ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

13-كەزەكتى مەملەكەتتىك حالىق قۇرىلتايى تۇراقتى كوميتەتى 31-ءٴماجىلىسىنىڭ ەكىنشى جالپى ٴماجىلىسى اشىلدى

来源:جۇڭگو قازاق راديو تورابى     |责编:阿依娜古丽|     发布日期: 2021-10-22 10:09



    ٴوز حابارىمىز 13-كەزەكتى مەملەكەتتىك حالىق قۇرىلتايى تۇراقتى كوميتەتى 31-ءٴماجىلىسىنىڭ ەكىنشى جالپى ٴماجىلىسى 10-ايدىڭ 21-كۇنى تۇستەن بۇرىن بەيجيڭدە اشىلدى. كوميتەت باستىعى لي جانشۋ ماجىلىسكە قاتىناستى.


    ماجىلىستە مەملەكەتتىك كەڭەستىڭ 2020-جىلعى مەملەكەت مەنشىگىندەگى مال-مۇلىكتى باسقارۋ جاعدايى جونىندەگى جالپىلىق بايانداماسى قارالدى.


    «ج ك پ ورتالىق كوميتەتىنىڭ مەملەكەتتىك كەڭەستىڭ مەملەكەتتىك حالىق قۇرىلتايى تۇراقتى كوميتەتىنە مەملەكەت مەنشىگىندەگى مال-مۇلىكتىڭ باسقارىلۋ جاعدايىنان مالىمەت بەرۋ ءٴتۇزىمىن ورناتۋ جونىندەگى پىكىرىنە» ساي، ماجىلىستە مەملەكەتتىك كەڭەستىڭ 2020-جىلعى مەملەكەت مەنشىگىندەگى جاراتىلىستىق بايلىقتى، مال-مۇلىكتى باسقارۋ جاعدايى جونىندەگى ارناۋلى بايانداماسى تۇڭعىش رەت تىڭدالدى. باياندامادا مىنالار العا قويىلدى: جاراتىلىستىق بايلىقتى قورعاۋدى كۇشەيتىپ، جاراتىلىستىق بايلىقتان پايدالانۋ ونىمدىلىگىن جوعارىلاتىپ، مەملەكەت جەرى كەڭىستىگىن اشۋ، قورعاۋ جاعدايىن ساپالاندىرىپ، ەكولوگيالىق جۇيەنىڭ ساپاسى مەن ورنىقتىلىعىن جوعارىلاتىپ، مەملەكەت مەنشىگىندەگى جاراتىلىستىق بايلىق پەن مال-مۇلىكتى باسقارۋ ٴتۇزىم جۇيەسىن ورناتۋ جانە كەمەلدەندىرۋ كەرەك. مەملەكەتتىك كەڭەستىڭ تاپسىرۋىمەن جاراتىلىستىق بايلىق مينيسترى لۋ حاۋ ارناۋلى بايانداما جاسادى.


    ماجىلىستە مەملەكەتتىك حالىق قۇرىلتايى قازىنا-ەكونوميكا كوميتەتىنىڭ ورىنباسار مەڭگەرۋشى مۇشەسى، تۇراقتى كوميتەت مەجە ەسەپ قىزمەت كوميتەتىنىڭ مەڭگەرۋشىسى شى ياۋبيننىڭ 2020-جىلعى مەملەكەت مەنشىگىندەگى جاراتىلىستىق بايلىقتى، مال-مۇلىكتى باسقارۋ جاعدايى جونىندەگى تەكسەرۋ-زەرتتەۋ بايانداماسى تىڭدالدى. باياندامادا مىنالار ۇسىنىس ەتىلدى: ەكولوگيالىق وركەنيەت قۇرىلىسى تانىمىن تياناقتاندىرۋ مەحانيزمىن اناعۇرلىم كۇشەيتىپ، مەملەكەتتىڭ جاراتىلىستىق بايلىقتى، مال-مۇلىكتى باسقارۋ ٴتۇزىلىسىن اقاۋسىزداندىرىپ، ٴتۇرلى رەفورمالاردى جەدەل ىلگەرىلەتىپ، نەگىزدىك باسقارۋ قىزمەتىن ۇزدىكسىز بەكەمدەپ، زاڭمەن باسقارۋ مەن جونگە سالۋداعى ولقىلىقتاردى جەدەل تولىقتاۋ كەرەك.


    ماجىلىستە وقۋ-اعارتۋ مينيسترى حۋاي جينپىڭنىڭ مەملەكەتتىك كەڭەستىڭ تاپسىرۋىمەن جاساعان وقىتۋشىلار قوسىن قۇرىلىسى مەن وقىتۋشىلار زاڭىنىڭ اتقارىلۋ احۋالى جونىندەگى بايانداماسى تىڭدالدى. باياندامادا مىنالار العا قويىلدى: جوعارى دەڭگەيدەگى ماماندانعان وقىتۋشىلار قوسىنىن كۇش سالا قۇرىپ، وقىتۋشىلار قوسىن قۇرىلىسىنىڭ جالپىلىق رەفورماسىن ۇزدىكسىز ىلگەرىلەتۋ كەرەك.


