ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

پارتيانى جاپپاي قاتاڭ جونگە سالۋدى تاباندىلىقپەن ىشكەرىلەي ىلگەرىلەتەيىك-- باس شۋجي شي جينپيڭنىڭ 19 ـ كەزەكتى ورتالىق ٴتارتىپ تەكسەرۋ كوميتەتىنىڭ التىنشى جالپى ماجىلىسىندە سويلەگەن ماڭىزدى ٴسوزى كۇشتى اڭىس قوزعادى

来源:جۇڭگو قازاق راديو تورابى     |责编:阿依娜古丽|     发布日期: 2022-01-21 10:09

 

ٴوز حابارىمىز. باس شۋجي شي جينپيڭ 19 ـ كەزەكتى ورتالىق ٴتارتىپ تەكسەرۋ كوميتەتىنىڭ التىنشى جالپى ماجىلىسىندە ماڭىزدى ٴسوز سويلەپ، پارتيانىڭ 18-قۇرىلتايىنان بەرگى پارتيانى جاپپاي قاتاڭ جونگە سالۋدا قول جەتكەن تاريحي، جاسامپازدىق تابىستاردى تۇراقتاندىرىپ، وزىندىك ۇلى توڭكەرىس ارقىلى قوعامدىق ۇلى توڭكەرىسكە جەتەكشىلىك ەتىپ، پارتيانى جاپپاي قاتاڭ جونگە سالۋدى تاباندىلىقپەن ىشكەرىلەي ىلگەرىلەتىپ، ەمتيحان تاپسىرۋدىڭ جاڭا جولىندا تاماشا ناتيجەگە قول جەتكىزۋدى باسا دارىپتەدى. جەر ـ جەردەگى كادرلار مەن بۇقارا باس شۋجيدىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، قاتاڭ نەگىزگى اۋەننەن اۋىتقىماي، پارتيانىڭ 20-قۇرىلتايىنىڭ جەڭىسپەن اشىلۋىنا تاماشا ساياسي ورتا ازىرلەيتىندىكتەرىن ٴبىلدىردى.


    باس شۋجي شي جينپيڭ بىلاي دەپ اتاپ كورسەتتى: ساياسي باقىلاۋدى كۇشەيتىپ، پارتيا مۇشەلەرىن، كادرلاردى پارتيا ورتالىق كوميتەتىنىڭ كەلەلى باعىت ـ ساياساتتارىن شىنايى تۇسىنۋگە، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن تىڭعىلىقتى دايەكتىلەندىرۋگە جەتەكتەپ جانە قۋزاۋ كەرەك. جىجياڭ ولكەسى حاڭجوۋ قالاسى يۇيحاڭ رايونى ساڭچيان كوشەسى پارتيا قىزمەتى كوميتەتىنىڭ مۇشەسى، ٴتارتىپ تەكسەرۋ قىزمەتى كوميتەتىنىڭ شۋجيى، باقىلاۋ ـ تەكسەرۋ كەڭسەسىنىڭ مەڭگەرۋشىسى لي ميڭ بىلاي دەدى: باس شۋجيدىڭ ٴسوزى ٴتارتىپ تەكسەرۋ، باقىلاۋ ـ تەكسەرۋ قىزمەتىنە نەگىزگى ولشەم جانە ارەكەت باعىتىن ازىرلەدى. نەگىزگى ساتىداعى ٴتارتىپ تەكسەرۋ، باقىلاۋ ـ تەكسەرۋ كادرى رەتىندە، قىزمەتىمىزدە ساياسي باقىلاۋدى كورنەكتىلەندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ نەگىزگى ساتىداعى تياناقتانۋ جاعدايىنا وكشەلەي باقىلاۋ جۇرگىزىپ، اتقارۋ بارىسىندا تۇسىن وزگەرمەتپەۋگە، كەمىتپەۋگە، تياناقتانۋىنا، ناتيجە بەرۋىنە كەپىلدىك ەتۋىمىز كەرەك.


    شينجياڭ اقسۋ ايماعى كۇشار قالالىق ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى 3 ـ ٴتارتىپ تەكسەرۋ، باقىلاۋ ـ تەكسەرۋ گرۋپپاسىنىڭ باستىعى يان شياۋنيڭ بىلاي دەدى: 2022 ـ جىلى ٴبىز مەكەمەدەگى پارتيالى كادرلارعا كۇندەلىكتى باقىلاۋ جۇرگىزۋدى ۇزدىكسىز ويداعىداي ىستەپ، ٴتارتىپ تەكسەرۋ، باقىلاۋ ـ تەكسەرۋ ورگاندارىنىڭ ارناعا ٴتۇسىرۋ، زاڭمەن جونگە سالۋ، جۇيەلىلەندىرۋ قۇرىلىسىنا دەم بەرىپ، ستيلى پاك، سالتى دۇرىس ساياسي ەكولوگيالىق ورتا قالىپتاستىرۋعا ٴوز ۇلەسىمىزدى قوسامىز.


