ستانسيامىز تونگاداعى جۇڭگونىڭ باس ەلشىسىمەن ارنايى سۇقپاتتاستى
ٴوز حابارىمىز. 1-ايدىڭ 15-كۇنى تونگادا سۇراپىل جانار تاۋ اتىلدى، جۇڭگونىڭ تونگادا تۇراتىن باس ەلشىسى ساۋ شياۋلين جەرگىلىكتى ۋاقىت 1-ايدىڭ 20-كۇنى ورتالىق راديو-تەلەۆيزيا باس ستانسياسى ٴتىلشىسىنىڭ سۇقپاتىن قابىلداعاندا بىلاي دەدى: قازىر تونگاداعى جۇڭگو ازاماتتارىنىڭ بارلىعى امان-ەسەن، جۇڭگو ازاماتتارىنىڭ 8 ٴۇيىن تەڭىز سۋى شايىپ قيراتىپ كەتتى.
ٴتىلشىنىڭ وسى ايدىڭ 20-كۇنى سىرتقى ىستەر مينيسترلىگىنەن ۇعىسۋىنشا، جۇڭگو تونگاعا 100 مىڭ امەريكا دوللارىندىق شۇعىل ادامگەرشىلىك كومەك كورسەتكەن ٴارى قۇنى 280 مىڭ يۋان كەلەتىن اۋىز سۋ ، ازىق ـ تۇلىك سياقتى زاتتاردى جەتكىزىپ شۇعىل جاعدايعا توتەپ بەرۋىنە قولداۋ كورسەتتى.
تونگانىڭ حالىقارالىق حابار-بايلانىسى قازىر شەكتى تۇردە قالپىنا كەلدى، تونگانىڭ اپات جاعدايى دا ارت-ارتىنان حالىقاراعا حابارلانۋدا. تونگانىڭ استاناسى نۋكۋاروفا قالاسىندا جەرگىلىكتى تۇرعىنداردىڭ تۇرمىسى بىرتىندەپ قالپىنا كەلۋدە.
اۋدارعان: امانتاي مۇسايىپ ۇلى