    ماجىلىستە ەڭ جوعارى حالىق سوتى مەكەمەسىنىڭ باستىعى جوۋ چياڭ جاساعان حالىق سوتى مەكەمەسىنىڭ ٴبىلىم مەنشىك ۇقىعى دەلولارىنا سوت جۇرگىزۋ قىزمەتىنىڭ جاعدايى جونىندەگى بايانداما تىڭدالدى. باياندامادا مىنالار اتاپ كورسەتىلدى: ٴبىلىم مەنشىك ۇقىعىنا قاتىستى سوت جۇرگىزۋ سالاسىنداعى ٴادىليا رەفورماسىن كۇش سالا تەرەڭدەتىپ، ٴبىلىم مەنشىك ۇقىعىن جاپپاي قورعاۋ قىزمەت جاعدايىن كەمەلدەندىرۋدى ىلگەرىلەتىپ، جاڭا ٴداۋىردىڭ تالابىنا ۇيلەسەتىن ٴبىلىم مەنشىك ۇقىعىنا قاتىستى سوت جۇرگىزۋ قوسىنىن قۇرۋ كەرەك.


    ماجىلىستە ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن جاساعان حالىق پروكۋراتۋراسىنىڭ شاعىم ايتۋ، ارىزدانۋ دەلولارىن ءٴبىر جاقتى ەتۋ قىزمەتىنىڭ جاعدايى جونىندەگى بايانداماسى تىڭدالدى. باياندامادا مىنالار اتاپ كورسەتىلدى: حالىقتى وزەك ەتۋگە تاباندى بولۋ؛ بۇقارانىڭ ارىز-ارمانىنا جاۋاپ قايتارۋ ٴتۇزىمىن ىشكەرىلەي تياناقتاندىرۋ؛ ينفورماتسيالاندىرۋ قۇرىلىسىن ۇزدىكسىز ىلگەرىلەتۋ؛ شاعىم ايتۋ، ارىزدانۋ پروكۋراتۋرا قوسىن قۇرىلىسىن كۇشەيتۋ كەرەك.


    ماجىلىستە مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى شىن يۋەيۋە جاساعان تۇراقتى كوميتەتتىڭ زاڭنىڭ اتقارىلۋىن تەكسەرۋ گرۋپپاسىنىڭ جاراقسىز قاتتى زاتتاردىڭ ورتانى لاستاۋىنان ساقتانۋ زاڭىنىڭ اتقارىلۋ جاعدايىن تەكسەرۋ جونىندەگى بايانداماسى تىڭدالدى. باياندامادا مىنالار العا قويىلدى: شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، جاسىل، تومەن كومىرتەكتى، اينالمالى دامۋدى ىلگەرىلەتۋ؛ سايكەستى زاڭ-ەرەجە، ولشەم تۇزىمدەردى كەمەلدەندىرۋ؛ قاتتى جاراقسىز زاتتاردىڭ لاستاۋىنان ساقتانۋداعى كورنەكتى ماسەلەلەردى شەشۋدى ىلگەرىلەتۋ؛ تۇتاس قوعام بىرگە جونگە سالاتىن، بىرگە قورعايتىن جاعدايدى جەدەل قالىپتاستىرۋ كەرەك.


    ماجىلىستە مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى جي بيڭشۋان جاساعان تۇراقتى كوميتەتتىڭ ارناۋلى تاقىرىپتىق تەكسەرۋ-زەرتتەۋ گرۋپپاسىنىڭ ساپالى تۇقىم بايلىعىن قورعاۋدى جانە ساپالى تۇقىم جەتىلدىرۋدە جاڭالىق اشۋدى كۇشەيتۋ جاعدايى جونىندەگى تەكسەرۋ-زەرتتەۋ بايانداماسى تىڭدالدى. باياندامادا مىنالار ۇسىنىس ەتىلدى: بايلىقتى قورعاۋ، پايدالانۋ جۇيە قۇرىلىسىن ونان ارى كۇشەيتىپ، تۇقىم شارۋاشىلىعى عىلىم-تەحنيكاسىندا دەربەس جاڭالىق اشۋ قابىلەتىن ارتتىرىپ، تۇقىم قاينارىمەن قامداۋ حاۋىپسىزدىگىن قامتاماسىز ەتۋ سەرپىنىن ارتتىرىپ، تۇقىمدى زاڭ بويىنشا باسقارۋ، تۇقىم شارۋاشىلىعىن زاڭ بويىنشا گۇلدەندىرۋ دەڭگەيىن جوعارىلاتىپ، ەلىمىزدىڭ تۇقىم شارۋاشىلىعى نەگىزىن بەكەمدەۋ، نىعايتۋ كەرەك.


    كوميتەت باستىعىنىڭ ورىنباسارى جاڭ چۇنشيان ءٴماجىلىستى باسقاردى.

 


اۋدارعان: گۇلنۇر قابىلقاق قىزى

中央广播电视总台 央广网 版权所有

13-كەزەكتى مەملەكەتتىك حالىق قۇرىلتايى تۇراقتى كوميتەتى 31-ءٴماجىلىسىنىڭ ەكىنشى جالپى ٴماجىلىسى اشىلدى

ماجىلىستە مەملەكەتتىك كەڭەستىڭ 2020-جىلعى مەملەكەت مەنشىگىندەگى مال-مۇلىكتى باسقارۋ جاعدايى جونىندەگى جالپىلىق بايانداماسى قارالدى.