتەمىن.


    1986-جىلدان باستاپ جوسپارلى، ۇيىمدى، كەڭ كولەمدى كەدەيلەردى سۇيەمەلدەۋ ماقساتىنداعى كوركەيتۋ ىستەرى حايچۋە، حىجاڭ، بيجيە، گۇيجوۋدا ٴتىپتى بۇكىل ەل كولەمىندە ورىستەتىلدى. سونىمەن بىرگە، حايچۋە قىستاعىنداعىلاردا دا ٴوزىنىڭ قوس قولىنا سۇيەنىپ باقىتتى تۇرمىس كەشىرۋدىڭ جولىن قاراستىرا باستادى . سول كەزدە قىستاق پارتيا ياچەيكاسىنىڭ شۋجيى ۋىن چاۋرۇڭ بۇكىل قىستاقتاعىلاردى اعاش ەگۋگە جۇمىلدىرادى. ۋىن چاۋرۇڭنىڭ نەمەرەسى ۋىن جۇنفۋ بىلاي دەدى : قۇتقارۋ استىعى قىستاققا كەلگەندە، مەنىڭ اتام ۋىن چاۋرۇڭ قىستاق پارتيا ياچەيكاسىنىڭ شۋجيى رەتىندە، مەملەكەت بىزگە كومەك بەرىپ جاتىر، پارتيانىڭ ابزال ساياساتى دەگەن مىنە وسى،ەندى ٴبىز ٴتىپتى دە ارىنداعان جىگەرمەن بىلەك سىبانا ىسكە كىرسۋىمىز كەرەك،-دەدى!


    ۋىن چاۋرۇڭ ٴۇي باس سايىن ارالاپ قىزمەت ىستەپ، اۋىلداستارىن باستاپ ٴۇرتىس ٴۇش جىل شايقاس جاساپ، اقىرى 30 نەشە تاۋ بەتكەيىنە حۋاشان قاراعايى سياقتى اعاش قالامشالارىن ەكتى، تاۋ قويناۋىنداعى ەكولوگيالىق ورتا مەن توپىراقتىڭ قۇنارلىلىعى جاقسارىپ، قىستاقتىڭ استىق ٴونىمى جىلدان ـ جىلعا ارتتى.


    2012-جىلدىڭ سوڭىندا پارتيا ورتالىق كوميتەتى جاڭا داۋىردەگى كەدەيلىكتەن قۇتىلدىرۋدان قامال الۋدىڭ دابىلىن قاقتى. حايچۋە قىستاعىنداعى پارتيالى كادرلار بۇل جۇمىستى اقساتپاي،بىرىنەن كەيىن ٴبىرى جالعاپ تاباندىقپەن ورىستەتتى. حايچۋە قىستاعى قستاققا جول سالىپ، ونى وتباسىلارىنا دەيىن تۇتاستىردى، جۇڭگوشا ٴدارى ماتەريالدارى، الما، ساياحات حالىقتىق تۇسەلحانا سياقتى كاسىپتەر دە العاشقى قادامدا قالىپتاستى. 2016-جىلى حايچۋە قىستاعى جالپى بەتتىك كەدەيلىكتەن قۇتىلدى.


    حىجاڭنىڭ كەدەيلەردى سۇيەمەلدەۋ قىزمەتىنىڭ ٴبىرىنشى شەبىندە دە بۇكىل ەلدىڭ باسقا رايوندارىنان كەلگەن سايلاۋىت كۇشتەردە تاباندىقپەن شايقاس جاساۋدا. تايۋان دەموكراتيالىق اۆتونوميا وداعى ورتالىق كوميتەتى ىلگەرىندى-كەيىندى 10 كادردى حىجاڭ اۋدانىنا كومەككە جىبەردى. تايۋان دەموكراتيالىق اۆتونوميا وداعى ورتالىق كوميتەتىنىڭ ٴمانساپقا ٴىلىپ تومەنگە جىبەرگەن كادرى، حىجاڭ اۋداندىق ۇكىمەت پارتيا باسشىلىق گرۋپپاسىنىڭ مۇشەسى لي جىشياڭ بىلاي دەدى: جۇڭگو كوممۋنيستىك پارتياسى جۇڭگونىڭ ٴتۇرلى ىستەرىنىڭ تىرەگى، جۇڭگو كوممۋنيستىك پارتياسى قالاي ٴجون كورسەتىپ، جول سىلەتەسە، ٴبىزدە سولاي قاراي قامدانىپ، بەت تۇزەيمىز، مەنىڭشە، بۇل ٴتۇزىم ابزالدىلىعى.


