لي كىچياڭ بىلاي دەدى: مەملەكەتتىك كەڭەستىڭ مەملەكەتتىك حالىق قۇرىلتايىنا قىزمەتتەن بايانداما جاساۋى، حالىقتىڭ باقىلاۋىن قابىلداۋى نەگىزگى زاڭدا بەلگىلەنگەن ماڭىزدى مىندەت. باياندامانى ويداعىداي جازىپ، حالىقتىڭ ۇنىنە قۇلاق اسىپ، ۇتىمدى ۇسىنستار بەرىپ، حالىق بۇقاراسىنىڭ، بازار تۇلعالارىنىڭ جانە قوعامداعى ٴار سالانىڭ كوڭىل ٴبولىپ وتىرعان ماسەلەلەرىنە باعىتتامالى جاۋاپ قايتارۋ - ورتاق تانىمدى ۇيىستىرۋعا، ناقتى شارالاردى كوبىرەك قاراستىرۋعا، سەنىمدى سەرپىلتۋگە، بيىلعى ۇكىمەتتىڭ ٴتۇرلى قىزمەتتەرىن ويداعىداي ىستەۋدى اناعۇرلىم ىلگەرىلەتۋگە ٴتيىمدى.

    لي كىچياڭ بىلاي دەدى: وتكەن جىلى ەلىمىزدىڭ دامۋ ورتاسى كۇردەلى دە اۋىر بولىپ، كوپتەگەن حاۋىپ – قاتەر مەن سىن – سايىسقا ءدوپ كەلدى، شي جينپيڭ جولداس ۇيىتقى بولعان پارتيا ورتالىق كوميتەتىنىڭ پارمەندى باسشىلىعىندا جەر – جەر، تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن مۇقيات دايەكتىلەندىرىپ، قيىندىقتان قامال الۋ بارىسىندا ٴبىرقىدىرۋ جاڭا كەلەلى تابىسقا قول جەتكىزدى. جۇقپالى اۋرۋدان ساقتانۋ- تىزگىندەۋ جانە ەكونوميكالىق، قوعامدىق دامۋدى ٴبىر تۇتاس جوسپارلاپ، ماكرولىق ساياساتتى جاسامپازدىقپەن اتقارىپ، كاسىپورىنداردىڭ قيىنشىلىعىن شەشىپ، ومىرشەڭدىك كۇشكە دەم بەرىپ، جاراتىلىستىق اپات سياقتى سوققىلار مەن ەكونوميكالىق اينالىمداعى كورنەكتى قايشىلىقتارعا پارمەندى، ٴونىمدى توتەپ بەرىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، تۇتاس جىلدا ەكونوميكانىڭ ارتۋ قارقىنى نەگىزگى ەكونوميكالىق تۇلعالاردىڭ الدىڭعى قاتارىنا ٴوتتى، رەفورما جاساۋ، ەسىك اشۋ ارشىندى قاداممەن دامىدى، جۇمىستانۋ مەن زات باعاسى ورنىقتى بولدى، حالىق تۇرمىسىن قامتاماسىزداندىرۋدا تىڭ تابىستارعا قول جەتتى، تۇتاس جىلدىق دامۋدىڭ باستى مىندەتتەرى ٴبىرشاما جاقسى ورىندالدى، ناتيجە وڭاي-وسپاق قولعا كەلگەن جوق. سەنىمدى بەكەمدەۋمەن بىرگە، جەتەرسىزدىكتەر مەن سايىستاردى دا سەرگەكتىكپەن تانۋ كەرەك.

