ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ج ك پ ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى 3 عارىشكەرگە وردەن بەرۋدى ۇيعاردى

来源:جۇڭگو قازاق راديو تورابى     |责编:阿依娜古丽|     发布日期: 2021-11-24 09:52

 

ٴوز حابارىمىز. ج ك پ ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى 11-ايدىڭ 23-كۇنى نيە حايشىڭعا «1-دارەجەلى عارىش وردەنىن»، ليۋ بوميڭگە « 2 - دارەجەلى عارىش وردەنىن»، تاڭ حۇڭبوعا «ەرجۇرەك عارىشكەر» داڭقتى اتاعىن جانە «3-دارەجەلى عارىش وردەنىن» بەرۋدى ۇيعاردى، وسى ۇيعارىمنىڭ تولىق ٴماتىنى مىناداي:


    ەلىمىز عارىشكەرلەرى نيە حايشىڭ، ليۋ بوميڭ، تاڭ حۇڭبو 2021 - جىلى 6-ايدىڭ 17 - كۇنى شىنجوۋ 12 - ٴنومىرلى ادام الىپ ۇشاتىن الەم كەمەسىنە وتىرىپ عارىشقا شىعىپ، تيانحى وزەكتى بولمەلەرىمەن دەربەس، تەز ٴتۇيىلىسۋ مىندەتىن ٴساتتى ورىندادى، سونداي - اق ٴبىرقىدىرۋ جاڭاشا، بۇرىن بولىپ كورمەگەن عىلمي سىناقتار مەن كەڭىستىك جۇمىستارىن جۇرگىزىپ، وربيتادا 3 اي تۇرىپ، 9-ايدىڭ 17 - كۇنى جەرشارىنا ٴساتتى ورالدى. شىنجوۋ 12 - ٴنومىرلى ادام الىپ ۇشاتىن عارىش كەمەسىنىڭ مىندەتى عارىشقا ادام الىپ ۇشۋ ينجەنەرياسىن «ٴۇش قادامعا ٴبولىپ جۇرگىزۋ» ستراتەگيالىق نىساناسىن جۇزەگە اسىرۋداعى توتەنشە ماڭىزدى مىندەت، جۇڭگولىقتار تۇڭعىش رەت ٴوز كەڭىستىك پۋنكيتىنە جەتىپ، كوپتەگەن شەشۋشى-وزەكتى تەحنيكالاردا كەلەلى تابىستارعا قول جەتكىزدى، بۇل جۇڭگونىڭ عارىش ىستەرىندە جوعارى دەڭگەيدەگى عىلىم ـ تەحنيكا ارقىلى ٴوزىن الۋەتتەندىرۋگە تىڭ قادام تاستاعاندىعىن، عىلىم ـ تەحنيكادا قۇدىرەتتى ەل، عارىش ىستەرى سالاسىندا ەگەي ەل قۇرۋ اياق الىسىن جەدەلدەتۋدە ەڭ جاڭا ناتيجەگە قول جەتكىزگەندىگىن، ەلىمىزدىڭ جالپىلىق مەملەكەت قۋاتى مەن ۇلتتىڭ ۇيىسقىشتىعىن نىعايتۋدا، بۇكىل پارتيانى، بۇكىل ارميانى، بۇكىل ەلدەگى ٴار ۇلت حالقىن تاباندىلىقپەن العا باسۋعا، ۇزدىكسىز كۇرەس جۇرگىزۋگە ىنتالاندىرۋدا، جاڭا داۋىردەگى جۇڭگوشا سوتسياليزم ىستەرىنىڭ جاڭا جاعدايىن ۇزدىكسىز اشۋدا ماڭىزدى مانگە يە.


