لي جانشۋ سالۆادوردىڭ پارلامەنت باستىعىمەن كەڭەستى
ٴوز حابارىمىز. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 1-ايدىڭ 20-كۇنى بەيجيڭدەگى حالىق سارايىندا بەينە ەكران تاسىلىمەن سالۆادوردىڭ پارلامەنت باستىعى كاسترومەن كەڭەس وتكىزدى.
لي جانشۋ بىلاي دەدى: ٴتوراعا شي جينپيڭ مەن پرەزيدەنت بۋكەلدىڭ ستراتەگيالىق جەتەكشىلىگىندە، جۇڭگو مەن سالۆادور قاتىناسى جەدەل دامىپ، ٴار سالاداعى ناقتى سەلبەستىكتە سۇبەلى تابىستارعا قول جەتكىزدى. ەكى جاق جۇقپالى اۋرۋعا قول ۇستاسا توتەپ بەرىپ، جۇڭگو مەن سالۆادوردىڭ دوستىعى كۇشەيە ٴتۇستى. جۇڭگو سالۆادورمەن بىرگە قۇلشىنىپ ، ەكى ەل باسشىلارىنىڭ ماڭىزدى ورتاق تانىمدارىن ىشكەرىلەي تياناقتاندىرىپ ، جۇڭگو ـ سالۆادور قارىم ـ قاتىناسىنىڭ تەرەڭدەۋىن، ناقتىلانۋىن ىلگەرىلەتىپ، ەكى ەلدى جانە ەكى ەل حالقىن ٴتىپتى دە ويداعىداي باقىتقا كەنەلتۋدى قالايدى.
لي جانشۋ مىنالاردى اتاپ كورسەتتى: ەكى ەل قاتىناسىنىڭ دامۋى جۇڭگو مەن سالۆادوردىڭ ديپلوماتيالىق قاتىناس ورناتۋىنىڭ دۇنيە ٴجۇزىنىڭ جالپى جاعدايىنا، سالۆادور مەملەكەتى مەن حالقىنىڭ ٴتۇبىرلى مۇددەسىنە ۇيلەسەتىن دۇرىس تالعام ەكەندىگىن تولىق ٴتۇسىندىردى. جۇڭگو سالۆادوردىڭ ٴبىر جۇڭگو پرينسيبىنە تاباندى بولعاندىعىن ايرىقشا القايدى، بۇل جۇڭگو مەن سالۆادوردىڭ ديپلوماتيالىق قاتىناسىنىڭ ساياسي نەگىزى ٴارى ديپلوماتيالىق قاتىناس ورناتقاننان بەرگى ەكى ەل قاتىناسى جەدەل دامۋىنىڭ ٴتۇبىرلى العى شارتى. ەكى جاقتىڭ ەكى ەل باسشىلارى نۇسقاعان بەتالىس بويىنشا، جوعارى جىكتەگىلەردىڭ بارىس ـ كەلىسىن جيىلەتىپ، ساياسي سەنىمدىلىكتى ارتتىرۋلارىن؛ ناقتى سەلبەستىك سالالارىن كوبەيتىپ، ەكى ەل حالقىن اناعۇرلىم كوپ سەلبەستىك جەتىستىكتەرىنەن يگىلىكتەندىرۋلەرىن ٴۇمىت ەتەمىن. جۇڭگو سالۆادوردىڭ ىندەتكە توتەپ بەرۋ شايقاسىن ەڭ ەرتە قولداعان مەملەكەت رەتىندە، سالۆادورمەن ىندەتكە توتەپ بەرۋ سەلبەستىگىن اناعۇرلىم تەرەڭدەتىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن بىرگە قۇرۋدى قالايدى.
لي جانشۋ مىنالاردى باسا دارىپتەدى: ەكى ەلدىڭ زاڭ شىعارۋ قۇرىلىمدارى جۇڭگو ـ سالۆادور قاتىناسىنىڭ ورنىقتى ، باياندى دامۋىن جەبەۋدە ماڭىزدى رول اتقاردى. جۇڭگونىڭ مەملەكەتتىك حالىق قۇرىلتايى سالۆادور حالىقتىق پارلامەنتىمەن جوعارى جىكتەگىلەردىڭ بارىس ـ كەلىسىن ۇزدىكسىز ساقتاپ، ٴار ساتىلى اۋىس ـ كۇيىستى تەرەڭدەتىپ ، ” ٴبىر بەلدەۋ ، ٴبىر جول “ دى جوعارى ساپامەن بىرگە قۇرۋدى جانە سان-سالالى سەلبەستىكتى ىلگەرىلەتۋدى زاڭمەن باسقارۋ جاعىنان قامتاماسىزداندىرۋدى؛ زاڭ شىعارۋ، باقىلاۋ جانە ەل باسقارۋ تاجىريبەلەرىن ٴوزارا ۇيرەنۋدى، پايدالانۋدى؛ ٴار ەل پارلامەنتتەر وداعى سياقتى كوپ جاقتى ورىنداردا تىعىز سايكەسۋدى قالايدى.
كاسترو بىلاي دەدى: سالۆادور ٴبىر جۇڭگو پرينسيبىنە تاباندى بولادى، جۇڭگونىڭ جۇقپالى اۋرۋعا توتەپ بەرۋ، دامۋدى جەبەۋ سياقتى جاقتاردا سالۆادورعا قالتقىسىز كومەك جانە ماڭىزدى قولداۋ كورسەتكەنىنە العىس ايتادى، جۇڭگومەن دوستىق سەلبەستىكتى ۇزدىكسىز تەرەڭدەتۋدى قالايدى. سالۆادور حالىقتىق پارلامەنتى جۇڭگونىڭ مەملەكەتتىك حالىق قۇرىلتايىمەن بارىس ـ كەلىستى كۇشەيتىپ، ەكى ەل قاتىناسىنىڭ دامۋىن ىلگەرىلەتۋگە جانە حالىقتار دوستىعىن نىعايتۋعا ۇلەس قوسۋدى قالايدى.
اۋدارعان: امانتاي مۇسايىپ ۇلى
