الدىڭعى 3 توقساندا اۋىل شارۋاشىلىعى، اۋىل-قىستاق ەكونوميكاسىنىڭ اينالىمى جاقسى بولىپ، تۇتاس جىلداعى استىق ٴونىمى تاعى دا تاريحتاعى ەڭ جوعارى ورەگە جەتەدى
ٴوز حابارىمىز. مەملەكەتتىك كەڭەستىڭ اقپارات كەڭسەسى 10- ايدىڭ 20- كۇنى وتكىزگەن اقپارات جاريالاۋ ماجىلىسىندە اۋىل شارۋاشىلىعى، اۋىل-قىستاق مينيسترلىگىنىڭ قاتىستى جاۋاپتىسى بىلاي دەدى: بيىل الدىڭعى 3 توقساندا ەلىمىزدىڭ اۋىل شارۋاشىلىعى، اۋىل-قىستاق ەكونوميكاسىنىڭ اينالىمى جاقسى بولدى. كۇزگى استىقتان مول ٴونىم الىنىپ، تۇتاس جىلدا استىق ٴونىمى تاعى دا تاريحتاعى ەڭ جوعارى ورەگە جەتەدى.
بيىل الدىڭعى 3 توقساندا اۋىل شارۋاشىلىعى، اۋىل-قىستاق ەكونوميكاسىنىڭ اينالىمى جاقسى بولدى، مۇنىڭ باستى بەينەلەرى مىنالار: تۇتاس جىلدا استىق ٴونىمى جوعارى دەڭگەيدە ارتۋدان ٴۇمىت زور، «كوجە-قاتىق» ونىمدەرىمەن قامداۋ جەتكىلىكتى، تۇقىم شارۋاشىلىعىن گۇلدەندىرۋ مەن جوعارى ولشەمدى ەگىس اتىزى قۇرىلىسىن تىڭعىلىقتى جەبەپ، اۋىل شارۋاشىلىعىنىڭ جاسىل ٴتيپىن وزگەرتۋ جەدەل ىلگەرىلەتتى، اۋىل-قىستاقتىڭ حالىقتى اۋقاتتاندىرۋ كاسىبىنىڭ دامۋ بەتالىسى جاقسى بولدى، شارۋالار كىرىسى ٴبىرشاما تەز ارتتى، اۋىل-قىستاقتىڭ ىشكى سۇرانىسىنىڭ كومەسكى كۇشى ۇزدىكسىز جانداندى. اۋىل شارۋاشىلىعى، اۋىل-قىستاق مينيسترلىگىنىڭ باس اگرونومى، دامۋ-جوسپارلاۋ مەڭگەرمەسىنىڭ باستىعى زىڭ ياندى بىلاي دەپ تانىستىردى: اۋىل شارۋاشىلىعى، اۋىل-قىستاق مينيسترلىگى شارۋالاردىڭ كىرىسىن ارتتىرۋدى ماڭىزدى ورىنعا قويىپ، كوپ ٴتۇرلى شارانى قاتار قولدانىپ شارۋالاردىڭ كىرىسىن ارتتىرۋ ارناسىن كەڭەيتىپ، شارۋالاردىڭ كىرىسىن ٴبىرشاما تەز ارتتىردى.
اۋىل شارۋاشىلىعى، اۋىل-قىستاق مينيسترلىگى بازار جانە ينفورماتسيالاندىرۋ مەڭگەرمەسىنىڭ باستىعى تاڭ كى بىلاي دەدى: ٴار جىلى كۇز، قىس ماۋسىمدارى اۋىل شارۋاشىلىق ونىمدەرىن تۇتىنۋدىڭ ٴداستۇرلى قاۋىرت مەزگىلى، مەجەمەن بيىل كۇرىش جانە كوجە-قاتىق ونىمدەرىن ٴوندىرۋ مەن ساتۋدى ۇزدىكسىز كۇسەتتەنىپ، بازاردىڭ قامداۋى قامتاماسىز ەتىلەدى.
اۋدارعان: سەرىك راقىم ۇلى