    كەدەيلىك قالپاعىن الىپ تاستاۋ كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. جاڭا داۋىردەگى كەدەيلىكتەن ارىلتۋدان قامال الۋدىڭ نىسانا ـ مىندەتتەرىن ۋاعىندا ورىنداۋ نەگىزىندە، جۇڭگو جۇڭگوشا سوتسياليستىك اۋىل-قىستاقتى گۇلدەندىرۋ داڭعىل جولىنا قادام تاستادى، اۋىل شارۋاشىلىعى، اۋىل-قىستاق، شارۋالار قىزمەتىنىڭ ٴتۇيىنىندە تاريحي سيپاتتى بۇرىلىس بولدى.


    بۇكىل ەل بويىنشا جوعارىدان تومەنگە دەيىن اۋقىمعا قاراي العا ۇمتىلىپ، كۇش ۇستىنە كۇش قوسىپ، اۋىل-قىستاقتى گۇلدەندىرۋدى جاپپاي ىلگەرىلەتۋ جولىندا ۇزدىكسىز كۇرەس جۇرگىزۋ كەرەك. حايچۋەلىقتاردىڭ بولاشاق تۇرمىسىنان زور ٴۇمىت كۇتۋگە بولادى. حىجاڭ اۋدانى حىجىن اۋىلدىق پارتكومنىڭ شۋجيى جان يشياڭ بىلاي دەدى : بۇل ارانىڭ كاسىپ بەتالىسى اۋەلگى قالپىن ساقتاعاپ، ٴوزارا ورگانيكالى تۇردە تۇتاسقان. ٴبىز اۋىل ـ قىستاقتى گۇلدەندىرۋدى مىقتى ۇستايمىز، اتاپ ايتقاندا، حايچۋە قىستاعىن ۇلگى كورسەتۋ ٴتۇيىنى ەتىپ، الدىمەن اتقارىپ، الدىمەن سىناق ەتىپ، جاقسى دامىعان قىستاقتاردىڭ باسقا قىستاقتاردى جەتەكتەۋىنە مۇمكىندىك جاراتامىز.


اۋدارعان: سەرىك راقىم ۇلى

中央广播电视总台 央广网 版权所有

«ىزدەنىس جولى» كەدەيلىكتەن قۇتىلدىرۋدان قامال الۋ رۋحى: كەدەيلىكتەن قۇتىلدىرۋدان قامال الۋ جولىندا جوعارىدان تومەنگە دەيىن ٴبىر نيەت ٴبىر تىلەكپەن جۇدىرىقتاي جۇمىلدى

جوعارىدان تومەنگە دەيىن ٴبىر نيەتپەن اتتانسقا كەلۋ، شايقاسقا بار كۇشپەن جۇدىقتاي جۇمىلۋ، دالمە ـ ٴدال شارا قولدانىپ، ناقتى ٴىس ىستەۋ، ٴورىس اشا جاڭالىق اشۋ، قامال الىپ، قيىنشىلىقتاردى جەڭۋ، حالىقتىڭ ٴۇمىتىن اقتاۋ » سىندى كەدەيلىكتەن قۇتىلدىرۋدان قامال الۋ رۋحى ٴتۇسىندىرىلەدى.