شىنجوۋ 12 ـ ٴنومىرلى الەم كەمەسىنىڭ عارىشكەرلەرى ەمدەلىپ، كۇتىمدەلىپ، قالپىنا كەلدى، دەنە سالماعى ۇشۋدان بۇرىنعى قالپىنا كەلدى
ٴوز حابارىمىز. شىنجوۋ 12 ـ ٴنومىرلى الەم كەمەسىنىڭ عارىشكەرلەرى قايتىپ ورالعاننان كەيىن، 12-ايدىڭ 7- كۇنى اقپارات قۇرالدارىمەن جانە جۇرتشىلىقپەن تۇڭعىش رەت رەسمي جۇزدەستى.
عارىشكەرلەر قايتىپ كەلگەننەن كەيىنگى قالپىنا كەلۋ مەزگىلى نەگىزىنەن اۋاشالاپ قالپىنا كەلتىرۋ ساتىسى، دەمالۋدى قالپىنا كەلتىرۋ ساتىسى، باقىلاۋ ساتىسى سىندى ٴۇش ساتىعا بولىنەدى.
عارىشكەرلەر ۇلكەن اترەتىنىڭ باستىعى جيڭ حايپىڭ تانىستىرىپ بىلاي دەدى: عارىشكەرلەرىمىز ەكىنشى ساتىداعى مىندەتتى ورىنداپ بولدى، عارىشكەرلەردىڭ كوڭىل كۇيى ورنىقتى، دەنە ساپاسى قالىپتى، دەنە سالماعى ۇشۋدان بۇرىنعى قالپىنا كەلدى، بۇلشىق ەتتىڭ كۇشى، توزىمدىلىگى جانە جۇرەك - وكپە قىزمەتى قالپىنا كەلىپ، مەجەلى ورەگە جەتتى.
اۋدارعان: شالقار قازەز ۇلى