ٴوز حابارىمىز. بايىرعى توڭكەرىستىك رايوندار-پارتيامىزدىڭ، حالىق ارميامىزدىڭ ٴتۇپ توركىنى، جۇڭگو حالقىنىڭ جۇڭگو كوممۋنيستىك پارتياسىن تاڭداۋىنىڭ تاريحي ايعاعى. 2019-جىلى 9-ايدا باس شۋجي شي جينپيڭ حىناندا قىزمەت تەكسەرگەندە بىلاي دەپ باسا دارىپتەدى: سۋ ىشكەندە قۇدىق قازۋشىنى ۇمىتپاۋ كەرەك. ٴبىز توڭكەرىستىك قۇربانداردى استە ەستەن شىعارماۋىمىز، بايىرعى رايونداعى حالىقتى استە ەستەن شىعارماۋىمىز، بايىرعى توڭكەرىستىك رايونداردى ٴتىپتى دە تاماشا قۇرۋىمىز، بايىرعى رايونداعى حالىقتى ٴتىپتى دە تاماشا ومىرگە كەنەلتۋىمىز كەرەك.

پارتيامىز توڭكەرىستىك قيمىلدار ورىستەتكەن جانە پارتيا ۇيىمىن ەڭ ەرتە قۇرعان ولكەلەردىڭ ٴبىرى بولعان حىنان ولكەسى بويىنشا 158 اۋدان، قالا رايوندا 122 توڭكەرىستىك بايىرعى رايون بار. سوڭعى جىلدارى حىنان ولكەسىندەگىلەر باس شۋجيدىڭ تاپسىرماسىن ەستە بەرىك ساقتاپ، بايىرعى رايوننىڭ «توڭكەرىسىك گەن، جاسىل ەكولوگيا، ەرەكشە كاسىپ سالاسى» بايلىق ابزالدىعىن تىعىز توڭىرەكتەي، بايىرعى توڭكەرىستىك رايوندا تىڭ باستامادا جوعارى ساپالى دامۋدى جۇزەگە اسىرۋدى ىلگەرىلەتتى. «جاڭا جورىقتا ەكپىندەي العا تارتۋ-جاڭا داۋىرگە ۇلەس قوسۋ ۇردىستەرى: بايىرعى رايوننىڭ جاڭا بەينەسى» اتتى جەلىلەس حاباردىڭ بۇگىنگى كەزەگىندە «حىنان ولكەسىندە بايلىق ابزالدىلىعى تىعىز توڭىرەكتەلىپ، بايىرعى توڭكەرىستىك رايوندى كوركەيتۋ- دامىتۋ ۇلگىسى قالىپتاسۋدا» دەگەن حابار بەرىلەدى.

حىنان ولكەسى شين-ياڭ قالاسى شينشيان اۋدانى تيانپۋ اۋىلى تيانپۋ داۋان قىستاعىندا، «اتا مەكەن ساياجايىنىڭ» قوجايىنى حان گۋاڭيىڭ ساياحاتشىلارعا ٴوزىنىڭ حالىقتىق تۇسەلحاناسىن تانىستىرۋدا. سوڭعى 2 جىلدا تيانپۋ داۋان قىستاعىندا جاسىلداندىرۋ، ساپالاندىرۋ، 5 G سيگنالىن جالپىلاستىرۋ يىنجەنەريالارى ىركەس-تىركەس ورىندالدى، سونداي-اق ساياحاتشىلاردى قابىلداۋ-جونەلتۋ ورتالىعى قۇرىلدى.

2019-جىلى 9-ايدا باس شۋجي شي جينپيڭ تيانپۋ داۋان قىستاعىندا قىزمەت تەكسەرۋ-زەرتتەۋ جۇرگىزگەندە بىلاي دەپ انىق ايتتى: توڭكەرىستىك مول مادەنيەت بايلىعىنا جانە جاسىل ەكولوگيالىق بايلىققا سۇيەنىپ، اۋىل-قىستاق ساياحاتىن دامىتىپ، اۋىل-قىستاق ەكونوميكاسىن جانداندىرۋ-اۋىل-قىستاقتى كوركەيتۋدەگى ابزال امال.

شينشيان اۋدانىندا تيانپۋ داۋان قىستاعى سياقتى جۇڭگونىڭ 10 ٴداستۇرلى قىستاعى، 34 ولكە دارەجەلى ٴداستۇرلى قىستاق بار. حۋبي-حىنان-انحۇي سوۆەتتىك رايونىنىڭ ورتالىعى بولعان شينيشان اۋدانىندا بۇدان تىس تاعى دا مەملەكەت دارەجەلى ٴتۇيىندى توڭكەرىستىك مادەني مۇرا رەتىندە قورعالاتىن 15 ورىن، ولكە دارەجەلى 14 ورىن، 365 توڭكەرىستىك تاريحي ەسكەرتكىش ورىن بار. جەرلىك ورىن توڭكەرىستىك مادەنيەت، جاسىل ەكولوگيا، بايىرعى قىستاق سياقتى بايلىق ابزالدىلىعىن ساۋلەلەندىرىپ، اۋىل-قىستاقتى شارۋالاردىڭ جۇمىسقا ورنالاسىپ، شارۋاشىلىق قۇرۋ باقىت مەكەنىنە اينالدىردى.

