ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي كىچياڭ موڭعۇليانىڭ زۇڭليى ويۇن ەردەنمەن كەڭەستى

来源:جۇڭگو قازاق راديو تورابى     |责编:阿依娜古丽|     发布日期: 2021-10-13 09:49

 

ٴوز حابارىمىز. مەملەكەتتىك كەڭەستىڭ زۇڭليى لي كىچياڭ 10-ايدىڭ 12-كۇنى تۇستەن كەيىن جۇڭنانحايدىڭ زىگۋاڭگى سارايىندا موڭعۇليانىڭ زۇڭليى ويۇن ەردەنمەن بەينە ەكران ارقىلى كەڭەستى.

لي كىچياڭ بىلاي دەدى: جۇڭگو مەن موڭعۇليا تاۋ – وزەندەرى تۇتاسقان كورشى ەلدەر. ەكى ەل قاتىناسى جاقسى دامىپ، ناقتى سەلبەستىك ۇزدىكسىز ىلگەرىلەتىلدى. ٴتوراعا شي جينپيڭ بيىل 7 ـ ايدا پرەزيدەنت حۇرسۋحپەن تەلەفوندا سويلەسىپ، جۇڭگو مەن موڭعۇليانىڭ قارىم ـ قاتىناسىن ىشكەرىلەي دامىتۋ جونىندە ماڭىزدى ورتاق تانىمعا كەلدى. ەكى ەل قازىر تەگىس جۇقپالى اۋرۋ جاعدايىنا توتەپ بەرۋ، ەكونوميكانى دامىتۋ، حالىق تۇرمىسىن قامتاماسىزداندىرۋ مىندەتتەرىن ارقالاۋدا. ەكى جاقتىڭ سەلبەستىكتى كۇشەيتۋى ەكى ەلگە دە، وڭىرگە دە ٴتيىمدى.


    لي كىچياڭ بىلاي دەپ اتاپ كورسەتتى: جۇڭگو موڭعۇليامەن دامۋ ستراتەگياسىن پارمەندى ۇشتاستىرىپ، ٴتۇيىندى سالالارداعى سەلبەستىكتى كەڭەيتىپ، ەكى جاقتى ساۋدانى ارتتىرىپ، جۇقپالى اۋرۋدان ٴونىمدى ساقتانۋ-تىزگىندەۋ العى شارتىندا وتكەل كەدەندەرىنە قولايلىلىق جاراتىپ، وتكەلدەردەن زات وتكىزۋ مولشەرىن ارتتىرۋدى قالايدى. ەكى جاقتىڭ قۇمايتتانۋدىڭ الدىن الۋ، قۇمايت جەرلەردى جونگە سالۋ سەلبەستىگىن اناعۇرلىم تياناقتاندىرىپ، تازا دا كوركەم ەكولوگيالىق ورتانى بىرلىكتە جاراتۋلارىن ٴۇمىت ەتەدى. جۇڭگو موڭعۇليانىڭ ەكونوميكانى دامىتۋىن، حالىق تۇرمىسىن جاقسارتۋىن، ىندەتكە توتەپ بەرۋىن ٴباز-باياعىسىنداي قولداپ-قۋاتتايدى.


    لي كىچياڭ باسا دارىپتەپ بىلاي دەدى: ەنەرگيا حاۋىپسىزدىگى مەملەكەت شارۋاشىلىعى مەن حالىق تۇرمىسىنا سايادى. جۇڭگودا كومىر بايلىعى مول، ٴبىز ٴالى دە كوپ نەگىزدى ەنەرگيا سەلبەستىگىن ورىستەتۋدى ٴۇمىت ەتەمىز، ەكى ەلدىڭ كومىر ساۋداسى كولەمىن كەڭەيتىپ، ٴوزارا پايدا جەتكىزىپ، تەڭ يگىلىككە كەنەلۋىن كورگىمىز كەلەدى. جۇڭگو ەكى ەل كاسىپورىندارىنىڭ بازار پرينسيپى مەن ساۋدا ەرەجەسى بويىنشا بەلسەنە سەلبەستىك جاساۋىنا دەم بەرىپ جانە قولداۋ كورسەتىپ، ۇزاق ۋاقىت ۇيلەسىمدى، ورنىقتى باعامەن ەنەرگيا قامداۋ تىزبەگىنىڭ ىركىلىسسىز، حاۋىپسىز بولۋىنا كەپىلدىك ەتەدى.


    ويۇن ەردەن بىلاي دەدى: موڭعۇليا مەن جۇڭگو تاعدىرلاس ورتاق تۇلعا، موڭعۇليا جۇڭگونىڭ جاقىن، ادال، ٴتيىمدى، باۋىرمال توڭىرەكتىك ديپلوماتيا ۇستانىمىن القايدى. جۇڭگونىڭ موڭعۇليانى ۆاكسينامەن قامداعاندىعىنا العىس ايتادى، ەكى ەلدىڭ سەلبەسىپ ىندەتكە قارسى تۇرۋى حالىقارالىق قوعامعا ۇلگى بولدى. ەكى جاقتىڭ كەن ونىمدەرى، نەگىزدىك قۇرىلعىلار قۇرىلىسى، قۇمايتتانۋدان ساقتانۋ-تىزگىندەۋ سياقتى سالالارداعى سەلبەستىكتى كۇشەيتىپ، شەكارا وتكەلدەرىنەن زات وتكىزۋ مولشەرىن كوبەيتىپ، موڭعۇليا ـ جۇڭگو قاتىناسىنىڭ قارىشتاپ دامۋىن ٴۇمىت ەتەمىن.

اۋدارعان: امانتاي مۇسايىپ ۇلى

中央广播电视总台 央广网 版权所有

لي كىچياڭ موڭعۇليانىڭ زۇڭليى ويۇن ەردەنمەن كەڭەستى

مەملەكەتتىك كەڭەستىڭ زۇڭليى لي كىچياڭ 10-ايدىڭ 12-كۇنى تۇستەن كەيىن جۇڭنانحايدىڭ زىگۋاڭگى سارايىندا موڭعۇليانىڭ زۇڭليى ويۇن ەردەنمەن بەينە ەكران ارقىلى كەڭەستى.