ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ساياسي كەڭەس 13-كەزەكتى مەملەكەتتىك كوميتەتى تۇراقتى كوميتەتىنىڭ 19-ٴماجىلىسى اشىلدى، ۋاڭ ياڭ ٴماجىلىستى باسقاردى، جاۋ لىجي بايانداما جاسادى

来源:جۇڭگو قازاق راديو تورابى     |责编:阿依娜古丽|     发布日期: 2021-11-23 10:23

 

ٴوز حابارىمىز. ساياسي كەڭەس 13-كەزەكتى مەملەكەتتىك كوميتەتى تۇراقتى كوميتەتىنىڭ 19-ٴماجىلىسى 11-ايدىڭ 22-كۇنى بەيجيڭدە اشىلدى، ج ك پ 19-كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ ٴماجىلىستىڭ باستى تاقىرىبى بولدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ ياڭ ءماجىلىستىڭ اشىلۋ سالتىن باسقاردى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءٴتارتىپ تەكسەرۋ كوميتەتىنىڭ شۋجيى جاۋ لىجي ۇسىنىس بويىنشا اشىلۋ ماجىلىسىنە قاتىناستى ءارى بايانداما جاسادى.


    ۋاڭ ياڭ ٴماجىلىستى باسقارعاندا بىلاي دەپ اتاپ كورسەتتى: ج ك پ 19-كەزەكتى ورتالىق كوميتەتىنىڭ التىنشى جالپى ماجىلىسىندە جۇڭگو كوممۋنيستىك پارتياسىنىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى جاپپاي قورىتىندىلاندى، بۇل بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدە كەلەلى رەال ماڭىزعا جانە تەرەڭ تاريحي مانگە يە، جالپى ٴماجىلىس ماقۇلداعان «قارار»-جاڭا داۋىردەگى پارتيا مەن مەملەكەت ىستەرىنىڭ دامۋىن ىلگەرىلەتۋدىڭ ارەكەت قىبلاناماسى. التىنشى جالپى ٴماجىلىستىڭ رۋحىن ىشكەرىلەي ۇيرەنۋ، دايەكتىلەندىرۋ--مەملەكەتتىك ساياسي كەڭەستىڭ كەزەكتەگى جانە بۇدان بىلايعى ٴبىر مەزگىلدەگى كەلەلى ساياسي مىندەتى. تۇراقتى مۇشەلەر يدەيا مەن ارەكەتتى جالپى ٴماجىلىستىڭ رۋحىمەن سانالى بىرلىككە كەلتىرىپ، حالىق ساياسي كەڭەسىنىڭ مەملەكەتتى باسقارۋ جۇيەسىنىڭ ماڭىزدى قۇرامداس بولەگى جانە بىرلىكساپ ۇيىمى بولۋ رولىن ٴونىمدى ساۋلەلەندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اقىل-پاراساتى مەن كۇش-قۋاتىن ارناۋلارى كەرەك.


    جاۋ لىجي ج ك پ 19-كەزەكتى ورتالىق كوميتەتىنىڭ التىنشى جالپى ٴماجىلىسىنىڭ اشىلۋ جاعدايىن، «قاراردى» دايىنداۋ بارىسىن جانە جالپى جاقتان يگەرۋ جاعدايىن، «قاراردىڭ» نەگىزگى جۇلگەسى مەن باستى مازمۇنىن، جالپى ٴماجىلىستىڭ رۋحىن ۇيرەنۋگە، دايەكتىلەندىرۋگە قاتىستى تالاپتاردى تانىستىرىپ، مىنالاردى اتاپ كورسەتتى: جالپى ٴماجىلىستىڭ «قاراردى» ماقۇلداۋى كەلەلى دە تەرەڭ ماڭىزعا يە، ول شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ تاريحي زاڭدىلىقتى يگەرىپ، دامۋ اۋقىمىنا ۇيلەسەتىن تاريحي ىرىقتىلىعىن تولىق ايگىلەدى، ول بۇكىل پارتيانىڭ يدەيانى، ەرىك-جىگەردى، ارەكەتتى اناعۇرلىم بىرلىككە كەلتىرىپ، تاريحتى اينا ەتىپ، بولاشاققا جول اشىپ، قاجىرلىلىقپەن ىستەپ، ەرلىكپەن العا ىلگەرىلەۋىن پارمەندى جەبەيتىن بولادى.


    جاۋ لىجي مىنالاردى باسا دارىپتەدى: پارتيانىڭ 100 جىلدىق كۇرەسىنىڭ شۇعىلالى بارىسىن، كەلەلى تابىستارىن، تاريحي ماڭىزىن، تاريحي تاجىريبەلەرىن ىشكەرىلەي ۇيرەنىپ، جۇڭگو كوممۋنيستىك پارتياسىنىڭ نە ٴۇشىن كەلەلى ىستەردى تىندىرا الاتىندىعىن، ماركسيزمنىڭ نە ٴۇشىن جالپىلاسا الاتىندىعىن، جۇڭگوشا سوتسياليزمنىڭ نە ٴۇشىن ٴابىزال ەكەندىگىن تەرەڭ ٴتۇسىنىپ جانە يگەرىپ، «شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىرۋدىڭ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرۋدىڭ» شەشۋشى ماڭىزىن تەرەڭ ٴتۇسىنىپ جانە يگەرىپ، ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن ۇزدىكسىز جوعارىلاتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن اناعۇرلىم سانالى ۇيرەنىپ، جەتە ٴتۇسىنىپ، جەتە يگەرىپ، شىنايى تياناقتاندىرىپ، اناعۇرلىم سانالى تۇردە ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانى جاپپاي قاتاڭ باسقارۋ ستراتەگيالىق باعىتىن اناعۇرلىم سانالى دايەكتى تياناقتاندىرىپ، شىرىكتەسۋگە قارسى تۇرۋ كۇرەسىن تاباندى ىلگەرىلەتىپ، پارتيانىڭ ساپاسى، سيپاتى، ەرەكشەلىگى وزگەرمەۋىنە شىنايى كەپىلدىك ەتۋ كەرەك. پارتيانىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ تاريحي بارىسىندا باستان-اياق پارمەندى باسشىلىق ۇيتقى بولۋىنا شىنايى كەپىلدىك ەتىپ، بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، ەكىنشى 100 جىلدىق كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي-تالماي كۇرەس جۇرگىزۋ كەرەك.


    ٴماجىلىس «ناق مايدان ٴماجىلىسى مەن بەينە-ەكران ٴماجىلىسىن قاتار اشۋ» ٴتاسىلىن قولداندى، مەملەكەتتىك ساياسي كەڭەس ورگانىندا نەگىزگى ٴماجىلىس مايدانى، حىنان، سىچۋان، گانسۋ، نيڭشيادا بولىمشە ٴماجىلىس مايدانى قۇرىلدى.


اۋدارعان: گۇلنۇر قابىلقاق قىزى

中央广播电视总台 央广网 版权所有

ساياسي كەڭەس 13-كەزەكتى مەملەكەتتىك كوميتەتى تۇراقتى كوميتەتىنىڭ 19-ٴماجىلىسى اشىلدى، ۋاڭ ياڭ ٴماجىلىستى باسقاردى، جاۋ لىجي بايانداما جاسادى

ساياسي كەڭەس 13-كەزەكتى مەملەكەتتىك كوميتەتى تۇراقتى كوميتەتىنىڭ 19-ٴماجىلىسى 11-ايدىڭ 22-كۇنى بەيجيڭدە اشىلدى