حىنان ولكەسىندەگىلەر باس شۋجي شي جينپيڭنىڭ تاپسىرماسىن ەستە بەرىك ساقتاپ، جەرلىك جاعدايعا قاراي توڭكەرىستىك بايىرعى رايوندىق ەرەكشە ابزال كاسىپ سالاسىن قالىپتاستىردى. جۋماديان قالاسىندا اۋىل شارۋاشىلىق ونىمدەرىن مانەرلەۋدى ساپالاندىرۋ اۋىل شارۋاشىلىق ونىمدەرىنىڭ قۇنىن جوعارىلاتۋداعى بۋىن ەتىلىپ، جۇڭگو جۇماديان حالىقارالىق اۋىل شارۋاشىلىق ونىمدەر مانەرلەۋ كاسىپ باقشاسىن قۇرۋ اياق الىسى جەدەلدەدى. قازىر جۋماديان قالاسىندا 1800 گە جۋىق اۋىل شارۋاشىلىق ونىمدەر مانەرلەۋ كاسىپورنى بار. اۋىل شارۋاشىلىق ونىمدەرىن مانەرلەۋ كاسىبىنىڭ جىلدىق ٴونىم قۇنى 190 ميلليارد يۋانعا جەتىپ، بۇكىل قالاداعى ٴبىرىنشى تىرەكتى كاسىپكە جانە تۇڭعىش 100 ميلليارد يۋاننان استام قورعا يە كاسىپ شوعىرىنا اينالدى.

كەزىندە ورتا جازىقتاعى جاپون شاپقىنشىلارىنا قارسى سوعىس نەگىزگى شايقاس مايدانىنىڭ ٴبىرى بولعان نان ياڭ قالاسىندا جەرلىك ورىن فوتوەلەكتر تەحنيكاسى، وپتيكالىق ۇساق بولشەكتەر، وپتيكالىق شاپتاما جارعاق سياقتى سالالار توڭىرەكتەلىپ، 100 ميلليارد يۋاندىق قورعا يە فوتو ەلەكتر كاسىپ شوعىرىن قالىپتاستى.

سوڭعى جىلدارى حىناندا بايىرعى توڭكەرىستىك رايونداردى كوركەيتۋ-دامىتۋ تاباندىلىقپەن اناعۇرلىم كورنەكتى ورىنعا قويىلدى. بىلتىر 10-ايدا، «حىنان ولكەسىندەگى توڭكەرىستىك بايىرعى رايونداردى كوركەيتۋ-دامىتۋدى جەبەۋ ەرەجەسى» رەسمي اتقارىلدى. دابيەشان، تايحاڭشان سياقتى بايىرعى توڭكەرىستىك رايوندارعا قارجى، نىسان، نەگىزدىك قۇرىلعى، باعىتتامالى كومەكتەسۋ سياقتى جاقتاردا اناعۇرلىم كوپ بەيىمدەلۋ شارالارى اتقارىلدى. بيىل 1-ايدا حىنان ولكەسىندە «14 بەس جىلدىق كەزىندەگى وسىزامانعى ۋنيۆەرسال قاتىناس–تاسىمال جۇيەسىن جانە توراپ ەكونوميكاسىن دامىتۋ جوسپارى» جاسالىپ، دابيەشان توڭكەرىستىك بايىرعى رايونى مەن چاڭجياڭ اتىراۋى، چاڭجياڭ ەكونوميكالىق بەلدەۋى، حۋاڭحى وزەنى الابىن سايكەستى دامىتۋ جەبەلىپ، ورتا جازىق-چاڭجياڭ اتىراۋى ەكونوميكالىق ٴدالىزىنىڭ ورتا لەنيا ۇلكەن ارناسى اشىلدى؛ بيىل 3-ايدىڭ 31-كۇنى شىعىس حىناندا جوعارى، جاڭا تەحنيكا كاسىپتەرىن كوركەيتۋ رايونى رەسمي قۇرىلىپ، چاڭجياڭ اتىراۋى مەن ۇلكەن شىعاناق رايونىن تۇتاستىراتىن «كوپىر باسى قامال» قالىپتاستى. وسىعان ىلەسە، ٴبىر توپ كاسىپ سالاسىن دامىتۋ نىساندارى ورنالاستى، ەڭسە كوتەردى جانە كەلەلى ينجەنەريا نىساندارى تياناقتانىپ، ٴونىم بەرە باستادى.


اۋدارعان: قاناتبەك جۇماباي ۇلى