ٴوز حابارىمىز. «كوكتەم مەرەكەسىندە نەگىزگى ساتىعا بارۋ» دەگەن تاقىرىپتاعى تىزبەكتى حاباردىڭ بۇگىنگى بەرىلىمىندە جىجياڭ ولكەسى حۋجوۋ قالاسى چاڭشيڭ اۋدانى لۋشان اۋىلىندا سيفرلاندىرۋدىڭ دەمەۋىندە، «حۋياڭ قويى باعىمشىلىق زەيىندەستىرىلگەن اينالىم كاسىپ باقشاسىنىڭ» شارۋالارعا تيىمدىلىك جاساۋدىڭ جاڭا قوزعالتقىشىنا اينالىپ، قىستاق تۇرعىندارىن ورتاق اۋقاتتانۋعا باستاعاندىعى باياندالادى. «بولاشاقتاعى ەگىس الاڭىنداعى ٴىرى ساندى مالىمەتتى قوي قورا» دەگەن تاقىرىپتاعى حاباردى تىڭداڭىزدار. 

    جىجياڭ ولكەسى حۋجوۋ قالاسى چاڭشيڭ اۋدانى لۋشان اۋىلى «حۋياڭ قوي باعىمشىلىق زەيىندەستىرىلگەن اينالىم كاسىپ باقشاسىنداعى» كەڭ دە جارىق قوي قورادا قىزمەتكەر ۋاڭ چىنچىن تاڭەرتەڭ ەرتەمەن جۇمىسقا كىرىستى، ول ەكىلىك ٴنومىر جايمالاۋ جابدىعىن الىپ، حۋياڭ قويىنىڭ قۇلاعىنداعى سارى ٴتۇستى سىرعا بەلگىنى جايمالادى، ٴناسىل توركىنى، ىشتەگى قوزىنىڭ اي بويىنشا ەسەپتەلگەن ۋاقىتى سياقتى ينفورماتسيالار تابانداٴبىر-بىرلەپ انىق كورىنىپ شىعا كەلدى. ۋاڭ چىن بىلاي دەدى: سىرعا بەلگىسىن قويلاردىڭ سالاۋات كۋالىگى دەۋگە بولادى، تولدەۋ، ۇرىقتاندىرۋ-ٴوسىرۋ، ۆاكسينا ەستەلىگى، ٴدارى بەرۋ ەستەلىگى تۇگەلدەي ەلەكتروندىق سىرعا بەلگى ارقىلى ەستەلىككە الىنىپ، وندىرىستىك ناقتى قىزمەتتەرىنە ٴجون سىلتەنىپ وتىرادى. 

    لۇيشان اۋىلى-«حۋياڭ قويىنىڭ مەكەنى». ۋاڭ چىنچىن بىلاي دەدى: قازىرگى باعىمشىلىق جاعدايى سوناۋ جىلداردا ۇلى اتامىزعا ەرىپ ساناۋلى قويدىڭ سوڭىنان سالپاقتاۋعا ۇقسامايدى، قازىر ٴبىر مەنىڭ ٴوزىم 46 مىڭ تۇياققا جۋىق قويدى ەلەكتورن ارقىلى باعامىن، اتاپ ايتقاندا، كەڭسەدە وتىرىپ، قول تەلەفونداعى سيفرلى مال فەرماسى تەكشەسىن اشسام بولعانى، قورا جاعدايىن دەر كەزىندە كورۋىمە بولادى. بۇكىلدەي اۆتوماتتى باقىلاپ-مەڭگەرىلەدى، باقىلاۋ-مەڭگەرۋ ارقىلى الىعان ساندىق مالىمەتكە تالداۋ جاسالادى، ونان سوڭ وسى جۇيە ارقىلى اۆتوماتتى مەڭگەرىلەدى، ايتالىق، قورا تەمپەراتۋراسى تىم جوعارى بولىپ كەتسە، سۋىق اۋا بۇركىپ تەمپەراتۋرا تومەندەتىلەدى، اممياك گازى، كۇكىرتتى سۋتەگى مولشەرى وتە جوعارى بولىپ كەتسە، وسى جۇيە ارقىلى مەڭگەرىپ اۋا تازارتىپ، ساسىق ٴيىستى كەتىرۋگە بولادى. 

