ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جۇڭگو-لاوس تەمىر جولى تۇتاس لەنيا بويىنشا ىسكە قوسىلىپ، جۇڭگو-لاوس تاعدىرلاس ورتاق تۇلعاسىن قۇرۋعا پارمەندى تىرەك ازىرلەدى

来源:جۇڭگو قازاق راديو تورابى     |责编:阿依娜古丽|     发布日期: 2021-12-03 10:03

 

ٴوز حابارىمىز. كۇنميڭ مەن ۆەنتياندى تۇتاستىراتىن، جۇڭگو ولشەمىن قولدانعان جۇڭگو-لاوس تەمىر جولى 12-ايدىڭ 3-كۇنى تۇتاس لەنيا بويىنشا ىسكە قوسىلدى، لاوس وسىدان باستاپ تەمىر جول تاسىمالى داۋىرىنە قادام تاستادى. «ٴبىر بەلدەۋ، ٴبىر جولدىڭ»، جۇڭگو-لاوس دوستىعىنىڭ بەلگى ينجەنەرياسى رەتىندە، جۇڭگو-لاوس تەمىر جولى جۇڭگو-لاوس ەكونوميكالىق ٴدالىزىن جەدەل قۇرۋعا، جۇڭگو مەن لاوستىڭ تاعدىرلاس ورتاق تۇلعاسىن قۇرۋعا پارمەندى تىرەك ازىرلەيدى.


    جۇڭگو-لاوس تەمىر جول لەنياسىنىڭ جالپى ۇزىندىعى 1035 كيلومەتر. مۇنىڭ ىشىندە كۇنميڭنەن يۇيشيگە دەيىنگى بولەگىنىڭ ۇزىندىعى 106 كيلومەتر بولىپ، 2016-جىلى 12-ايدا سالىنىپ بولىپ، پويەز قاتىنادى؛ جاڭادان سالىنعان يۇيشيدەن موحانعا دەيىنگى بولەگىنىڭ ۇزىندىعى 507 كيلومەتر؛ موديڭنەن ۆەنتيانعا دەيىنگى بولەگىنىڭ ۇزىندىعى 422 كيلومەتر.


    جۇڭگو-لاوس تەمىر جولى كوپتەگەن تاۋ سىلەمدەرى مەن سۋ جۇيەلەرىن كەسىپ وتەدى، جەلى بويىنىڭ گەولوگيالىق قۇرىلىمى اسا كۇردەلى، قۇرىلىسشىلار توتەنشە قيىن جاعدايدا انديڭ تۋنەلى، دوستىق تۋنەلى سياقتى 167 تۋنەلدى تۇتاستىرىپ، لاڭبولابان مەكونگ وزەنى ەرەكشە ۇلكەن كوپىرى، يۋانجياڭ قوس لەنيالى ەرەكشە ۇلكەن كوپىرى سياقتى 301 كوپىر سالدى، جاڭادان سالىنعان تۋنەل، كوپىرلەردىڭ جالپى ۇزىندىعى 712 كيلومەترگە جەتىپ، جالپى لەنيانىڭ %76.5 ىن ۇستادى. قۇرىلىستىڭ قاتىستى نىسان جاۋاپتىسى ۋاڭ حايفىڭ بىلاي دەدى: ٴبىز گەولوگيالىق جاي سىزبا ارحيۆىن ورناتىپ، جاناسپاۋ ادىسىمەن ولشەۋ تەحنيكاسىن قولدانىپ، جيناقتى، ٴپىشىنىن وزگەرتۋ ساقتىق مەحانيزمىن ورناتىپ، قۇرىلىس ساپاسى مەن حاۋىپسىزدىگىنە كەپىلدىك ەتتىك. انديڭ تۋنەلىندەگى تۋنەلدەگى تەحنيكالىق جاڭالىق جاراتۋ 5 ٴتۇرلى قولدانىلمالى جاڭا ٴتيىپ پاتەنت ۇقىعىنا يە بولدى.


    جۇڭگو-لاوس تەمىر جولى ىسكە قوسىلعاننان كەيىن، يۇنناننىڭ پۋىر قالاسى، شيشۋاڭباننا وبلىسى تەمىر جول بولماۋ تاريحىن اياقتاتتى. جولاۋشىلار كۇنميڭنەن ۆەنتيانعا دەيىن ەڭ تەز بولعاندا 10 ساعات اينالاسىندا جەتەدى. كۇنميڭ ۆوكزالى جولاۋشى تاسىمال سەحى كەزەكشىلىك پۋنكتىنىڭ باستىعى جاڭ يوڭزى بىلاي دەدى: يۇيشي-موحان بولىگى جۇمىس باستاعان العاشقى مەزگىلدە، تەمىر جول تاراۋلارى 17.5 جۇپ پويەز قاتىناتۋدى جوسپارلادى. پويەز قاتىناعاننان كەيىن، كۇنميڭنەن شيشۋاڭبانناعا ەڭ تەز بولعاندا 3 ساعات 24 مينۋتتا، كۇنميڭنەن پۋ-ىرعا ەڭ تەز بولعاندا 2 ساعات 46 مينۋتتا جەتۋگە بولادى، ولكە ورتالىعى كۇنميڭ قالاسى مەن توڭىرەكتەگى قالالار اراسىنداعى 1 دە 3 ساعاتتىق قاتىناس شەڭبەرى اناعۇرلىم كەمەلدەنەدى.


    تۇتاس ازيا تەمىر جولىنىڭ ماڭىزدى قۇرامداس بولەگى رەتىندە، جۇڭگو-لاوس تەمىر جولى جۇڭگونىڭ تايلاند، مالايزيا سياقتى شىعىس وڭتۇستىك ازيا وداعىنداعى ەلدەرمەن تۇتاساتىن «كىلتەڭ وڭىرىنە» اينالىپ، جۇڭگو-شىعىس وڭتۇستىك ازيا وداعى ەركىن ساۋدا رايونىنا، ۇلكەن مەكونگ وزەنىنىڭ قوسالقى وڭىرلىك ەكونوميكالىق سەلبەستىگىنە بەلسەندى ىقپال جاسايدى.


اۋدارعان: گۇلنۇر قابىلقاق قىزى

中央广播电视总台 央广网 版权所有

جۇڭگو-لاوس تەمىر جولى تۇتاس لەنيا بويىنشا ىسكە قوسىلىپ، جۇڭگو-لاوس تاعدىرلاس ورتاق تۇلعاسىن قۇرۋعا پارمەندى تىرەك ازىرلەدى

جۇڭگو-لاوس تەمىر جولى تۇتاس لەنيا بويىنشا ىسكە قوسىلىپ، جۇڭگو-لاوس تاعدىرلاس ورتاق تۇلعاسىن قۇرۋعا پارمەندى تىرەك ازىرلەدى