ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي جانشۋ وتباسى تاربيەسىن جەبەۋ زاڭىن اتقارۋ اڭگىمە ماجىلىسىنە قاتىناستى

来源:جۇڭگو قازاق راديو تورابى     |责编:阿依娜古丽|     发布日期: 2021-11-23 10:20

 

ٴوز حابارىمىز. مەملەكەتتىك حالىق قۇرىلتايى تۇراقتى كوميتەتى 11-ايدىڭ 22-كۇنى بەيجيڭدە وتباسى تاربيەسىن جەبەۋ زاڭىن اتقارۋ اڭگىمە ٴماجىلىسىن وتكىزدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ ماجىلىسكە قاتىناستى ٴارى ٴسوز سويلەدى. ول مىنالاردى باسا دارىپتەدى : باس شۋجي شي جينپيڭنىڭ وتباسى تاربيەسى، وتباسى ستيلى قۇرىلىسىنا ٴمان بەرۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، وتباسى تاربيەسىن جەبەۋ زاڭىن ۇگىتتەۋدى، جالپىلاستىرۋدى جانە دايەكتى اتقارۋدى ىلگەرىلەتۋ كەرەك.


لي جانشۋ مىنالاردى اتاپ كورسەتتى: پارتيا 18 ـ قۇرىلتايىنان بەرى ، باس شۋجي شي جينپيڭ ۇلتتىڭ گۇلدەنۋى سىندى ۇلى مىندەتتى ارقالايتىن ٴداۋىر جاڭا ادامداردى تاربيەلەۋ ، پارتيا مەن مەملەكەت ىستەرىنىڭ ٴىزباسارلارىنىڭ بولۋىنا كەپىلدىك ەتۋ تۇرعىسىنان وتباسى تاربيەسى جونىندە ٴبىر قىدىرۋ ماڭىزدى بايىمداۋلار جاسادى، پارتيا 19 ـ قۇرىلتايى مەن پارتيا 19 ـ كەزەكتى ورتالىق كوميتەتىنىڭ ٴتورتىنشى، بەسىنشى جالپى ماجىلىستەرىندە وتباسى تاربيەسى قىزمەتى جونىندە ايقىن تالاپتار قويىلدى. مەملەكەتتىك 13 - كەزەكتى حالىق قۇرىلتايى تۇراقتى كوميتەتى زاڭ شىعارۋ اياق الىسىن جەدەلدەتىپ، 10-ايدا وتباسى تاربيەسىن جەبەۋ زاڭىن قاراپ ماقۇلدادى.


لي جانشۋ مىنالاردى باسا دارىپتەدى : وسى زاڭدى جاساۋدىڭ ماڭىزدى ٴمانىن جىعا تانىپ، زاڭدى ۇيرەنۋدى ، ۇگىتتەۋدى جانە دايەكتى اتقارۋدى مىقتى يگەرىپ ، ناقتى يگەرىپ ، ناتيجە جاراتۋ كەرەك. ٴبىرىنشى، ٴمورالدى الدىڭعى ورىنعا قوياتىن ايقىن بەتالىستى كورنەكتىلەندىرىپ، شي جينپيڭنىڭ جاڭا ٴداۋىر جۇڭگوشا سوتسياليزم يدەياسىمەن ادام تاربيەلەپ ، سوتسياليزم جانە وتانشىلدىق سۇيىسپەنشىلىكتى نىعايتىپ، توڭكەرىس بايلىعىنان ويداعىداي پايدالانىپ، پارتيانىڭ تاڭداۋلى ٴداستۇرى مەن ستيل تاربيەسىن كۇشەيتىپ، سوتسياليستىك وزەكتى قۇن كوزقاراسىن وتباسى تاربيەسىنىڭ تۇتاس بارىسىنا، ٴار قايسى جاعىنا ٴسىڭىرۋ كەرەك. ەكىنشى، ازامات جاسىنا تولماعانداردىڭ اكە - شەشەسىنىڭ نەمەسە باسقا دا قامقورشىسىنىڭ وتباسى تاربيەسىنىڭ تۇلعالىق جاۋاپكەرشىلىگىن ارقالاۋىن شىنايى ىلگەرىلەتىپ، ساپا تاربيەسىنىڭ ٴتۇبىرلى تانىمىن ، ٴمورال ارقىلى ادام تاربيەلەۋ ٴتۇبىرلى مىندەتىن وتباسىندا تياناقتاندىرۋ كەرەك. ٴۇشىنشى، زاڭدا بەلگىلەنگەن قىزمەت جاۋاپكەرشىلىگىن تياناقتاندىرىپ ، قالا مەن اۋىلدى قامتىعان وتباسى تاربيەسىنە جەتەكشىلىك ەتۋ ، قىزمەت وتەۋ جۇيەسى قۇرىلىسىن جەبەپ، وتباسى تاربيەسىنە، اسىرەسە، ۇيدە قالعان بالالار مەن قيىنشىلىعى بار وتباسىلاردىڭ وتباسى تاربيەسىنە كومەك بەرۋ كەرەك. ٴتورتىنشى، ٴار جاقتىڭ بەلسەندىلىگىن تولىق جۇمىلدىرىپ، اسىرەسە، وتباسى مەن مەكتەپتىڭ سايكەسۋىن ويداعىداي ىستەپ ، قوعام سايكەسەتىن ، بىرگە كۇش سالاتىن ، تۇتاس تىزبەكتى قىزمەت مەحانيزمىن قالىپتاستىرۋ كەرەك. بەسىنشى، زاڭ جونىندەگى ۇگىت - تاربيەنى تەبىندى جالپىلاستىرىپ، حالىق بۇقاراسىن وسى زاڭدى تۇسىنۋگە، قولداۋعا، امالياتتا ايگىلەۋگە، وتەۋگە ٴتيىستى مىندەتتەرىن سانالى ارقالاۋعا مۇمكىندىك جاساپ كەرەك.


اۋدارعان: كۇلان ىرىسباي قىزى

中央广播电视总台 央广网 版权所有

لي جانشۋ وتباسى تاربيەسىن جەبەۋ زاڭىن اتقارۋ اڭگىمە ماجىلىسىنە قاتىناستى

مەملەكەتتىك حالىق قۇرىلتايى تۇراقتى كوميتەتى 11-ايدىڭ 22-كۇنى بەيجيڭدە وتباسى تاربيەسىن جەبەۋ زاڭىن اتقارۋ اڭگىمە ٴماجىلىسىن وتكىزدى