    باس شۋجي شي جينپيڭ بىلاي دەپ باسا دارىپتەدى: ورتالىقتىڭ «8 ٴتۇرلى بەلگىلەمەسىنىڭ» نەگىزىن بەكەمدەپ، «4 ٴتۇرلى بۇرىس ستيلدى» تاباندىلىقپەن تۇزەتىپ جانە جاڭا ستيل قالىپتاستىرۋ كەرەك. فۋجيان ولكەسى جياننيڭ اۋدانىنىڭ ٴتارتىپ تەكسەرۋ، باقىلاۋ ـ تەكسەرۋ كادرى شياۋ ۋىنجىن بىلاي دەدى: كادرلاردىڭ ستيل ماسەلەسىنە قاراتا ارناۋلى جونگە سالۋ قىزمەتى ورىستەتىلەدى. «باسشىلار جۇمىس تىندىرماۋ» ناشار بەينەسىنە قاداعالاي نازار اۋدارىپ، باسشىلاردىڭ «ٴىس تىندىرماۋ، بەتالدى ىستەۋ» جاعىنداعى ماسەلەلەردى ىشكەرىلەي جونگە سالىپ، ٴتارتىپ تەكسەرۋ، باقىلاۋ-تەكسەرۋ كادرلارىنىڭ ٴبىرىنشى شەپكە بارۋىن ىلگەرىلەتىپ، حالىققا ٴتيىمدى، حالىققا پايدالى ساياساتتاردىڭ تياناقتانۋىن قامتاماسىز ەتۋ كەرەك.


    باس شۋجي شي جينپيڭ بىلاي دەپ اتاپ كورسەتتى: جاس كادرلاردى تاربيەلەۋدى، باسقارۋدى جانە باقىلاۋدى كۇشەيتىپ، ۇكىمەت ىسىندە پاك بولۋدىڭ «ٴبىرىنشى قادامىن» ويداعىداي باسۋ كەرەك. حيلۇڭجياڭ ولكەسى چيتايحى قالالىق ٴتارتىپ تەكسەرۋ كوميتەتى، باقىلاۋ-تەكسەرۋ كوميتەتى كەڭسەسى حاتشىلار ٴبولىمىنىڭ ورىنباسار باستىعى سۇن ميڭۋي بىلاي دەدى: جاس ٴتارتىپ تەكسەرۋ، باقىلاۋ ـ تەكسەرۋ كادرى رەتىندە، مەن بۇدان بىلايعى قىزمەتتە، ٴسوز جوق، ٴوزىمدى قاتاڭ باسقارىپ، ادال، كىرشىكسىز، جاۋاپكەرشىلىك ارقالايتىن تولىمدى كادىر ەتىپ جەتىلدىرۋىم كەرەك.


    باس شۋجي شي جينپيڭ بىلاي دەپ باسا دارىپتەدى: بۇقاراعا ناقتى ماسەلەلەردى شەشۋ بارىسىندا ادىلدىكتى، تۋراشىلدىقتى شىنايى سەزىندىرۋ كەرەك. انحۇي ولكەسى ۋحۋ قالاسى ۋانجى رايونى حالىق پروكۋراتۋراسى 2-پروكۋراتۋرا ٴبولىمىنىڭ مەڭگەرۋشىسى يىن جۇن بىلاي دەدى: باس شۋجيدىڭ تالابىن كۇندەلىكتى قىزمەتتە شىنايى دايەكتىلەندىرۋ كەرەك. جاڭا داۋىردەگى ساياسي ـ زاڭ جۇيەسىنىڭ قىزمەتكەرى رەتىندە، ٴبىز، ٴسوز جوق، بيلىكتى اتقارۋدىڭ ارناعا تۇسپەۋى، شىرىكتەسۋ سياقتى ماسەلەلەردى شىنايى شەشىپ، ەكونوميكالىق، قوعامدىق دامۋعا قىزمەت كورسەتۋگە ساياسي جانە ٴتارتىپ تەكسەرۋ جاعىندا كەپىلدىك ەتۋىمىز كەرەك.


    سىچۋان ولكەسى لۋجوۋ قالالىق ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى پارتيا ستيلىن، ۇكىمەت ستيلىن باقىلاۋ كەڭسەسىنىڭ ورىنباسار مەڭگەرۋشىسى جاڭ رىنسۇڭ بىلاي دەدى: ٴبىز، ٴسوز جوق، اناعۇرلىم كۇشتى جاۋاپكەرشىلىكپەن بۇقارانىڭ اڭىسى كۇشتى بولعان كورنەكتى ماسەلەلەردى ويداعىداي شەشۋدى ىلگەرىلەتىپ، جاڭا ناتيجەلەرمەن حالىق بۇقاراسىنىڭ سەنىمىنە، قولداۋىنا يە بولۋىمىز كەرەك.


اۋدارعان: نازار ٴارىپ ۇلى

中央广播电视总台 央广网 版权所有

پارتيانى جاپپاي قاتاڭ جونگە سالۋدى تاباندىلىقپەن ىشكەرىلەي ىلگەرىلەتەيىك-- باس شۋجي شي جينپيڭنىڭ 19 ـ كەزەكتى ورتالىق ٴتارتىپ تەكسەرۋ كوميتەتىنىڭ التىنشى جالپى ماجىلىسىندە سويلەگەن ماڭىزدى ٴسوزى كۇشتى اڭىس قوزعادى

جەر ـ جەردەگى كادرلار مەن بۇقارا باس شۋجيدىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، قاتاڭ نەگىزگى اۋەننەن اۋىتقىماي، پارتيانىڭ 20-قۇرىلتايىنىڭ جەڭىسپەن اشىلۋىنا تاماشا ساياسي ورتا ازىرلەيتىندىكتەرىن ٴبىلدىردى.