    كەزەكتە حۋياڭ قويى باعىمشىلىعى زەيىندەستىرىلگەن اينالىم كاسىپ باقشاسىندا» زەيىندەستىرىلگەن اينالمالى مەڭگەرۋ، كەسكىندى باقىلاۋ-مەڭگەرۋ، ارنايى جەمدەۋ، بولەكتەپ باپتاپ باعۋ، جەتىلدىرۋ-باعۋ، باعىمشىلىق مودەلى، جىلجىمالى APP سياقتى جابىق جۇيە قالىپتاستى. بۇل بەينە «ٴىرى ساندى مالىمەت قوي فەرماسىنا» ۇقسايدى، ۇلكەن ىستەردەن ايتساق، باعىمشىلىق فەرماسى تۇتاستاي باقىلانادى، كىشى ىستەردەن ايتساق، ٴبىر قويعا ٴبىر كۇندە قانشا جەم بەرىلەتىندىگىنە دەيىن ٴبارى-ٴبارى بەس ساۋساقتاي انىق بولادى. چاڭشيڭ اۋدانى لۋشان اۋىلى اۋىل شارۋاشىلىعى،اۋىل-قىستاق كەڭسەسىنىڭ جاۋاپتىسى سۇن كايكاي بىلاي دەپ تانىستىردى: لۇي شان اۋىلى حۋياڭ قويى باعىمشىلىعى زەيىندەستىرىلگەن اينالمالى كاسىپ باقشاسىن جىجياڭ ولكەسى بويىنشا كولەمى ەڭ ۇلكەن، ولشەمى ەڭ جوعارى حۋياڭ قويى بازاسىنىڭ بىرىنە اينالدىرۋدى جوسپارلاپ وتىر. سيفرلانعان، زەيىندەسكەن باسقارۋ، مەڭگەرۋ، سۇرىپتاپ جەتىلدىرۋ ارقىلى ساپالى گەن قامباسى قۇرىلدى، وسىنداي ناسلىدىك سۇرىپتاپ جەتىلدىرۋ ارقىلى حۋياڭ قويىنىڭ قوسىمشا قۇنى، جۇيەدەن ايگىلى ماركالىق قۇنى جوعارىلايدى. 

    1-ايدىڭ 20-كۇنى تۇستەن كەيىن كاسىپ باقشاسىندا پايدا ٴبولىس سالتى وتكىزىلدى، جەرلىك ورىنداعى 18 قىستاق تۇرعىنى وكىلەتتى باققان حۋياڭ قويى ساتىلعاننان كەيىن جەم-ٴشوپ سياقتى وزىندىك قۇن شىعارىپ تاستالعاندا، ٴار وتباسىنا 16 مىڭ يۋان كىرىس كىردى. حۋياڭ قويى زەيىندەستىرىلگەن اينالىم كاسىپ باقشاسىنىڭ ونىمدىلىگى جوعارىلاپ، جەرلىك ورىننىڭ قىستاق دارەجەلى كوللەكتيۆ شارۋاشىلىعىنا جىلىنا 9 ميلليون يۋاننان استام كىرىس كىرەدى، سونداي-اق ٴتۇرلى تاسىلدەر ارقىلى قىستاق تۇرعىندارىنىڭ ورتاق اۋقاتتانۋى جۇزەگە اسادى. بۇدان بىلايعى كەزدە حۋجوۋ قالاسى ەگىمشىلىك، بالىق شارۋاشىلىعى، مال شارۋاشىلىعى، سەيىل-سەرۋەن اۋىل شارۋاشىلىعى سالاسىندا ورتاق اۋقاتتانۋ، ۇلگى كورسەتۋ، جەتەكشىلىك ەتۋ رولىنا يە « 100 بولاشاق ەگىس الاڭىن» قۇرىپ، اۋىل-قىستاقتى كوركەيتۋگە جاڭا قوزعاۋشى كۇش قوسۋدى جوسپارلاپ وتىر.


  اۋدارعان: قاناتبەك جۇماباي ۇلى