ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي جانشۋ مالايزيا پارلامەنتى تومەنگى پالاتاسىنىڭ باستىعىمەن كەڭەس وتكىزدى

来源:جۇڭگو قازاق راديو تورابى     |责编:阿依娜古丽|     发布日期: 2022-01-22 17:07

 

ٴوز حابارىمىز. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 1- ايدىڭ 21- كۇنى بەيجيڭدەگى حالىق سارايىندا مالايزيا پارلامەنتى تومەنگى پالاتاسىنىڭ باستىعى ازحامەن بەينە ەكران فورماسىندا كەڭەس وتكىزدى.


    لي جانشۋ بىلاي دەدى : جۇڭگو مەن مالايزيانىڭ ٴداستۇرلى دوستىعى ۇزاق ۋاقىتتان بەرى تولىسىپ جاڭالانىپ،ٴبىر ـ بىرىنە سەنەتىن تاتۋ كورشى، ٴبىر ـ بىرىنە قارايلاساتىن جاقسى دوس، سەلبەسىپ تەڭ يگىلىككە كەنەلەتىن سەنىمدى سەرىك بولا ٴبىلدى. ەكى ەل باسشىلارىنىڭ ستراتەگيالىق جەتەكشىلىگىندە جۇڭگو مەن مالايزيانىڭ جالپى بەتتىك ستراتەگيالىق سەرىكتەستىك قاتىناسى بارعان سايىن تەرەڭدەپ، ۇزدىكسىز دامىدى.


    لي جانشۋ مىنالاردى اتاپ كورسەتتى: جۇڭگو مالايزيامەن دوستىق قاتىناستى قاستەرلەيدى، مالايزيامەن بىرگە ٴار سالاداعى ناقتى سەلبەستىكتى جوعارى ساپامەن ىلگەرىلەتۋدى قالايدى. ٴبىرىنشى،ستراتەگيالىق ٴوزارا سەنىمدىلىكتى بەكەمدەپ، ٴبىر ـ ٴبىرىنىڭ وزەكتى مۇددەسىنە جانە ٴجىتى قاداعالاپ وتىرعان كەلەلى ىستەرىنە ساياتىن ماسەلەلەردە باستان ـ اياق ٴبىرىن ـ ٴبىرى قولداۋى قاجەت. ەكىنشى، ىندەتكە قارسى تۇرۋ سەلبەستىگىن كەڭەيتىپ، ۆاكسينانى ٴوندىرۋ، قوراپتاۋ، ٴدارى ـ دارمەكتى زەرتتەۋ ـ اشۋ سياقتى جاقتارداعى سەلبەستىكتى كۇشەيتۋى ٴتيىس. ٴۇشىنشى، قول ۇستاسا بىرگە دامىپ، «ەكى ەل، ەكى باقشا» سياقتى ٴتۇيىندى نىساندار سەلبەستىگىن كۇش سالا ىلگەرىلەتىپ، الەمدىك دامۋ دارىپتەمەسىن تياناقتاندىرىپ، سەلبەستىكتىڭ جاڭا بيىگىن قالىپتاستىرۋ كەرەك. «وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمىنىڭ» رەسمي كۇشكە يە بولۋىن وراي ەتىپ، وڭىرلىك ەكونوميكانىڭ ٴبىر تۇلعالانۋىن جەبەۋ قاجەت. ٴتورتىنشى، حالىق رايى نەگىزىن بەكەمدەپ، گۋمانيتارلىق اۋىس ـ كۇيىستى جيىلەتۋى ٴتيىس. جۇڭگو جاسىل، بىرگە يگىلىككە كەنەلەتىن، اشىق، پاك بولۋ تانىمىنان جازباي، تۇتاس دۇنيە جۇزىنە ٴبىر كەزەك «قاراپايىم، حاۋىپسىز، تارتىمدى» قىسقى وليمپيك سپورت جارىسىن تارتۋ ەتەدى.


    لي جانشۋ مىنالاردى باسا دارىپتەدى: جۇڭگو مەملەكەتتىك حالىق قۇرىلتايى مالايزيا پارلامەنتىمەن بىرگە ٴداستۇرلى دوستىقتى جالعاستىرىپ، جوعارى جىكتەگىلەردىڭ بارىس ـ كەلىسىن ساقتاپ، ارناۋلى كوميتەتتەر، دوستىق گرۋپپالار، ۋاكىلدەر مەن پارلامەنت مۇشەلەرى اراسىنداعى قارىم ـ قاتىناستى، اۋىس ـ كۇيىستى جەبەپ، «ٴبىر بەلدەۋ، ٴبىر جولدى» جانە ٴار سالاداعى سەلبەستىكتى جوعارى ساپالى بىرگە قۇرۋدى زاڭمەن باسقارۋ جاعىنان قامتاماسىز ەتۋدى قالايدى؛ ۇيرەنۋدى، ٴوزارا ۇلگى الۋدى تەرەڭدەتىپ، زاڭمەن جونگە سالۋ قۇرىلىسى، كەدەيلىكتى ازايتۋ، دامۋ، وسى زامانعى اۋىل شارۋاشىلىعى سياقتى سالالارداعى تاجىريبە اۋىس ـ كۇيىسىن كۇشەيتىپ، ٴار ەل پارلامەنتتەرىنىڭ وداعى، ازيا پارلامەنت جينالىسى سياقتى كوپ جاقتى ورىنداردا سايكەسىپ جانە سەلبەسىپ ەكى ەلدىڭ جانە دامۋ ۇستىندەگى ەلدەردىڭ مۇددەسىن بىرگە قورعاۋى كەرەك.


    ازحا بىلاي دەدى: مالايزيا جۇڭگومەن قاتىناستى دامىتۋعا ايرىقشا ٴمان بەرەدى، ەكى ەلدىڭ ٴار سالاداعى ٴوزارا ٴتيىمدى سەلبەستىگىن ۇزدىكسىز كەڭەيتۋدى قالايدى. مالايزيا جۇڭگو مەملەكەتتىك حالىق قۇرىلتايىمەن دوستىق بارىس ـ كەلىستى كۇشەيتىپ، مالايزيا مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنىڭ ىشكەرىلەي دامۋىن جەبەۋدى قالايدى.

 

 اۋدارعان: سەرىك راقىم ۇلى

中央广播电视总台 央广网 版权所有

لي جانشۋ مالايزيا پارلامەنتى تومەنگى پالاتاسىنىڭ باستىعىمەن كەڭەس وتكىزدى

مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 1- ايدىڭ 21- كۇنى بەيجيڭدەگى حالىق سارايىندا مالايزيا پارلامەنتى تومەنگى پالاتاسىنىڭ باستىعى ازحامەن بەينە ەكران فورماسىندا كەڭەس وتكىزدى.