    لي كىچياڭ بىلاي دەدى: كەزەكتە ەلىمىز ەكونوميكاسى جاڭا قۇلدىراۋ قىسىمىنا ءدوپ كەلىپ وتىر، تۇراقسىز فاكتورلار كوبەيۋدە، تار جول، تايعاق كەشۋدەن وتۋگە قۇلشىنىپ، ورنىقتى ارتۋدى اناعۇرلىم كورنەكتى ورىنعا قويۋ كەرەك. شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ورتالىقتىڭ ەكونوميكالىق قىزمەت ٴماجىلىسىنىڭ رۋحىن مۇقيات دايەكتىلەندىرىپ، ورنىقتىلىق بارىسىندا ىلگەرىلەۋ قىزمەتىنىڭ نەگىزگى اۋەنىنەن جازباي، جاڭا دامۋ تانىمىن دايەكتىلەندىرىپ، جاڭا دامۋ جۇيەسىن قۇرىپ، جوعارى ساپالى دامۋدى جەبەدىك، ورتالىق پەن جەرگىلىكتى ورىنداردىڭ بەلسەندىلىگىن ساۋلەلەندىرىپ، ىندەتتىڭ الدىن الۋ -تىزگىندەۋ مەن ەكونوميكانى، قوعامدىق دامۋدى ٴبىر تۇتاس جوسپارلاپ، «التىنى ورنىقتىرۋ»، «التىنى قامتاماسىزداندىرۋ» قىزمەتىن جالعاستى جاقسى ىستەۋ كەرەك. رەفورما جاساپ، ەسىك اشۋدى ىشكەرلەتىپ، پەريودتىق تەڭشەۋدى كۇشەيتىپ، ماكرولىق ساياساتتى تەبىندى اتقارىپ، ٴونىمدى سۇرانىستى سەرپىلتەتىن، قامداۋدى پارمەندى قامتاماسىزداندىراتىن، بازار مەجەسىن ورنىقتىراتىن اناعۇرلىم كوپ ناقتى شارالاردى، قاتاڭ شارالاردى العا قويۋ كەرەك، دامۋ مەن حاۋىپسىزدىكتى ٴبىر تۇتاس جوسپارلاپ، حاۋىپ - قاتەردەن ٴونىمدى ساقتانىپ جانە ونى جويىپ، ماكرولىق شارۋاشىلىقتىڭ ۇلكەن بەتالىسىن كۇش سالا ورنىقتىرىپ، ٴبىرشاما تولىق جۇمىستانۋدى جۇزەگە اسىرىپ،ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك.

    لي كىچياڭ بىلاي دەدى: ٴبىرىنشى توقسانداعى قىزمەتتى جاقسى ىستەپ، تۇتاس جىلدىڭ جاقسى باستالۋىنا كەپىلدىك ەتۋ كەرەك. كاسىپورىندارعا كومەكتەسۋ، قيىنشىلىعى بارلاردى قۇتقارۋ تەبىنىن ونان ارى ارتتىرىپ، جۇقپالى اۋرۋدىڭ ىقپالى زور، جۇمىسقا ورنالاسۋى كوپ ەرەكشە قيىنشىلىعى بار سالالارعا بەيىمدەلىپ جانە قولداۋ كورسەتىپ، ٴتۇيىندى نىساندار قۇرىلىسىن جەدەل ىلگەرىلەتىپ، كومىر، ەلەكتر، مۇناي، تابيعي گاز تاسىمالىن تەڭشەۋدى كۇشەيتىپ، جۇقپالى اۋرۋدان ساقتانۋ - تىزگىندەۋ، كوكتەمگى تاسىمالدى ورنالاستىرۋ، مەرەكە قيمىلدارى سياقتىلاردى ٴبىر تۇتاس جوسپارلاپ، كوكتەم مەرەكەسى كەزىندە حالىق تۇرمىسىنا قاتىستى ماڭىزدى تاۋارلارمەن قامداۋدى، باعانى ورنىقتىرۋدى ويداعىداي ىستەپ، ديقان جۇمىسكەرلەردىڭ ەڭبەكاقىسىن تاراتۋدى قامتاماسىزداندىرىپ، اپاتقا ۇشىراعان بۇقارا مەن قيىنشىلىعى بار قاۋىمنىڭ نەگىزگى تۇرمىسىن كەپىلدەندىرىپ، حاۋىپسىزدىك كومەسكى قاتەرىن ٴبىر ـ بىرلەپ تەكسەرىپ، جونگە سالىپ، قوعامنىڭ تىنىشتىعىن، جاراسىمدىلىعىن ساقتاۋ كەرەك.

    ماجىلىسكە حان جىڭ، سۇن چۇنلان، حۋ چۇنحۋا، ليۋ حى، ۋي فىڭحى، ۋاڭ يۇڭ، شياۋ جيە، جاۋ كىجى قاتارلىلار قاتىناستى.

اۋدارعان: كۇلان ىرىسباي قىزى