لي كىچياڭ مەملەكەتتىك كەڭەستىڭ ۇنەمىلىك ىستەر ٴماجىلىسىن باسقارىپ اشتى
来源:جۇڭگو قازاق راديو تورابى |责编：古丽美热| 发布日期: 2021-12-02 17:47
ٴوز حابارىمىز. مەملەكەتتىك كەڭەستىڭ زۇڭليى لي كىچياڭ 12-ايدىڭ 1-كۇنى مەملەكەتتىك كەڭەستىڭ ۇنەمىلىك ىستەر ٴماجىلىسىن باسقارىپ اشتى، ماجىلىستە ورتا، شاعىن كاسىپورىنداردىڭ كەشەۋىلدەتىلگەن ەسەپ – قيسابىن اداقتاۋ جانە ديقان جۇمىسكەرلەردىڭ ەڭبەكاقىسىن دەركەزىندە تولىق بەرۋدى قامتاماسىزداندىرۋ شارالارى ورنالاستىرىلدى جانە «14– بەسجىلدىقتاعى» كاسىپتىك ونەرگە تاربيەلەۋ جوباسى قاراپ ماقۇلدانىپ، جوعارى ساپالى ەڭبەكشىلەر مەن تەحنيكالىق ونەر دارىندىلارىن جەدەل جەتىلدىرۋ اتاپ كورسەتىلدى.
ماجىلىستە مىنالار اتاپ ايتىلدى: ورتا، شاعىن كاسىپورىنداردىڭ ەسەبىن كەشەۋىلدەتۋدى جونگە سالۋ-بازارلاندىرۋ، زاڭمەن جونگە سالۋ، حالىقارالانعان ساۋدا ورتاسى قۇرىلىسىن ىلگەرىلەتۋگە تىكەلەي ساياتىن ماسەلە. پارتيا ورتالىق كوميتەتى مەن مەملەكەتتىك كەڭەستىڭ ورنالاستىرۋلارىن دايەكتىلەندىرىپ، بازار تۇلعالارىنىڭ تالابىنا ساي، ورتا، شاعىن كاسىپورىنداردىڭ ەسەبىن كەشەۋىلدەتۋ جونىندەگى رەتتەۋ-وڭاۋ سەرپىنىن زاڭ، بەلگىلەمە بويىنشا بارىنشا ارتتىرۋ كەرەك. ٴبىرىنشى، «ورتا، شاعىن كاسىپورىنداردىڭ قاراجات تولەۋدى قامتاماسىز ەتۋ ەرەجەسىن» قاتاڭ اتقارىپ، بازاردىڭ باسىمدىعىنان بەتالدى پايدالانۋ ارقىلى ەسەپ-قيساپتى قاساقانا كەشەۋىلدەتۋ ارەكەتتەرىن قاتاڭ جونگە سالۋ كەرەك. ورگاندار، ٴىسورىندار ورتا، شاعىن كاسىپورىنداردان زات، قۇرىلىس، قىزمەت وتەۋ نىساندارىن ساتىپ العاندا، تاپسىرىپ بەرىلگەن كۇننەن باستاپ 30 كۇن ىشىندە اقشاسىن تولەۋ، ەڭ ۇزاعاندا 60 كۇننەن اسىرماۋى كەرەك. ورگانداردىڭ، ٴىسورىنداردىڭ جانە ٴىرى كاسىپورىنداردىڭ ورتا، شاعىن كاسىپورىنداردى ساۋدا پەرەۆود چەگى سياقتى ناق اقشاسىز تولەۋ تاسىلدەرىن قابىلداۋعا زورلاۋىنا، ساۋدا پەرەۆود چەگىن بەتالدى پايدالانىپ، ورتا، شاعىن كاسىپورىنداردىڭ قارجىسىن ٴتۇسىن وزگەرتىپ يەمدەنىپ الۋىنا استە جول قويىلمايدى. ٴىرى كاسىپورىندار جىلدىق بايانداماسىندا ورتا، شاعىن كاسىپورىنداردىڭ اقشاسىن مەرزىمى وتكەنگە دەيىن تولەگەن تولەمەگەندىگىن جاريالاۋ كەرەك.
ەكىنشى، جەرگىلىكتى ورىنداردىڭ قاراستى جەرلەرى مەن تاراۋلاردىڭ باقىلاۋ-باسقارۋ جاۋاپكەرشىلىگىن ناقتىلاندىرىپ، قازىنالىق باقىلاۋدى كۇشەيتىپ، ورگانداردىڭ، ٴىسورىنداردىڭ، مەملەكەت مەنشىگىندەگى ٴىرى كاسىپورىنداردىڭ ورتا، شاعىن كاسىپورىنداردىڭ ەسەبىن زاڭ بويىنشا تەكسەرىپ ٴبىر جاقتى ەتۋ ٴارى جاۋاپكەرشىلىگىن قۋزاستىرۋ، اۋىر سەنىمسىزدىك ىستەگەندەردى اشىق جاريالاۋ كەرەك.
