ٴوز حابارىمىز. ج ك پ ورتالىق كوميتەتىنىڭ پارتيا تاريحى جانە حۇجاتتار زەرتتەۋ ورنى رەداكسيالاعان «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەر» اتتى كىتاپ تاياۋدا ورتالىق حۇجاتتار باسپاسىنان باسىلىپ شىعىپ، بۇكىل ەل كولەمىندە تاراتىلدى.

 
    ادامدىق ۇقىقتان بارلىق ادامنىڭ تولىق يگىلىكتەنۋى ادامزات قوعامىنىڭ ۇلى ارمانى. جۇڭگو كوممۋنيستىك پارتياسى مەن جۇڭگو ۇكىمەتى ادامدىق ۇقىققا باستان - اياق قۇرمەت ەتەدى جانە ونى قامتاماسىزداندىرادى. جۇڭگو كوممۋنيستىك پارتياسى دۇنيەگە كەلگەن كۇننەن باستاپ، حالىقتىڭ باقىتى مەن ادامزاتتىڭ دامۋىن كوزدەۋدى كۇرەس نىساناسى ەتتى. جاڭا جۇڭگو قۇرىلعان 70 نەشە جىلدان بەرى، جۇڭگو ادامدىق ۇقىقتىڭ جالپىلىق پرينسيبىن جۇڭگونىڭ ٴىس جۇزىندىگىمەن ۇشتاستىرۋعا تاباندى بولىپ، جۇڭگونىڭ مەملەكەت جاعدايىنا ۇيلەسەتىن ادامدىق ۇقىقتى دامىتۋ جولىمەن ٴجۇردى. اسىرەسە، پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتىڭ مۇددەسىن بارىنەن جوعارى ورىنعا قويۋعا تاباندى بولىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، حالىقتى وزەك ەتكەن ادامدىق ۇقىق تانىمىن اتقارىپ، ٴومىر ٴسۇرۋ ۇقىعى مەن دامۋ ۇقىعىن ماڭداي الدى نەگىزگى ادامدىق ۇقىق ەتۋگە دەن قويىپ، جالپى حالىقتىڭ ەكونوميكا، ساياسي، قوعام، مادەنيەت، ورتا ۇقىقتارىن سايكەستى تۇردە كۇشەيتىپ، قوعامدىق ادىلدىك پەن ادىلەتتىلىكتى كۇش سالا قورعاپ، ادامنىڭ جان - جاقتىلى دامۋىن جەبەپ، ادامدىق ۇقىقتى زاڭمەن باسقارۋدى كۇشەيتىپ، جۇڭگو حالقىنىڭ ٴتۇرلى نەگىزگى ۇقىقتارىنا قۇرمەت ەتۋ جانە ونى قامتاماسىزداندىرۋ ورەسىن ۇزدىكسىز جوعارىلاتىپ، جۇڭگونىڭ ادامدىق ۇقىق ىستەرىن ىلگەرىلەتۋدە وراسان زور تابىستارعا قول جەتكىزىپ، دۇنيە ءجۇزىنىڭ ادامدىق ۇقىق ىستەرىنىڭ دامۋىنا ماڭىزدى ۇلەس قوستى. باس شۋجي شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندە جاريالاعان ٴبىر قىدىرۋ ماڭىزدى بايىمداۋلارىنىڭ ماقساتى اسقاق، مازمۇنى باي، يدەياسى تەرەڭ، ول جۇڭگو حالقىنىڭ ادامدىق ۇقىعىن اناعۇرلىم جوعارى دەڭگەيدە قامتاماسىز ەتىپ، سوتسياليستىك وسىزاماندانعان مەملەكەتتى جاپپاي قۇرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرىپ، الەمدىك ادامدىق ۇقىقتى جونگە سالۋدىڭ اناعۇرلىم ٴادىل، ۇيلەسىمدى، سيىسىمدى بولۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن بىرگە قۇرۋ جونىنەن توتەنشە ماڭىزدى مانگە يە.