2021 – جىلى ەلىمىزدىڭ سىرتقى پەرۆرود بازارىنىڭ اينالىمى جالپى جاقتان ورنىقتى بولدى. مەملەكەتتىك سىرتقى پەرۆرودتى باسقارۋ مەكەمەسىنىڭ ورىنباسار باستىعى، اقپارات مالىمدەمەشىسى ۋاڭ چۇنيىڭ تانىستىرىپ بىلاي دەدى : 2021 – جىلى ەلىمىزدىڭ شەتەلگە باعىتتالعان ساۋداسى جاندانىپ، شەكارا اتتاعان قارجى اينالىمى ءتارتىپتى بولدى. 2021 - جىلى بانكەنىڭ سىرتقى پەرۆود ەسەبىن جابۋ جانە سىرتقى پەرۆود ساتۋ ساۋداسىنىڭ جيىنتىعى 2020 - جىلداعىدان جەكە - جەكە % 24 جانە % 35 ارتتى، باستىسى، ەلىمىزدىڭ جۇقپالى اۋرۋدان ساقتانۋ - تىزگىندەۋ، ەكونوميكانى قالپىنا كەلتىرۋ اياق الىسى دۇنيە ٴجۇزى بويىنشا الدىڭعى ورىندى ساقتاپ، زات ساۋداسى مەن ٴتۇرلى قارجى قوسۋ، قارجى قۇراۋ قيمىلدارى جالپى تۇلعالىق جاقتان تەبىندى بولدى.

    ۋاڭ چۇنيىڭ بىلاي دەدى: دۇنيە ٴجۇزى ەكونوميكاسىنىڭ جۇقپالى اۋرۋدان كەيىن بىرتىندەپ قالپىنا كەلۋى ٴالى دە زور بەتالىس سانالادى. ەل ىشىندەگى نەگىزگى ورنىقتىلىق بارىسىندا جاقسارۋ سىندى ۇزاق ۋاقىتتىق اۋقىم وزگەرگەن جوق، جۇڭگو سىرتقى پەرۆرود بازارىنىڭ ورنىقتى اينالىمىنا ۇزدىكسىز قولداۋ كورسەتەدى. سوندىقتان 2022 - جىلى ەلىمىزدىڭ سىرتقى پەرۆرود بازارىندا جالپى جاقتان ورنىقتى، اناعۇرلىم بىركەلكى دامۋ اۋقىمى جارىققا شىعۋىنان ٴۇمىت زور.

    بۇدان سىرت، 2021-جىلى شەكارا سىرتىنداعى قارجى قوسۋشىلاردىڭ ەلىمىزدەگى زايومى 166 ميلليارد 600 ميلليون امەريكا دوللارىنا جەتىپ، شەتەل قارجىسىن اتتىراتىن ماڭىزدى مۇلككە اينالدى.

اۋدارعان: سەرىك راقىم ۇلى