ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي كىچياڭ ماماندار مەن كاسىپكەرلەر اڭگىمە ٴماجىلىسىن باسقارىپ اشىپ، ۇكىمەت قىزمەتىنەن بايانداما جونىندە ۇسىنىس ـ پىكىر الدى

来源:جۇڭگو قازاق راديو تورابى     |责编:阿依娜古丽|     发布日期: 2022-01-22 17:02

 

ٴوز حابارىمىز. ج ك پ ورتالىق كوميتەتتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 1-ايدىڭ 20-كۇنى اڭگىمە ٴماجىلىس باسقارىپ اشىپ، مامان-وقىمىستىلار مەن كاسىپورىن سالاسىنداعى قايراتكەرلەردىڭ ۇكىمەت قىزمەتىنەن بايانداماعا پىكىر الۋ نۇسقاسى جونىندەگى ۇسىنىس-پىكىرلەرىن تىڭدادى.


    ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ ماجىلىسكە قاتىناستى.


    مەملەكەتتىك كەڭەستىڭ دامۋ زەرتتەۋ ورتالىعىنان يۇي بين، مەملەكەتتىك ونەركاسىپ ـ ساۋدا بىرلەستىگىنەن لين زىيان، مەملەكەتتىك ەنەرگيا قارجى قوسۋ توبىنان ۋاڭ شياڭشي، ايي لايلى سەرىكتىگىنەن جوۋ يۋانحۇڭ، BOSS تىكە ۇسىنىس ەتۋ سەرىكتىگىنەن جاۋ پىڭ قاتارلىلار ٴسوز سويلەدى.


    لي كىچياڭ بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ٴار قايسى جاقتاردىڭ ورتاق قۇلشىنۋىندا، وتكەن جىلى ەكونوميكا قالپىنا كەلىپ دامۋ جاعدايى ساقتالدى، تۇتاس جىلداعى نىسانا ـ مىندەتتەر ٴبىرشاما جاقسى ورىندالدى، بۇل تابىستار وڭايلىقپەن قولعا كەلگەن جوق. قازىر ەكونوميكا جاڭا قۇلدىراۋ قىسىمىنا ٴدوپ كەلىپ وتىر، تۇراقسىزدىق فاكتورلار كوبەيۋدە، سەنىمدى بەكەمدەپ، قيىنشىلىققا تۋرا بەتتەۋ كەرەك. شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ورتالىقتىڭ ەكونوميكا قىزمەت ٴماجىلىسىنىڭ رۋحىن تياناقتاندىرىپ، جاڭا دامۋ تانىمىن دايەكتەندىرىپ، جاڭا دامۋ جاعدايىن قالىپتاستىرىپ، جوعارى ساپالى دامۋدى ىلگەرىلەتۋ؛ ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، ماكرولىق ساياساتتا ۇزدىكسىز جاڭالىق جاراتىپ، اتقارىپ، رەفورما جاساۋدى، ەسىك اشۋدى تەرەڭدەتۋ؛ ٴونىمدى سۇرانىستى كەڭەيتىپ، حاۋىپ ـ قاتەردەن ساقتانۋ جانە ارىلتۋ؛ ماكرولىق ەكونوميكانىڭ جالپى جاعدايىن ورنىقتىرۋ؛ ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك.


    لي كىچياڭ بىلاي دەدى: ماكرولىق ساياساتتىڭ ۇلاسپالىلىعىن، ورنىقتىلىعىن ساقتاۋ؛ باعىتتامالىلىعىن كۇشەيتۋ؛ ساياسات تەبىنىن ۇيلەسىمدى ارتتىرۋ؛ ۇيلەسىمدى ارالىقتا تەڭشەپ مەڭگەرۋگە، باعىتتامالى تەڭشەپ مەڭگەرۋگە ٴمان بەرۋ كەرەك. كولەمدى باجى ازايتىپ، اقى تومەندەتۋ ساياساتىن اتقارۋ، سىراپشىلدىق ىستەمەۋگە تاباندى بولۋ؛ جويداقسىز ەركىنە قويا بەرمەۋ؛ اينالىمنىڭ ۇيلەسىمدى، جەتكىلىكتى بولۋىن ساقتاۋ؛ ۋنيۆەرسال شارالار قولدانىپ، كاسىپورىنداردىڭ، اسىرەسە، ورتا، شاعىن، ۇساق كاسىپورىنداردىڭ قارجى بىرىكتىرۋ وزىندىك قۇنىن تومەندەتۋ؛ ناقتى ەكونوميكانى قولداۋدى كۇشەيتۋ كەرەك. جۇمىستاندىرۋدى الدىڭعى ورىنعا قويۋعا تاباندى بولىپ، بازارلانعان، قوعامدانعان جۇمىستاندىرۋدى جەبەۋ كەرەك. ەلەكتر، كومىر سياقتى ەنەرگيامەن قامداۋدى قامتاماسىزداندىرۋ؛ استىق ٴوندىرىسىن ورنىقتىرۋ كەرەك. رەفورما ارقىلى بازاردىڭ ومىرشەڭدىك كۇشىن اناعۇرلىم ارتتىرۋ؛ «ەكىدەن استە اۋىتقىماۋعا» تاباندى بولىپ، ٴتۇرلى مەنشىكتەگى كاسىپورىنداردىڭ ورتاق دامۋىن جەبەۋ كەرەك. ساۋدا ورتاسىن ساپالاندىرىپ، بازاردى باقىلاۋ - باسقارۋدى كەمەلدەندىرۋ جانە كۇشەيتۋ كەرەك. ىشكى سۇرانىمنىڭ جەبەۋ رولىن اناعۇرلىم ويداعىداي ساۋلەلەندىرىپ، ٴونىمدى قارجى قوسۋدى جانە تۇتىنۋدى ۇلعايتۋدى جەبەۋ كەرەك.


اۋدارعان: قاناتبەك جۇماباي ۇلى

中央广播电视总台 央广网 版权所有

لي كىچياڭ ماماندار مەن كاسىپكەرلەر اڭگىمە ٴماجىلىسىن باسقارىپ اشىپ، ۇكىمەت قىزمەتىنەن بايانداما جونىندە ۇسىنىس ـ پىكىر الدى

مەملەكەتتىك كەڭەستىڭ دامۋ زەرتتەۋ ورتالىعىنان يۇي بين، مەملەكەتتىك ونەركاسىپ ـ ساۋدا بىرلەستىگىنەن لين زىيان، مەملەكەتتىك ەنەرگيا قارجى قوسۋ توبىنان ۋاڭ شياڭشي، ايي لايلى سەرىكتىگىنەن جوۋ يۋانحۇڭ، BOSS تىكە ۇسىنىس ەتۋ سەرىكتىگىنەن جاۋ پىڭ قاتارلىلار ٴسوز سويلەدى.