ٴۇشىنشى، باياندى مەحانيزم قۇرىلىسىن كۇشەيتىپ، «ساۋدا ورتاسىن ساپالاندىرۋ ەرەجەسى» سياقتى زاڭ-ەرەجەلەرگە قاتىستى سايكەستى ساياساتتاردى جاساۋ، كەمەلدەندىرۋدى مىقتى يگەرىپ، ەسەپ-قيساپتى كەشەۋىلدەتۋ ماسەلەسىنەن تۇبىرىنەن ساقتانۋ كەرەك.
ماجىلىستە مىنالار اتاپ كورسەتىلدى: ديقان جۇمىسكەرلەردىڭ ەڭبەكاقىسىن دەر كەزىندە تولىق الۋىن قامتاماسىزداندىرۋ _ _ ديقان جۇمىسكەرلەر وتباسىنىڭ نەگىزگى حالىق تۇرمىسىنا ساياتىن ٴىرى ٴىس. جىلدىڭ سوڭى ٴار ٴتۇرلى نىسان، ينجەنەريا قارجىسىنىڭ ەسەپ جابۋ مەزگىلى، قىسقى ارناۋلى شارالاردى ورىستەتىپ، ديقان جۇمىسكەرلەردىڭ ەڭبەكاقىسىن كەشەۋىلدەتۋ جونىندەگى جونگە سالۋ تەبىنىن ارتتىرىپ، ينجەنەريا قۇرىلىسىن، اسىرەسە، ۇكىمەتتىك قارجى قوسۋدى جانە مەملەكەت مەنشىگىندەگى كاسىپورىن نىساندارىن ٴتۇيىن ەتىپ، ديقان جۇمىسكەرلەردىڭ ەڭبەكاقىسىن تولىق بەرۋ ٴتۇزىمىنىڭ تياناقتانۋ جاعدايىن جاپپاي تەكسەرۋ، قامتاماسىز ەتۋ كەرەك. ەڭبەكاقىنى كەشەۋىلدەتكەن ارەكەتتەردى زاڭ، بەلگىلەمە بويىنشا قاتاڭ جازالاپ، مىندەتىن، جاۋاپكەرشىلىگىن وتەمەگەن ۇكىمەت قىزمەتكەرلەرىن جاۋاپقا تارتىپ، ديقان جۇمىسكەرلەردىڭ زاڭدى ۇقىق-مۇددەسىن شىنايى قورعاۋ كەرەك.
ماجىلىستە مىنالار اتاپ كورسەتىلدى: «13ـ بەسجىلدىق» جوبا مەزگىلىندە كاسىپتىك شەبەرلىككە باۋلۋ شارالارى باياندى ىلگەرىلەۋشىلىككە قول جەتكىزىپ، جۇمىسشى-قىزمەتكەرلەر، ديقان جۇمىسكەرلەر، كەدەي ەڭبەككۇشتەر سياقتى ەڭبەككۇشتەرگە باعىتتالعان قوسىمشا قاراجاتپەن تاربيەلەۋ كۇرسىنان 100 ميلليون ادام تاربيەلەنىپ، جۇمىس ورنىن ورنىقتىرۋ، جۇمىسقا ورنالاستىرۋدى جەبەۋدە ماڭىزدى رول اتقاردى. «14– بەسجىلدىق» كەزىندە كاسىپتەندىرۋ باعىتىنا، بازار قاجەتىنە سايكەسۋگە تاباندى بولىپ، ءتۇرلى كاسىپتىك مەكتەپتەر مەن كاسىپتىك تاربيەلەۋ قۇرىلىمدارىنىڭ تاربيەلەۋ قىزمەتىن ورىستەتۋىن قولداپ، كاسىپورىنداردىڭ تاربيەلەۋ تۇلعالىق رولىن ساۋلەلەندىرىپ، جۇمىسشى – قىزمەتكەرلەردى تاربيەلەۋ مەحانيزمىن كەمەلدەندىرۋ كەرەك. كۋرستان وتكىزۋ قاراجاتىن باجىدان بۇرىن تارتىپ قالۋ ساياساتىن تياناقتاندىرىپ، كۋرستان وتكىزۋگە قاتىستى جابدىقتاردى ساتىپ الۋعا باجى جاعىنان قولداۋ كورسەتۋ كەرەك. جۇمىسسىزداردى قامسىزداندىرۋ قورىنان ۇزدىكسىز پايدالانىپ، قىزمەت ورنىن ورنىقتىرۋ جانە كاسىپتىك شەبەرلىككە تاربيەلەۋ قىزمەتىن ورىستەتىپ، تەحنيكالىق قابىلەتى جوعارى دارىندىلاردى باۋلۋدى كۇشەيتىپ، جوعارى مەكتەپتەردەن وقۋ تاۋىسقان وقۋشىلار سياقتى ٴتۇيىندى قاۋىمنىڭ جۇمىسقا ورنالاسۋ، شارۋاشىلىق قۇرۋ قابىلەتىن جوعارىلاتىپ، 30 ميلليون ادام-رەتتەن استام ديقان جۇمىسكەرلەردى تاربيەلەۋ كەرەك.
ماجىلىستە باسقا دا ىستەر زەرتتەلدى.
اۋدارعان: شالقار قازەز ۇلى