    شىنجوۋ 12-ٴنومىرلى الەم كەمەسىمەن عارىشقا ادام الىپ ۇشۋ مىندەتىنىڭ تولىق تابىسپەن ورىندالۋىنا قالىڭ عىلىم ـ تەحنيكا قىزمەتكەرلەرىنىڭ، عارىشكەرلەردىڭ، كادرلاردىڭ، جۇمىسشى ـ قىزمەتكەرلەردىڭ، ازاتتىق ارميا كوماندير ـ جاۋىنگەرلەرىنىڭ اقىل ـ پاراساتى مەن جۇرەك قانى سىڭگەن. نيە حايشىڭ، ليۋ بوميڭ، تاڭ حۇڭبو جولداستار انە سولاردىڭ كورنەكتى ۋاكىلدەرى، ولار بۇيرىقتى بۇلجىتپاي اتقارۋدى، وتان ٴۇمىتىن اقتاۋدى مۇرات ەتىپ، حاۋىپ ـ قاتەردەن تايسالماي، ىنتىماقتاسا سەلبەسىپ، دۇنيە جۇزىنە قۇدىرەتتى جۇڭگو رۋحىن، جۇڭگو كۇشىن ايگىلەدى. نيە حايشىڭ جولداس الەم كەمەسىمەن ادام الىپ ۇشۋ مىندەتىن 3 رەت اتقارىپ، بۇيرىق بەرۋشى مىندەتىن 2 رەت ارقالاپ، وربيتادا 100 كۇن مىندەت اتقارعان تۇڭعىش جۇڭگولىق عارىشكەرگە اينالدى. ليۋ بوميڭ جولداس 10 نەشە جىلدار بويى كوزدەگەن ماقساتىنان اينىماي، ۇدەرە العا تارتىپ، عارىشقا 2 رەت ۇشۋ ارمانىن ورىندادى، ال وسى رەتكى ۇشۋ بارىسىندا 2 رەت عارىش بولمەسىنەن شىقتى. تاڭ حۇڭبو جولداس تىڭعىلىقتى جاتتىعۋ جاساپ، جاپا-ماشاقاتتان قورىقپاي ٴوزىن شىڭاپ، 2 ـ توپتاعى عارىشكەرلەردىڭ ىشىندە تۇڭعىش رەت عارىش بولمەسىنەن شىعىپ مىندەت اتقاردى. ولاردىڭ ەلىمىزدىڭ عارىشقا ادام الىپ ۇشۋ ينجەنەرياسىنا قوسقان ەلەۋلى ەڭبەگىن باعالاۋ ٴۇشىن، ج ك پ ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى نيە حايشىڭ جولداسقا «1 ـ دارەجەلى عارىش وردەنىن»، ليۋ بوميڭ جولداسقا «2 ـ دارەجەلى عارىش وردەنىن »، تاڭ حۇڭبو جولداسقا «ەرجۇرەك عارىشكەر» داڭقتى اتاعىن، سونداي-اق «3-دارەجەلى عارىش وردەنىن» بەرۋدى ۇيعاردى.


    نيە حايشىڭ، ليۋ بوميڭ، تاڭ حۇڭبو جولداستار اۋەلگى ماقساتتى ۇمىتپاي، بورىشتى ەستە بەرىك ساقتاپ، وسكەلەڭ ىسكە ٴوزىن ارناعان ٴداۋىر اتويشىلارى، الەمدى شارلاپ، ارمانعا تالپىنعان، عارىش ىستەرىندە قۇدىرەتتى ەل قۇرۋداعى اتى-زاتىنا ساي ونەگەلىلەر. پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ٴار ۇلت حالقىن ولاردى ۇلگى تۇتىپ، ولاردىڭ پارتيانى ٴسۇيىپ، وتان ٴۇمىتىن اقتاعان، بورىشقا ادال بولعان بەرىك سەنىمىنەن، اۋىر مىندەتتى باتىلدىقپەن ارقالاپ، بيىك شىڭعا ەرلىكپەن قانات قاققان توڭكەرىستىك رۋحىنان، العان بەتىنەن قايتپايتىن، ۇزدىك بولۋعا تالپىناتىن وسكەلەڭ قاسيەتىنەن، ٴوز جۇمىسىنا دەن قويا كىرىسكەن، ناتيجە جاراتۋعا تىرىسقان ناقتى ستيلىنەن، باتىلدىقپەن ىزدەنىس جاساپ، جەڭىسكە جەتۋگە بەل بايلاعان، سەنىمدى بەكەمدەپ، ٴوزىن الۋەتتەندىرىپ، دۇرىس جولدان جازباي، جاڭالىق اشۋ رۋحىنان ۇيرەنىپ، پارتيا مەن مەملەكەت ىستەرىنىڭ دامۋىنا كوپتەپ اقىل ـ پاراسات، ەسەلەپ كۇش ـ قۋات قوسۋعا ۇندەدى.


    ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، پارتيا 19 ـ قۇرىلتايىنىڭ جانە پارتيا 19 ـ كەزەكتى ورتالىق كوميتەتىنىڭ ەكىنشى، ٴۇشىنشى، ٴتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، «ٴتورت تانىمدى» كۇشەيتىپ، «ٴتورت سەنىمدى » بەكەمدەپ، «ەكىنى قورعاۋدى» ورىنداپ، «ەكى بومبى، ٴبىر سەرىك» رۋحى مەن عارىشقا ادام الىپ ۇشۋ رۋحىن بارىنشا ساۋلەلەندىرىپ، قايراتتانا العا ۇمتىلىپ، قىزمەتتى تىڭعىلىقتى ىستەپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي ـ تالماي كۇرەس جۇرگىزەيىك!


اۋدارعان: امانتاي مۇسايىپ ۇلى

中央广播电视总台 央广网 版权所有

ج ك پ ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى 3 عارىشكەرگە وردەن بەرۋدى ۇيعاردى

ج ك پ ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى 11-ايدىڭ 23-كۇنى نيە حايشىڭعا «1-دارەجەلى عارىش وردەنىن»، ليۋ بوميڭگە « 2 - دارەجەلى عارىش وردەنىن»، تاڭ حۇڭبوعا «ەرجۇرەك عارىشكەر» داڭقتى اتاعىن جانە «3-دارەجەلى عارىش وردەنىن» بەرۋدى ۇيعاردى